Terra - Skiljum ekkert eftir

Terra endurnýjar samstarf við Hringiðu

Thu, 09 Apr 2026 11:14:00 GMT

Terra endurnýjar samstarf við Hringiðu

Terra hefur undirritað nýjan samstarfssamning við KLAK – Icelandic Startups og endurnýjar þar með stuðning sinn við nýsköpunarhraðalinn Hringiðu.

Terra hefur verið meðal bakhjarla KLAK frá árinu 2022 og lagt til bæði fjármagn og sérfræðiþekkingu, meðal annars með þátttöku í stýrihópi Hringiðu. Með áframhaldandi samstarfi styður Terra við frumkvöðla sem vinna að lausnum sem draga úr sóun, efla hringrásarhagkerfið og stuðla að sjálfbærri þróun.

„Það er okkur mikil ánægja að halda áfram samstarfi við KLAK. Hringiða fellur vel að stefnu Terra um að styðja við nýsköpun og sjálfbærar lausnir. Það er mikilvægt að atvinnulífið styðji við nýsköpun og þróun lausna sem nýtast bæði fyrirtækjum og samfélaginu í heild“ segir Gróa Björg Baldvinsdóttir, framkvæmdastjóri sjálfbærni og menningar hjá Terra.

Hringiða er sex vikna viðskiptahraðall sem sniðinn er að þörfum sprotafyrirtækja sem vinna að grænum lausnum og sjálfbærum viðskiptalíkönum. Markmið Hringiðu er að á Íslandi rísi öflug fyrirtæki sem vinna að grænum lausnum, skapi verðmæt og áhugaverð störf og skili árangri í umhverfis- og loftslagsmálum á Íslandi.

Terra opnar fyrir umsóknir í umhverfis- og nýsköpunarstyrktarsjóð

Wed, 08 Apr 2026 10:22:00 GMT

Við hjá Terra viljum styðja við aðila sem vinna að lausnum sem stuðla að sjálfbærni og betri framtíð fyrir okkur öll. Nú opnum við fyrir umsóknir um styrki til aðila – en aðeins þau verkefni sem falla að styrktarstefnu Terra og snýr að umhverfismálum og nýsköpun koma til greina.

Skilyrði fyrir umsókn

Við leitum að aðila, frumkvöðlum eða sprotafyrirtækjum sem eru með hugmyndir eða verkefni sem styðja við:

�� Umhverfismál - Betri umgengni við jörðina
Verkefni sem stuðla að hringrásarhugsun, draga úr umhverfisáhrifum eða bæta úrgangsstjórnun.

�� Nýsköpun - Sköpum nýjar leiðir að hringrásarhugsun
Frumlegar lausnir sem bæta nýtingu auðlinda, efnisstrauma eða stuðla að sjálfbærari samfélögum.

��Sjálfbærnistefnu Terra - Stuðlum að sjálfbærni

Verkefni sem styðja við sjálfbærnistefnu Terra og Heimsmarkmiðum Sameinuðu þjóðanna um sjálfbæra þróun sem félagið leggur áherslu á, sjá nánar í sjálfbærnistefnu Terra.

��Hafa jákvæð áhrif á samfélagið í heild eða í nærumhverfi Terra

Við störfum um allt land og viljum styðja við verkefni í okkar nær samfélagi ef verkefnið snýr ekki að áhrifum á samfélagið í heild. Hægt er að kynna sér hvar á landinu Terra starfar inn á terra.is

Umsóknarfrestur er til ��1. júní 2026

Umsóknareyðublað og frekari upplýsingar má finna hér

Við hlökkum til að kynnast ykkar hugmyndum og styðja við verkefni sem móta framtíðina í takt við gildi okkar.

Tökum höndum saman fyrir sjálfbærari framtíð.

Umhverfisfyrirtæki Terra á landsbyggðinni

Wed, 25 Mar 2026 09:22:00 GMT

Síðuskóli hefur hlotið titilinn Umhverfisverðlaun Terra fyrir árið 2025 á landsbyggðinni fyrir framúrskarandi árangur í flokkun úrgangs og markvissa vinnu í þágu sjálfbærni.

Verðlaunin eru veitt í viðurkenningarskyni fyrir öflugt og samstillt starf nemenda og starfsfólks við að draga úr úrgangi, auka endurvinnslu og efla umhverfisvitund. Síðuskóli stendur í fremstu röð stofnanna þegar það kemur að flokkun. Skólinn hefur nær helmingað þann úrgang sem endar á urðunarstað á síðustu árum sem og að heildar magn úrgangs hefur lækkað ár frá ári. Skólinn flokkar í alls níu flokka sem eru talsvert fleiri en reglur Akureyrarbæjar gera ráð fyrir.

Verðlaunin eru hvatning til áframhaldandi góðra verka og staðfesting á því að markviss umhverfisfræðsla og virk þátttaka skilar raunverulegum árangri. Við vonum að aðrar stofnanir taki Síðuskóla sér sem fyrirmynd.

“Síðuskóli vinnur frábært starf með því að kenna komandi kynslóðum um mikilvægi þess að flokka úrgang og að ganga vel um jörðina okkar. Sú þekking er nauðsynleg í nútíma samfélagi og verður enn mikilvægari eftir því sem að árin líða.

Síðuskóli er góð fyrirmynd bæði nemenda sem og annara stofnanna bæjarfélagsins. “ segir Kristbjörn Viðar Baldursson, sölu- og þjónustustjóri Terra á norðurlandi.

Til hamingju Síðuskóli ��

Umhverfisverðlaun Terra á höfuðborgarsvæðinu

Wed, 25 Mar 2026 09:15:00 GMT

Í ár er sjötta sinn sem Terra veitir samstarfsaðilum sínum viðurkenninguna “Umhverfisfyrirtæki ársins” Þessi verðlaun eru afhent þeim viðskiptavinum sem hafa sýnt framúrskarandi árangur í flokkun og endurvinnslu og jafnvel farið nýjar leiðir í ábyrgð þegar kemur að úrgangsmálum. Í fyrsta sinn árið 2024 voru valin tvö fyrirtæki til að hljóta þessi eftirsóttu verðlaun. Eitt á höfuðborgarsvæðinu og eitt á landsbyggðinni.

Fyrir árangur á árinu 2025 á höfuðborgarsvæðinu var það BAUHAUS sem hlaut umhverfisverðlaunin fyrir markvissan og eftirtektarverðan árangur í úrgangsstjórnun í sínum rekstri.

Með skýra og metnaðarfulla stefnu í umhverfismálum, sem starfsmenn fyrirtækisins framfylgja af ábyrgð og fagmennsku, hefur BAUHAUS náð framúrskarandi árangri í flokkun úrgangs og endurvinnslu. Sérstök áhersla hefur verið lögð á að koma sem stærstum hluta úrgangs aftur inn í hringrásarhagkerfið og lágmarka þann hluta sem ratar ekki þangað

Í rökstuðningi dómnefndar kemur meðal annars fram að einungis um 5% af þeim úrgangi sem til fellur hjá BAUHAUS sé blandaður úrgangur. Úrgangi fyrirtækisins er skipt niður í allt að 45 flokka, sem endurspeglar markvissa og faglega nálgun í úrgangsstjórnun.

“Samhliða metnaðarfullu flokkunarkerfi hefur BAUHAUS einnig lagt áherslu á að veita viðskiptavinum sínum tækifæri til að skilja umbúðir eftir í versluninni og einnig skilja eftir í versluninni ákveðnum úrgangsflokkum, svo sem ljósaperum, raftækjum, úðabrúsum og rafhlöðum, og þannig stuðla að aukinni umhverfisábyrgð í samfélaginu. “ segir Valgerður Sigrúnar Vigfúsardóttir, forstöðumaður viðskiptadeildar Terra.

„Það er mjög ánægjulegt að fylgjast með mörgum okkar viðskiptavinum sem sína mikla ábyrgð í úrgangsmálum og jafnvel, eins og BAUHAUS útvíkkar ábyrgð sína með því að veita viðskiptavinum tækifæri til að nýta ferðina til þeirra og skilja eftir ákveðna flokka sem ekki er safnað upp við húsvegg hjá fólki né á grenndarstöðvum”. Bætir Valgerður við.

Til hamingju BAUHAUS��

Þjónustuvefur Terra hlýtur tilnefningu

Tue, 17 Mar 2026 15:07:00 GMT

Sjötíu og níu veflausnir eru tilnefndar til Íslensku vefverðlaunanna í ár en aðeins sextán þeirra hreppa verðlaun. Verðlaunin fara fram í tuttugasta og fimmta sinn í Hörpu þann 26. mars næstkomandi.

Verðlaunin eru haldin á vegum Samtaka vefiðnaðarins (SVEF) sem eru fagsamtök þeirra er starfa í vefmálum á Íslandi. Alls bárust SVEF 220 innsendingar veflausna í ár sem keppa um titla á borð við fyrirtækjavef ársins, app ársins og söluvef ársins.

Þjónustuvefur Terra er tilnefndum í flokki Innri vefur ársins, í sama flokki eru eftirtaldir vefir:

��HMS: Byggingarleyfi á Íslandi

��Hoobla – markaðstorg með sjálfstætt starfandi sérfræðinga

��Nemendagrunnur

��Nýjar aðildarsíður Icelandair Saga Club

��Nýr þjónustuvefur Terra

Þökkum Norda fyrir frábært samstarf ��

Terra verður á Verk og Vit

Fri, 06 Mar 2026 10:21:00 GMT

Í blaði Verk og Vit má sjá viðtal við Karl Thorarensen sem er forstöðumaður innkaupa- og birgðardeildar.

Terra leggur áherslu á að auðvelda Íslendingum að skilja ekkert eftir með því að endurnýta, flokka og meðhöndla úrgang á ábyrgan hátt. Frá 1984 hefur fyrirtækið starfað við söfnun og flokkun endurvinnsluefna og unnið með fyrirtækjum, sveitarfélögum og heimilum að umhverfisvænni úrgangsstjórnun, með það markmið að koma efnum aftur inn í hringrásarhagkerfið.

„Djúpgámar eru lausn sem við höfum boðið upp á til fjölda ára og búum við yfir mestri og víðtækustu sérþekkingu á djúpgámum á Íslandi. Lausnin hefur orðið sífellt algengari á undanförnum árum. Þetta er snyrtilegri lausn en hefðbundnir yfirborðsgámar, þar sem markmiðið er að færa úrganginn neðanjarðar í stað þess að hafa gáma sýnilega á yfirborðinu. Með því skapast betri ásýnd í hverfunum og úrgangurinn verður minna áberandi í daglegu umhverfi fólks,“ segir Karl F. Thorarensen, innkaupa- og birgðastjóri Terra.

Hann segir að þó að djúpgámar séu dýrari í upphafi henti þeir einstaklega vel fyrir húsfélög, sérstaklega í fjölbýlishúsum. „Í stað þess að vera með dýrar og plássfrekar sorpgeymslur inni í húsunum er hægt að koma úrganginum út á snyrtilegan og þægilegan hátt. Þetta einfaldar bæði umhirðu og losun og bætir heildarupplifun íbúa.“ Lausnin hentar einnig vel fyrir sveitarfélög sem reka grenndarstöðvar, og vinsældir djúpgáma hafa aukist jafnt og þétt.

Víða má sjá dæmi um þessa þróun, til að mynda í nýrri uppbyggingu þar sem djúpgámar eru orðnir sjálfsagður hluti af skipulagi. Karl segir að í eldri hverfum geti hins vegar verið erfiðara að koma þeim fyrir. „Þar geta hálfniðurgrafnir eða vandaðir yfirborðsgámar verið hentugri kostur. Og við bjóðum upp á fjölbreytt úrval slíkra lausna sem hægt er að aðlaga að aðstæðum, skipulagi og þörfum hvers svæðis. En djúpgámar henta því sérstaklega vel í nýjum hverfum þar sem hægt er að gera ráð fyrir þeim strax á teikningum og í skipulagi svæðisins.“

Samhliða þessari þróun hefur Terra lagt mikla áherslu á stafræna umbreytingu í rekstrinum. „Við köllum þetta gagnadrifna nálgun; að færa verkferla yfir í stafrænt form og byggja ákvarðanir á gögnum frekar en venjum eða tilfinningum,“ segir Karl. Í stað þess að keyra sömu leiðir ár eftir ár, óháð því hvort ílát eru hálftóm eða yfirfull, notum við nú skynjara sem mæla fyllingarstig í gámum. Þegar þeir ná ákveðnu hlutfalli, til dæmis 70–80%, er hægt að skipuleggja losun út frá raunverulegri þörf.“

Árið 2022 markaði ákveðin tímamót í þessari þróun og breytingarnar hafa gengið afar vel að sögn Karls. „Þetta er talin stærsta breyting á starfseminni í yfir 40 ára sögu fyrirtækisins. Ný tækni hefur gjörbreytt því hvernig úrgangur er sóttur, skipulagður og greindur. Mikilvægur liður í þessari umbreytingu er nýr stafrænn þjónustuvefur sem tengir saman gáma, skynjara og gagnadrifna þjónustu í einu vistkerfi. Þar geta viðskiptavinir pantað losun íláta hvenær sem er sólarhringsins, fengið rauntímayfirsýn yfir stöðu íláta og þjónustudagatal og nálgast ítarleg gögn um úrgang og flokkun, bæði í kílóum og hlutföllum. Slík gögn styðja við umhverfismælingar og grænt bókhald.

Aðgangur að vefnum er öruggur og einstaklingsbundinn með rafrænum skilríkjum.“Karl segir að þetta spari bæði eldsneyti og mannafla og tryggi að tæki og starfsfólk séu nýtt þar sem þörfin er mest. „Jafnframt er þetta hagkvæmt fyrir viðskiptavini sem greiða þá ekki fyrir að tæma hálftóm ílát. Þannig skapast raunverulegur gagnkvæmur ávinningur, þar sem bæði rekstur og umhverfi njóta góðs af. Þetta hefur í raun verið algjör vendipunktur í því hvernig fyrirtækið starfar,“ bætir hann við að lokum. Byggja ákvarðanir á gögnum frekar en venjum eða tilfinningum

Blaðið í heild sinni má finna hér

Það má finna sérfræðinga Terra á bás B30 á sýningunni Verk og vit.

Blind svæði

Thu, 19 Feb 2026 08:45:00 GMT

Hætta getur skapast í kringum stór ökutæki þar sem það eru blindir staðir sem ökumaður sér ekki í kringum bílinn þegar hann situr undir stýri.

Þegar gengið eða hjólað er í kringum stór ökutæki (t.d. vörubíla, sorphirðubíla og strætisvagna) ber að varast blindu staðina sérstaklega beint fyrir framan bílinn og til hliðar við bílinn. Farið því varlega þegar þið þurfið að nálgast stóra bíla, haldið góðri öryggisfjarlægð og forðist að fara í blindustaðina eins og kostur er.

Aðrir ökumenn ættu að forðast að fara í blindu staðina/hornin (þar sem ökumaður sér þig ekki), og passa að stór ökutæki geti ekki séð þig þegar þeir eru að beygja eða færa sig til, svo tryggja þarf að ökumaður hafi séð þig áður en þú hreyfir þig eða framkvæmir ákveðnar aðgerðir.

Þessi ökutæki þurfa lengri hemlunar vegalengd og víðtækara snúnigsrými en venjulegur fólksbíll.

Mikilvægustu atriðin:

Blind horn: Stór ökutæki hafa stór blind horn beint fyrir framan, aftan og til hliðar. Ef þú ert í blindu horni sér ökumaðurinn þig ekki. Farðu því aldrei þangað.
Sýnileiki: Alltaf að vera viss um að ökumaðurinn hafi séð þig áður en þú ferð fram úr honum, beygir inn fyrir hann eða tekur ákvörðun sem gæti haft áhrif á akstur hans.
Hemlun: Það tekur stór ökutæki mun lengri tíma að hemla.
Afturhlerar: Vertu meðvitaður um að við opnun á afturhlerum eða vöruhurðum á stórum bílum getur það verið hættulegt vegna þess hve þungir þeir eru.
Gangbrautir: Vertu sérstaklega varkár á gangbrautum, vertu viss um að ökumaður hafi séð þig og ökutæki numið staðar áður en þú gengur yfir götuna á gangbrautinni.

Með því að skilja takmarkanir stórra ökutækja og vera meðvitaður um blindu hornin minnka líkur á slysum.

Fjölnota kveikjarar

Tue, 03 Feb 2026 14:37:00 GMT

Hér fyrir neðan má finna nokkra góða punkta af hverju það er mikilvægt að endurnýta kveikjara ��

♻️ 1. Minna plast = minni mengun

Flestir kveikjarar:

eru úr blöndu af plasti og málmi
eru nánast óendurvinnanlegir

➡️ Með því að nota sama kveikjarann aftur og aftur sparast tugir kveikjara á ári – fyrir hvern einstakling .

�� 2. Minni hráefnanotkun og framleiðsla

Hver einnota kveikjari krefst:

jarðefnaeldsneytis (plast)
málmvinnslu
orku í framleiðslu og flutningum

➡️ Þegar þú fyllir á gas:

nýtist sami kveikjari aftur
aðeins gas er framleitt og flutt
kolefnissporið verður margfalt lægra

�� 3. Kveikjarar eru algengt rusl í umhverfinu

Kveikjarar:

finnast oft í fjörum, görðum og gönguleiðum
brotna í örplast
geta verið hættulegir dýrum

➡️ Endurnýting dregur úr smáhlutum sem sleppa út í náttúruna .

�� 4. Endurnýting styður hringrásarhagkerfi

Að fylla á gas er:

dæmi um endurnýtingarmenningu
í takt við markmið um úrgangsminnkun
einföld leið til að velja sjálfbærari neyslu

�� 5. Lítil aðgerð – stór áhrif

�� Einn gasbrúsi getur:

fyllt marga kveikjara
komið í veg fyrir tugi einnota hluta
sparað bæði peninga og auðlindir

✨ Í stuttu máli

✔ Minna plast
✔ Minni losun
✔ Minna rusl í náttúrunni
✔ Skref í átt að hringrásarhagkerfi

Þegar kemur að því að flokka kveikjara er best fyrir umhverfið að skila honum á næstu móttökustöð og flokka með spilliefnum ♻

Þ️ú færð áfyllingu í flestum matvöruverslunum og á bensínstöðvum ��

Góð umhirða við grenndargáma

Wed, 07 Jan 2026 09:24:00 GMT

Góð umhirða við grenndargáma – ábyrgð okkar allra

Grenndargámar gegna lykilhlutverki í daglegri flokkun úrgangs og eru mikilvæg þjónusta fyrir íbúa. Þeir eru sameiginlegt svæði sem allir nota og því skiptir máli að umgengni sé góð, snyrtileg og ábyrg. Þegar endurvinnsluefni er skilið eftir við gámana í stað þess að fara ofan í þá, skapast vandamál sem snerta bæði umhverfi, öryggi og lífsgæði í nærumhverfinu.

Endurvinnsluefni við gámana – ekki lausn

Það er mikilvægt að skilja ekki eftir endurvinnsluefni við grenndargáma, jafnvel þótt þeir séu fullir eða erfitt virðist að losa í þá. Laust sorp getur fokið og einnig dregur það að sér fugla og önnur dýr sem rífa pokana, dreifa úrgangi og auka sóðaskap. Þetta leiðir ekki aðeins til óþrifnaðar í kringum grenndargámana heldur líka nær umhverfis þeirra.

Ef gámar eru fullir er rétt að:

leita að næsta grenndargámasvæði
geyma sorpið tímabundið heima
fara á næstu móttökustöð

Stórir söfnunarbílar og öryggi

Grenndargámar eru tæmdir með stórum söfnunarbílum sem þurfa að komast örugglega að þeim. Þegar endurvinnsluefni eru skilin eftir á jörðinni eða bílar eru lagðir of nálægt gámum getur það komið í veg fyrir að bílstjórar geti unnið vinnu sína á öruggan hátt. Í verstu tilfellum er ekki hægt að tæma gámana, sem leiðir til enn meiri uppsöfnunar sorps. Þar sem innmatið á þessum söfnunarbílum er nær þriggja metra hátt, er ekki mögulegt fyrir bílstjóra að setja endurvinnsluefni sem skilin eru eftir við grenndargámana ofan í bílinn. Það ef viðkomandi bílstjóri ætti að fara flokka það sem almenningur nennir ekki að setja í gámana eða koma í viðeigandi farveg mundi hægja ansi mikið á rúntinum hjá honum og mundu þeir þá ekki ná að halda sig við losunardagatal tiltekins sveitarfélags.

Góð umgengni þýðir að:

halda svæðinu í kringum gámana hreinu
leggja ekki bílum þannig að þeir hindri aðkomu
skilja eftir nægt rými fyrir losunarbíla
alls ekki skilja eftir úrgang við hliðin á grenndargámnum

Góð umgengni minnkar sóðaskap

Þegar sorp er sett rétt ofan í gáma dregur það verulega úr aðdráttarafli svæðisins fyrir fugla. Minni fuglaþyrpingar þýða minna rusl á jörðinni, minni lykt og hreinna umhverfi fyrir alla. Snyrtileg grenndargámasvæði stuðla einnig að jákvæðari upplifun íbúa og aukinni virðingu fyrir sameiginlegum rýmum.

Sameiginleg ábyrgð

Grenndargámar eru sameign samfélagsins. Með því að sýna ábyrgð, hugsa um næsta notanda og ganga vel um, stuðlum við að hreinna umhverfi, betra öryggi og fallegra hverfi. Lítil atriði í daglegu lífi – eins og að ganga frá úrgangi á réttan hátt – hafa mikil áhrif þegar allir taka þátt.

Góð umgengni skiptir máli. Fyrir umhverfið, fyrir öryggið og fyrir okkur öll.

Flokkum flugeldasorp

Mon, 29 Dec 2025 10:37:00 GMT

Terra hvetur landsmenn til að plokka upp flugeldasorp um áramótin.

Endurvinnslustöðvar Sorpu opna á nýju ári þann 2.janúar , þar sem finna má gáma undir flugelda.

Stjörnuljós má flokka í ílát undir málma. Ósprungna flugelda skal alltaf meðhöndla og flokka sem spilliefni.

Pappinn sem finna má í ýmsum flugeldum er ekki hæfur til endurvinnslu en ástæðan er leirinn sem er notaður í botninn t.d á flugeldaskottertum. Vinsamlegast setjið þann úrang ekki í pappírstunnu heimilisins.

Allir landsmenn eru hvattir til þess um áramótin að styðja björgunarsveitirnar með fjárframlögum eða flugeldakaupum, en ekki síður að hefja nýtt ár á því að skella sér út í labbitúr og plokka allt flugeldasorp sem víða má sjá eftir fjörugt gamlárskvöld. Þetta er góð byrjun á nýju ári, að hreinsa upp gamla árið, hreinsa umhverfið, en það er fátt hollara fyrir líkama og sál en að plokka.

Göngum vel um og komum í veg fyrir að flugeldasorp grotni niður og verði að drullu og sóðaskap.

Verðbreytingar

Fri, 26 Dec 2025 09:54:00 GMT

Leiga og losanir hækka um 3,5%.
Eyðingargjöld breytast í samræmi við gjaldskrár móttökuaðila.

Að auki verða breytingar á eftirfarandi flokkum:

Blandaður úrgangur: 63,0 kr / kg
Grófur úrgangur: 78,0 kr / kg

Opnunartími Terra yfir hátíðirnar

Mon, 22 Dec 2025 10:06:00 GMT

Flokkun tengd jólunum

Sun, 21 Dec 2025 12:30:00 GMT

Um leið og við óskum lesendum okkar gleðilegra jóla, viljum við deila með ykkur sjö ráðum um hvernig flokka megi úrgang og endurvinnsluefni sem tengjast jólahátíðinni.

7 góð flokkunarráð:

Mandarínukassar flokkast sem timbur og eru endurvinnslustöðvum land allt með ílát undir timbur.
Jólaseríur flokkast í sérstök ílát fyrir seríur eða með öðrum raftækjum á endurvinnslustöðvum.
Gjafapappír flokkast með öðrum pappír og sama gildir um merkisspjöldin.
Pakkabönd flokkast sem blandaður úrgangur en sérstök pakkabönd úr líni flokkast með öðru líni.
Sprittkertabikarar flokkast með málmi.
Gervijólatré sem eru ónýt eru flest með málmgrind og ber að flokka þau sem blandaðan úrgang nema öll "greni" hafi verið fjarlægð þá eru þau flokkuð sem málmur.
Lifandi jólatré flokkast sem garðúrgangur sem má skila á móttökustöðvar. Ýmis íþróttafélög bjóða einnig upp á þá þjónustu að sækja tréið heim gegn gjaldi.

Gleðilega hátíð!

Smáköku gleðitíminn er genginn í garð

Mon, 01 Dec 2025 08:36:00 GMT

Kanntu brauð að baka, djók smákökur!

Veistu hvað á að gera við allan þann úrgang sem fellur til við jólabaksturinn?

Ekki er ólíklegt að fólk telji að flokka eigi bökunarpappír með pappír en það er svo mikið rangt. Bökunarpappírinn fer með blandaða úrganginum þar sem pappírinn er með áferð sem veldur því að það festist ekkert við hann og er því ekki hreinn pappír.

Hérna eru nokkrir flokkar í viðbót sem vert er að huga að:

Eggjabakki �� Pappír

Eggjaskurn �� Matarleifar

Tómur hveiti poki �� Pappír

Umbúðir af smjöri �� Blandaður úrgangur

Smáköku klúður �� Matarleifar

Minnum þó á að ljótar smákökur bragðast jafn vel og fallegar, en ef þær gleymast í ofninum og brenna hvetjum við þig til að setja í pokann með matarleifunum.

Hættur sem fylgja því að yfirfylla úrgangsílát!

Thu, 06 Nov 2025 10:41:00 GMT

Hættur sem fylgja því að yfirfylla úrgangsílát!

Það þarf að hafa í huga þegar verið er að losa úrgang í þartilgerð ílát að ekki sé verið að yfirfylla þau.  Ef ílát eru yfirfull getur það gert starfsmönnum Terra erfitt fyrir að flytja þau á öruggan hátt. Við viljum forðast það að úrgangur falli út þegar ílát eru flutt, þar sem slíkt skapar bæði hættu á slysum og umhverfismengun.

Opnir gámar:

Viðmið fyrir opna gáma er að úrgangur má ekki ná upp fyrir brúnina á ílátinu, óháð því hvers konar úrgangur er.

Bílstjórar Terra geta tekið þá ákvörðun að fjarlægja ekki opinn krókgám sé hann yfirhlaðinn, m.ö.o. hlaðið yfir brún, vegna líkum á óhappi/slysum.

Lokaðir gámar:

Ef ekki er hægt að loka gám er hann of fullur. Loka þarf gámnum fyrir örugga flutninga og auðvelda losun.

Grenndargámar:

Þess ber einnig að geta að úrgangur eins og þvottavélar eiga ekki heima á grenndarstöðvum og skal því fara með slíkan úrgang á næstu endurvinnslustöð.

Ráðgjöf fyrir fyrirtæki:

Ef fyrirtæki lenda ítrekað í því að ílát séu að fyllast er mögulega kominn tími til að endurskoða losunartíðni eða stærð ílátsins. Fyrirtæki eru hvött til að hafa samband við okkur fyrir ráðleggingar um hentugar lausnir.

Með því að fylgja þessum leiðbeiningum stuðlum við að auknu öryggi og verndum umhverfið.

Nýr og öflugri Þjónustuvefur Terra er kominn í loftið

Wed, 05 Nov 2025 11:29:00 GMT

Nýr og öflugri Þjónustuvefur Terra er kominn í loftið

Við hjá Terra höfum tekið í notkun nýjan og endurbættan þjónustuvef sem leysir af hólmi fyrri „Mínar síður“. Markmiðið með nýja vefnum er að bæta upplifun viðskiptavina og auka aðgengi þeirra að upplýsingum.

Á Þjónustuvef Terra geta allir notendur nálgast:

Yfirlit yfir þjónustu og ílát

Pantanir á losunum

Þjónustudagatal

Þeir starfsmenn sem hafa stjórnenda aðgang að vefnum hafa að auki aðgang að eftirfarandi upplýsingum og virkni:

Yfirlit yfir reikninga og hreyfingar

Flokkunarupplýsingar um magn úrgangs fyrir fyrirtækið

Stjórnun notenda og stjórnenda

Yfirlit yfir þjónustustaði

Aðgangur að vefnum er einstaklingsbundinn og byggir á hlutverki viðkomandi – hvort sem hann er prófkúrhafi/stjórnandi eða almennur notandi.

Innskráning fer fram með rafrænum skilríkum. Til að stofna nýjan aðgang þarf prófkúrhafi fyrirtækisins að skrá sig fyrst inn og veita öðrum starfsmönnum aðgang.

Við hvetjum alla viðskiptavini til að kynna sér nýja þjónustuvefinn og nýta sér hann.

Hér má finna nýjan Þjónustuvef Terra

Vantar aðstoð?
Þjónustuver Terra er til staðar til að aðstoða við innskráningu og notkun.

Netspjall: Neðst í hægra horni á  terra.is  (opið virka daga kl. 8:00–16:00)

Sími: 535 2500 (opið virka daga kl. 9:00–15:00)

Hér má sjá leiðbeiningar á þessum nýja vef okkar

Terra opnar fyrir umsóknir um styrki

Tue, 21 Oct 2025 12:17:00 GMT

Terra opnar fyrir umsóknir um styrki

Ert þú með hugmynd að verkefni sem getur haft jákvæð áhrif á umhverfið og samfélagið?

Við hjá Terra viljum styðja við aðila sem vinna að lausnum sem stuðla að sjálfbærni og betri framtíð fyrir okkur öll. Nú opnum við fyrir umsóknir um styrki til aðila – en aðeins þau verkefni sem falla að styrktar stefnu Terra og snýr að umhverfismálum og nýsköpun koma til greina.

Skilyrði fyrir umsókn

Við leitum að aðila, frumkvöðlum eða sprotafyrirtækjum sem eru með hugmyndir eða verkefni sem styðja við:

Umhverfismál - Betri umgengni við jörðina
Verkefni sem stuðla að hringrásarhugsun, draga úr umhverfisáhrifum eða bæta úrgangsstjórnun.
Nýsköpun - Sköpum nýjar leiðir að hringrásarhugsun
Frumlegar lausnir sem bæta nýtingu auðlinda, efnisstrauma eða stuðla að sjálfbærari samfélögum. Sjálfbærnistefnu Terra - Stuðlum að sjálfbærni

Verkefni sem styðja við sjálfbærnistefnu Terra og Heimsmarkmiðum Sameinuðu þjóðanna um sjálfbæra þróun sem félagið leggur áherslu á, sjá nánar í sjálfbærnistefnu Terra.

Hafa jákvæð áhrif á samfélagið í heild eða í nærumhverfi Terra

Við störfum um allt land og viljum styðja við verkefni í okkar nærsamfélagi ef verkefnið snýr ekki að áhrifum á samfélagið í heild. Hægt er að kynna sér hvar á landinu Terra starfar inn á terra.is

Umsóknarfrestur er til �� 5. janúar 2026

Umsóknareyðublað og frekari upplýsingar má finna á hér.

Við hlökkum til að kynnast ykkar hugmyndum og styðja við verkefni sem móta framtíðina í takt við gildi okkar.

Tökum höndum saman fyrir sjálfbærari framtíð.

Terra

Alþjóðlegi rafrusldagurinn 2025 – mikilvægi hráefna í hringrásarhagkerfi

Mon, 13 Oct 2025 09:23:00 GMT

Eftirspurn eftir snjallsímum, rafbílum, sólarpanelum og annarri tækni heldur áfram að aukast, og þar með þörfin fyrir þau hráefni sem gera tæknina mögulega. Þann 14. október er haldinn Alþjóðlegi rafrusldagurinn (#ewasteday) í áttunda sinn, en í ár er sjónum beint að nauðsynlegum hráefnum sem gegna lykilhlutverki í grænni og stafrænni umbreytingu heimsins.

Mikilvægi hráefna

Um er að ræða frumefni sem aðeins eru unnin í fáum löndum og hafa því bæði efnahagslegt og pólitískt vægi. Þrátt fyrir að margir geri sér grein fyrir mikilvægi þeirra er ekki alltaf vitað að þessi efni má endurheimta úr gömlum eða biluðum raftækjum sem liggja ónotuð í skúffum og geymslum.

Markmiðið með deginum er að minna á að þessi tæki eru ekki úrgangur heldur verðmæt auðlind sem hægt er að nýta aftur.

Evrópusambandið setur metnaðarfull markmið

Með nýrri CRM-löggjöf (Critical Raw Materials Act) hefur Evrópusambandið sett sér skýr markmið:

10% af árlegri notkun hráefna skal koma innanlands frá
40% skal vera unnið innan ESB
25% þarf að koma úr endurvinnslu

Til að ná þessu þarf að safna meira af raf- og rafeindatækjaúrgangi og þróa sérhæfða tækni til að vinna úr honum. Þótt árangursrík endurvinnsluferli séu til fyrir efni eins og kopar og ál, er krafist nýsköpunar til að endurvinna sjaldgæfari efni sem finnast í litlu magni í raftækjum.

Samkvæmt nýlegri rannsókn frá TNO gæti endurheimt úr raftækjaúrgangi staðið undir allt að 31% af núverandi þörf ESB fyrir þessi efni. Sérfræðingar, meðal annars hjá Deloitte , hafa bent á að núverandi löggjöf sem leggur áherslu á þyngd frekar en verðmæti hráefna sé ekki nægilega hvetjandi fyrir hringrásarhagkerfið.

Neytendur lykillinn að lausninni

Þrátt fyrir að löggjöf og tækni skipti máli, er þátttaka almennings og fyrirtækja ómissandi. Rannsókn WEEE Forum og UNITAR sýnir að hvert heimili á að meðaltali 74 raftæki (ljós og lampar ekki talin með). Þar af eru 61 í notkun, 9 eru ónotuð en enn í lagi, og 4 biluð en geymd. Heildarmassi raftækja á heimilum er áætlaður 90 milljón tonn.

Gamlar fartölvur, símar og hleðslutæki sem safnast upp í skúffum geta því verið verðmæt hráefni sem nýtast í nýrri framleiðslu. Með því að skila raftækjum á viðeigandi söfnunarstaði stuðla neytendur beint að því að halda hráefnum í hringrás og styrkja hringrásarhagkerfið.

Raftækjum má skila á flestar móttökustöðvar.

Sveitarfélagið þitt veitir nánari upplýsingar um hvert má skila í þinni heimabyggð

Sjá má frekari upplýsingar á vef Úrvinnslusjóðs

Terra vann útboð fyrir Norðurþing og Tjörneshrepp

Fri, 10 Oct 2025 10:17:00 GMT

Terra hefur unnið útboð um sorphirðu fyrir sveitarfélögin Norðurþing og Tjörneshrepp. Þjónustan hófst formlega 1. október og nær til allra íbúa á þjónustusvæðinu, sem spannar bæði þéttbýli og dreifbýli á svæðinu.

Um er að ræða verkefni sem Terra hefur áður sinnt á liðnum árum, en ekki síðastliðin ár. Það er því sérstaklega ánægjulegt að taka aftur við þjónustunni og styrkja þannig stöðu fyrirtækisins á Norðurlandi. Með nýjum samningi bætist Norðurþing á ný við fjölbreytt þjónustusvæði Terra, sem spannar nú fjölda sveitarfélaga og fyrirtækja víðs vegar um landið.

Verkefnið felur í sér reglubundna sorphirðu íbúa, rekstur gáma og söfnunaríláta auk ráðgjafar og stuðnings við sveitarfélögin um úrgangsstjórnun og flokkun. Mikil áhersla er lögð á að veita íbúum skilvirka og áreiðanlega þjónustu, ásamt því að styðja við markmið sveitarfélaganna um aukna endurvinnslu og ábyrgari úrgangsmeðhöndlun í takt við ný lög og reglugerðir.

Við erum stolt af trausti sveitarfélaganna og hlökkum til að vinna með þeim að því að tryggja íbúum Norðurþings og Tjörneshrepps góða, örugga og umhverfisvæna þjónustu. Þetta samstarf fellur vel að stefnu okkar um að styðja við sjálfbærni og að hjálpa samfélögum um allt land að ná betri árangri í úrgangsmálum.

Samstarfið við sveitarfélögin er þegar hafið og verður áfram unnið í nánu samráði við þau, með það að markmiði að þjónustan verði bæði sveigjanleg og í samræmi við þarfir íbúanna.

Dagur íslenskrar náttúru – sameiginleg ábyrgð okkar allra

Mon, 15 Sep 2025 13:30:00 GMT

Í dag, 16. september, er haldið upp á Dag íslenskrar náttúru. Dagurinn minnir okkur á einstaka náttúru Íslands og þá ábyrgð sem við berum sem samfélag og einstaklingar til að vernda hana fyrir komandi kynslóðir.

Ísland er ríkt af fjölbreyttu lífríki – frá víðernum hálendisins, þar sem hraunbreiður, jöklar og fjöll mynda stórbrotna heild, til sjávarins sem umlykur landið og er ein stærsta náttúruauðlind okkar. Þessi náttúra er ekki aðeins falleg heldur einnig grundvöllur lífs og velferðar í landinu.

Á þessum degi er mikilvægt að huga að því hvernig við getum öll lagt okkar af mörkum til að standa vörð um umhverfið. Smáar aðgerðir í daglegu lífi geta haft stór áhrif:

Flokka úrgang á réttan hátt,

Nýta frekar endurnýjanlegan orkugjafa,

Ganga vel um við ferðalög,

Minnka sóun í neyslu og mataræði.

Við eigum sameiginlega hagsmuni af því að náttúra Íslands haldist heilbrigð og fjölbreytt. Dagur íslenskrar náttúru er því ekki aðeins tilefni til að dást að fegurð landsins, heldur einnig hvatning til aðgerða.

Við hjá Terra minnum á að með samstilltu átaki getum við tryggt að „landið okkar, náttúran okkar“ verði áfram sú ómetanlega auðlind sem hún er – fyrir okkur sjálf og komandi kynslóðir.

Matarleifar eru auðlind

Mon, 15 Sep 2025 12:36:00 GMT

Frábær árangur hefur náðst við flokkun matarleifa eftir að nýtt flokkunarkerfi var innleitt hér á Suðvesturhorninu með tilkomu nýrra laga varðandi úrgangsflokkun.

Til að sem bestur árangur náist er mikilvægt að flokka matarleifar vel og vandlega.

Sorpa hefur tekið við þessum matarleifum, úr þeim er framleitt metangas og molta í Gaju, gas- og jarðgerðarstöð Sorpu. Þess má geta að með þessum árangri hefur verið lyft grettistaki í að draga úr losun gróðurhúsalofttegunda.

Hjá Gaju er gert ráð fyrir að tekið verði á móti 24.000 tonnum af matarleifum, sem kemur í veg fyrir losun á 20.000 tonnum af koltvísýringisígildi. Það jafngildi því að taka 10.000 fólksbíla sem ganga fyrir jarðefniseldsneyti af götunum. Það er ekki það eina sem ávinnst af þessari söfnun, heldur er hliðarávinningurinn af þessari vinnslu, heilmikil molta og metan.

Sparast losun á gróðurhúsaloftegundum sem nemur um 800 kílóum fyrir hvert tonn af matarleifum.

Þessi frábæri árangur ætti að vera hvatning fyrir fyrirtæki til að gera enn betur þegar kemur að því að flokka matarleifar. Með því að fyrirtæki þitt flokki matarleifar er það að sýna samfélagslega ábyrgð.

Við hjá Terra bjóðum upp á þá þjónustu að leigja þínu fyrirtæki ílát undir matarleifar til að hafa úti og svo seljum við ílát og bréfpoka sem nota má innanhús. Hægt er að vera með þetta í reglubundinni þjónustu. Við sjáum svo um að skila matarleifunum á réttan hátt til Gaju, sem er eini farvegurinn fyrir matarleifar á Suðvesturhorninu sem samræmist hringrásarlögunum.

Hér má finna þær vörur sem Terra hefur til sölu sem ættu að auðvelda þínu fyrirtæki að flokka matarleifar

Ekki hika við að hafa samband við okkur hjá Terra og við leiðbeinum þér til að þitt fyrirtæki nái farsælum árangri í flokkun úrgangs.

Mikilvægi þess að huga að aðkomu söfnunaríláta við heimili og fyrirtæki

Mon, 01 Sep 2025 13:43:00 GMT

Mikilvægi þess að huga að aðkomu söfnunaríláta við heimili og fyrirtæki

Rétt aðstaða fyrir ílát skiptir sköpum bæði fyrir íbúa eða starfsmenn og þá sem sjá um að hirða úrgang. Þegar vel er hugsað fyrir aðkomu að ílátum, eykst öryggi, skilvirkni og hreinlæti – auk þess sem það sparar tíma og kostnað til lengri tíma.

Aðgengi fyrir úrgangshirðun

Starfsfólk sem sinnir úrgangshirðun vinnur við krefjandi aðstæður. Þeir þurfa að geta nálgast tunnur auðveldlega, án þess að klifra yfir hindranir, ganga um óslétt undirlag eða þurfa að færa hindranir úr vegi. Hrein og greið aðkoma tryggir bæði öryggi þeirra sem losa ílátin og skilvirka þjónustu.

Veður og aðstæður

Á Íslandi ráða veðuraðstæður miklu. Mikilvægt er að ílátin standi á stöðugum fleti þar sem hvassviðri eða hálka skapa ekki hættu. Ef þau fjúka til getur það valdið slysum eða skemmdum á eigum. Í kulda og snjó er einnig nauðsynlegt að moka og sanda að tunnustæði svo aðgengi sé öruggt.

Fyrir þá sem nota ílátin

Þeir sem henda úrgangi þurfa einnig greiðan og öruggan aðgang að ílátunum. Ef ílátin eru illa staðsettar eða aðgengi erfitt getur það leitt til þess að úrgangur endi utan tunnu – sem veldur sóðaskap og getur dregið úr árangri í flokkun.

Samfélagsleg ábyrgð

Með því að huga að aðkomu söfnunaríláta sýnum við virðingu fyrir starfsfólki sem sinnir söfnun úrgangs, stuðlum að öryggi nágranna okkar og tryggjum að úrgangur sé meðhöndlaður á ábyrgan hátt. Þetta er einföld en mikilvæg leið til að stuðla að hreinlegra og öruggara umhverfi.

Hvernig náum við árangursríkri flokkun úrgangs!

Wed, 27 Aug 2025 15:40:00 GMT

Til að ná árangri í úrgangsflokkun hjá fyrirtækjum er mikilvægt að fylgja skipulegum og markvissum skrefum ♻️

Hér eru nokkur lykilatriði sem geta hjálpað:

1️⃣Fræðsla:

Upplýsingagjöf: Fræða starfsmenn um mikilvægi og ávinning úrgangsflokkunar.

Þjálfun: Skipuleggja námskeið og þjálfun til að kenna rétt vinnubrögð við flokkun.

2️⃣Ílát rétt og vel merkt

Flokkunarkerfi: Setja upp skýr og auðskilin flokkunarkerfi með Fenúr merkingum, samnorrænar merkingar.

Flokkunaraðstaða: Koma upp viðeigandi flokkunarstöðvum á vinnustaðnum, eins og flokkunartunnum fyrir plast, pappír, matarleifar, blandaðan úrgang, málm, gler ofl.

3️⃣Eftirlit

Áætlunargerð: Móta heildræna úrgangsstjórnunaráætlun sem tekur mið af núverandi stöðu og framtíðarmarkmiðum.

Eftirlit: Reglulegt eftirlit og greining á árangri til að tryggja að flokkunarkerfið sé rétt notað og skilvirkt.

4️⃣Hvatning

Viðurkenningar: Hvetja starfsmenn með viðurkenningum fyrir góða þátttöku í flokkunarverkefnum.

Ávinningur: Benda á beinan og óbeinan ávinning úrgangsflokkunar, eins og lækkun úrgangskostnaðar og jákvæð umhverfisáhrif.

5️⃣Samstarf við birgja og úrgangsþjónustuaðila

Samskipti: Tryggja gott samstarf við birgja og úrgangsþjónustuaðila til að hámarka endurvinnslu og rétta meðhöndlun úrgangs.

Hafa skýra samninga við úrgangsþjónustuaðila um hvernig úrgangur er sóttur og meðhöndlaður.

6️⃣Stöðug endurskoðun og umbætur

Endurmat: reglulegt endurmat á kerfinu til að finna hvar er tækifæri til að gera betur.

Nýjungar: fylgjast með nýjungum í úrgangsstjórnun og innleiða nýjar lausnir eftir þörfum.

7️⃣Ábyrgðaraðili

��Best er ef einhver innan fyrirtækisins á þetta verkefni og bera þar með ábyrgð á að það sem er talið upp hér að ofan verði framfylgt.

Framkvæmdaráætlun ��

Skipuleggja kynningarfund fyrir starfsmenn um úrgangsflokkun.
Setja upp merkingar og flokkunarstöðvar á réttum stöðum í fyrirtækinu.
Þróa áætlun og setja fram markmið í samráði við lykilstarfsmenn.
Koma á fót formlegum samskiptum við úrgangsþjónustuaðila.
Fylgjast reglulega með og gefa endurgjöf um framvindu og árangur.

Þessi skref geta hjálpað fyrirtækjum að ná árangri í úrgangsflokkun og stuðla að sjálfbærari starfsemi ��

Verðbreytingar

Wed, 27 Aug 2025 10:25:00 GMT

Ný gjaldskrá Terra tekur gildi 1. september 2025. Verðbreytingar þessar eiga við höfuðborgarsvæðið.

Leiga og losanir er óbreytt.

Eyðingargjöld breytast í eftirfarandi verð pr kg:

Blandaður rekstrarúrgangur verður 67,27 kr.
Blandaður úrgangur verður 61,88 kr.
Grófur úrgangur verður 76,52 kr.
Umbúðartimbur verður 9,28 kr.
Steinefni verða 10,40 kr.
Dagblöð og tímarit verða 29,82 kr.
Húsdýraskítur verður 21,43 kr.
Lífrænn úrgangur óflokkaður verður 74,01 kr.
Lífrænn úrgangur í umbúðum verður 74,01 kr.
Prentsmiðjuúrgangur 29,81 kr.
Litað timbur verður 26,40 kr.
Dýrahræ verða 80,35 kr.

Verð eru án vsk

Mikilvægt er að flokka nikótínvörur rétt

Wed, 30 Jul 2025 13:15:00 GMT

Mikilvægt er að flokka nikótínvörur rétt – til að vernda náttúruna og koma í veg fyrir eldhættu

Nýtt neyslumynstur hefur orðið til með tilkomu rafrettna, nikótínpúða og annarra nikótínvara – en því miður hefur ekki alltaf fylgt með næg fræðsla um hvernig á að farga þessum vörum á réttan hátt. Röng flokkun getur haft alvarlegar afleiðingar bæði fyrir náttúru og það fólk sem starfar við úrgangsmál.

Hvers vegna skiptir rétt flokkun máli?

Nikótínvörur og fylgihlutir þeirra – t.d. rafrettur, einnota rafrettur, rafhlöður og notaðir nikótín púðar – innihalda oft eiturefni og málma sem geta mengað jarðveg og vatn ef þeim er fargað með blönduðum úrgangi. Í sumum tilfellum geta þessar vörur jafnvel valdið eldhættu þegar þær enda í sorpílátum eða söfnunarbílum, sérstaklega ef um er að ræða rafhlöður.

❗Ein lítil rafhlaða getur skapað eldhættu sé henni hent með blönduðum úrgangi
❗ Nikótín í notuðum púðum og sígarettum getur valdið eitrun í náttúrunni – jafnvel dýrum sem geta gleypt þau.

Hvað á að gera við þessar vörur?

�� Ef þú ert í vafa, þá ekki hika við að senda okkur línu

Sameiginleg ábyrgð

Það er á ábyrgð okkar allra – neytenda, dreifingaraðila og sveitarfélaga – að tryggja að þessar vörur fari ekki í röng ílát. Með réttri flokkun verndum við ekki aðeins náttúruna heldur líka heilsu þeirra sem vinna við móttöku og flokkun úrgangs.

Flokkun úrgangs – gott fyrir hjartað, heimilið og jörðina

Fri, 25 Jul 2025 09:50:00 GMT

Flokkun úrgangs – gott fyrir hjartað, heimilið og jörðina

Við vitum flest að flokkun úrgangs skiptir máli fyrir umhverfið. En vissir þú að rétt flokkun getur líka haft bein áhrif á heilsuna – sérstaklega hjarta- og æðakerfið?

Með því að flokka úrgang dregur þú úr losun skaðlegra efna í andrúmsloftið, sem aftur bætir loftgæði og minnkar áhættu á hjartasjúkdómum. Það sem virðist einfalt – að setja úrgang í rétt ílát – hefur víðtæk áhrif, bæði á heilsu okkar og heilsu plánetunnar.

Við skulum fara yfir mikilvægustu flokkana og hvernig þú getur flokkað rétt og ábyrgðarfullt:

�� Matarleifar – verðmæt næring fyrir jörðina

Flokka skal allar matarleifar –í þar til gert ílát.
Þar má t.d. setja ávaxtahýði, kaffikorg, brauðleifar og eggjaskurn.
EKKI má setja plastpoka, kattasand eða garðúrgang í þennan flokk.

Af hverju skiptir þetta máli?
Matarleifar má umbreyta í moltu eða metan sem nýtt er sem jarðvegsbætir eða orkugjafi. Séu þær brenndar í stað þess að vera endurunnar tapast þessi orka og kolefnislosun eykst.

♻️ Plast – mikilvægt að forðast blöndun

Flokka skal hreint plastumbúðaefni í ílát merkt plastumbúðir: umbúðir utan af vörum, filmur, plastpokar.
EKKI má setja þar frauðplast, plastleiktæki eða plast sem er blandað öðrum efnum.

Af hverju skiptir þetta máli?
Endurvinnanlegt plast sparar olíu og minnkar losun gróðurhúsalofttegunda. Sé plast þó flokkað með öðrum úrgangi, er hætta á að það fari í brennslu þar sem eiturefni losna út í andrúmsloftið.

�� Pappír – auðvelt að endurvinna, ef hann er rétt flokkaður

Pappír, dagblöð, tímarit og hreinar pappaumbúðir fara í pappírsflokk.
EKKI má setja pizzakassa með fitu, pappa með matarleifum eða vaxpappír í þennan flokk.

Af hverju skiptir þetta máli?
Endurvinnsla pappírs sparar vatn og trjáauðlindir. Með því að halda mat og fitu frá pappír tryggjum við að hann nýtist sem hráefni aftur. Hægt er að endurvinna pappír allt að sjö sinnum.

�� Málmar – lítil sem engin losun ef vel er flokkað

Dósir, niðursuðudósir, álumbúðir og lok má flokka í málma.
EKKI má setja þar rafhlöður, raftæki eða málma með plastþekju sem ekki er hægt að fjarlægja.

Af hverju skiptir þetta máli?
Málmar eru 100% endurvinnanlegir. Endurvinnsla á málmum sparar allt að 95% af orku miðað við frumvinnslu úr jörðu.

�� Textíll – framlengdu líftíma efna og minnkaðu kolefnissporið

Hægt er að flokka hreinan og þurran textíl – jafnvel slitinn. Hægt er að fara með hann í næstu grenndarstöð eða móttökustöð sem tekur á móti endurvinnsluefni.
EKKI má setja blaut föt, dúnsængur, kodda eða dýraskinn.

Af hverju skiptir þetta máli?
Textílframleiðsla er gríðarlega orkufrek og vatnsfrek. Með því að endurvinna föt eða gefa þau áfram minnkum við sóun og losun í umhverfið.

��️Blandaður úrgangur – það sem ekki má fara annars s taðar

Í blandaðan úrgang fer aðeins það sem ekki er hægt að flokka í aðra flokka, t.d. notaða bómullarpinna, blautþurrkur (ekki niður í klósett!), ryksugupoka, bleyjur og tíðarvörur.
EKKI má setja spilliefni, rafrettur, raftæki eða rafhlöður í blandaðan úrgang – það getur valdið eldsvoða!

Af hverju skiptir þetta máli?
Allt sem endar í þessum flokki fer í brennslu eða urðun. Því minna sem við setjum í blandaðan úrgang, því betri árangur næst í sjálfbærni og minni mengun skapast.

��Gott að hafa í huga

Skolaðu létt umbúðir ef mögulegt er – t.d. jógúrtdollur eða mjólkurfernur.
Ef þú ert í vafa – frekar spyrja en að setja í rangt ílát.
Grenndarstöðvar og móttökustöðvar víðsvegar um landið bjóða upp á sérstaka þjónustu fyrir textíl, gler, málm, raftæki og spilliefni.

❤️ Flokkun = heilbrigðari pláneta = heilbrigðari þú

Góð flokkun hefur áhrif langt út fyrir heimilið þitt. Með því að taka ábyrgð eflir þú samfélagið, verndar náttúruna og bætir loftgæði – sem rannsóknir sýna að hefur bein áhrif á heilsu, sérstaklega hjarta- og lungnastarfsemi.

Þegar þú flokkaðir rétt í dag, gerðir þú eitthvað gott fyrir hjartað – bæði þitt og jarðarinnar.

Terra endurmerkir ílát með nýjum límmiðum

Fri, 04 Jul 2025 10:56:00 GMT

Þessa dagana eru starfsmenn Terra að endurmerkja öll stálílát félagsins með límmiðum.

Á límmiðanum er bæði QR kóði og nýtt númer ílátsins sem viðskiptavinir verða hér eftir að nota þegar losanir eru pantaðar.

Gangur verkefnisins er góður, en um er að ræða þúsundir íláta.

QR kóðarnir eru ætlaðir til notkunar fyrir starfsfólk Terra við skönnun og skráningar. Tölurnar/númerið er hinsvegar ætlað viðskiptavinum og auðveldar bæði samskipi og þjónustu og tryggir að rétt ílát eru losuð eða fjarlægð

Þegar endurmerkingu íláts er lokið skal eingöngu vísa í nýja númerið, eldri merkingar falla úr gildi.

Hægt er að sjá hvernig límmiðarnir líta út í meðfylgjandi frétt/mynd.

Mikilvægi þess að flokka rétt!

Wed, 02 Jul 2025 08:00:00 GMT

Mikilvægi þess að flokka rétt!

Það skiptir miklu máli að úrgangur sé rétt flokkaður, sérstaklega þegar kemur að blönduðum úrgangi. Það er mikilvægt að vita hvað telst til blandaðs úrgangs og hvað ekki, til að forðast alvarlegar afleiðingar.

Lágmarksflokkun:

Heimilum og fyrirtækjum ber að flokka 7 flokka. Þrátt fyrir þessa flokka er þó mikilvægt að hafa í huga að ákveðin tegund úrgangs má alls ekki flokka sem blandaðan úrgang.

Úrgangur sem má ekki fara í blandaðan úrgang er sem dæmi:

Raftæki, lítil og stór

Batterý

Spilliefni

Sóttmengaður úrgangur

Einnota gaskútar

Ofl.

Ferli blandaðs úrgangs:

Nýlega hafa komið upp alvarleg atvik vegna rangrar flokkunar. Til dæmis hafa fyrirtæki og einstaklingar sett einnota gaskúta í blandaðan úrgang, sem leiddi til sprengingar í einu af flokkunarhúsum Terra, með eldsvoða í kjölfarið. Þetta skapar mikla hættu fyrir starfsfólkið sem vinnur við slíkar aðstæður.

Einnig hefur kviknað í úrgangi þegar rafrettur eða önnur smá raftæki eru sett í blandaðan úrgang. Slíkt gerist þegar það verður ákveðin efnasamsetning, sem undirstrikar mikilvægi þess að fylgja réttri flokkun.

Rétt flokkun úrgangs er ekki bara spurning um þægindi – hún getur verið lífsnauðsynleg fyrir öryggi starfsfólks og til að vernda umhverfið.

Verðbreytingar

Thu, 26 Jun 2025 10:15:00 GMT

Verðbreyting tekur gildi á leigu og losunum þann 1. júlí n.k. þar sem gjöld hækka um 3,5% en eyðingargjöld haldast óbreytt.

ÍA og Terra sameina krafta sína til að bæta flokkun á Norðurálsmótinu

Thu, 19 Jun 2025 12:53:00 GMT

ÍA og Terra sameina krafta sína til að bæta flokkun á Norðurálsmótinu

Íþróttabandalag Akraness (ÍA) og Terra hafa hafið formlegt samstarf um markvissari úrgangsflokkun á íþróttaviðburðum, með sérstaka áherslu á Norðurálsmótið sem fram fer á Akranesi þessa vikuna og komandi helgi. Markmiðið er að stuðla að hreinni og umhverfisvænni framkvæmd mótsins með bættri aðstöðu til flokkunar úrgangs.

Eins og gengur og gerist þar sem fjöldi fólks kemur saman fellur til mikið magn úrgangs. Til að mæta þessari áskorun hafa ÍA og Terra fjölgað flokkunartunnum víða á svæðinu – á íþróttasvæðum, tjaldsvæðum og skólum þar sem keppendur dvelja. Þar verður nú hægt að flokka úrgang í fjóra meginflokka: blandaðan úrgang, pappír, plast og skilagjaldsskyldar umbúðir .

„Við hvetjum alla gesti og þátttakendur á Norðurálsmótinu til að sýna ábyrgð og flokka rétt. Með réttri flokkun tryggjum við að úrgangurinn nýtist sem auðlind og fari í endurvinnslu. Þetta skiptir máli – fyrir náttúruna og framtíðina,“ segir í sameiginlegri yfirlýsingu frá ÍA og Terra.

Einnig verður flokkunarílát fyrir matarleifar staðsett í matsal Íþróttamiðstöðvarinnar á Jaðarsbökkum, þar sem morgun-, hádegis- og kvöldverður er framreiddur. Þjálfarar, iðkendur og fararstjórar eru hvattir til að skila matarafgöngum í viðeigandi ílát.

Flokkunarleiðbeiningar:

Pappír : Kaffimál, fernur, rör úr Capri Sun, pappírhlutinn utan um skyr dollur og aðrar mjólkurvörur o.fl.
Plast : Capri Sun fernur, plastpokar, plastumbúðir af t.d. Corny og Prins pólo o.fl.
Blandaður úrgangur : Allt sem ekki á heima í öðrum flokkum.
Skilagjaldsumbúðir : Gler, plast og áldósir af drykkjum. Sett í sérstök ílát þar sem þau eru tekin til endurvinnslu með skilagjaldi.

Athugið: Ef vafi leikur á réttum flokki er betra að setja viðkomandi úrgang í blandaðan úrgang til að koma í veg fyrir að heilir úrgangsstraumar mengist.

Allur úrgangur sem fellur til á mótinu verður vigtaður að því loknu. Það er sameiginlegt markmið mótshaldara og Terra að minnka hlutfall blandaðs úrgangs frá fyrri árum og skapa þannig fordæmi fyrir aðra viðburði.

„Börn eru þegar vön að flokka úrgang í skólum og heima – nú höldum við því áfram á mótum. Þetta er mikilvægt skref í átt að sjálfbærari íþróttaviðburðum,“ segir Erna Häsler markaðsstjóri hjá Terra.

Takk fyrir að flokka og góða skemmtun á mótinu

Er slysahætta í kringum sorpílátið heima hjá þér? / Aðgengi og öryggi í kringum sorpílát

Mon, 16 Jun 2025 15:08:00 GMT

Er slysahætta í kringum sorpílátið heima hjá þér? / Aðgengi og öryggi í kringum sorpílát

Anna Jóna Kjartansdóttir og Pétur Gísli Jónsson skrifa

Sorpílát eru ómissandi hluti af daglegu lífi okkar. Við viljum öll að þau séu tæmd reglulega en treystir þú þér til að lyfta eða koma ílátinu þínu út að götu þar sem ökutækin okkar tæma þau? Og hugsaðu um hverfið þitt og öll ílátin þar, myndir þú treysta þér til að losa þau líka og næstu hverfi til viðbótar? Nú þegar snjór og hálka úr sögunni, er kjörið tækifæri til að endurmeta aðstæður og gera umbætur áður en erfiðari haust- og vetraraðstæður taka við að nýju.

Vaxandi fjöldi íláta – og áskoranir með þeim

Síðustu ár hefur sorpílátum fjölgað um land allt, ekki síst vegna aukinnar flokkunar. Það sem á að stuðla að sjálfbærni og betra umhverfi getur þó skapað vandamál ef ílátin eru illa staðsett eða aðgengi þeirra erfitt – bæði fyrir notendur og starfsfólk í sorphirðu.

Myndir : Dæmi um erfitt aðgengi.

Við hjá Terra losum tugþúsundir íláta á hverju ári um allt land. Við sjáum í okkar verkefnum hversu mismunandi aðstæður geta verið á milli heimila og hverfa. Víða eru ílátin staðsett þannig að ómögulegt er að nálgast þau – þröngir stígar, brattar tröppur eða illa við haldið svæði gera aðgengi hættulegt eða í einhverjum tilfellum óframkvæmanlegt.

Áhætta fyrir starfsfólk og íbúa

Ýmsar aðstæður skapa ekki aðeins óþægindi heldur fela í sér verulega hættu fyrir bæði starfsfólk og íbúa. Starfsfólk Terra þarf oft að lyfta og draga þung ílát yfir ótryggt undirlag eða í gegnum þröng og hættuleg svæði, sem eykur líkamlegt álag og slysahættu.

Það er á ábyrgð eigenda hvers heimilis og fyrirtækja að aðgengi sé í lagi bæði á sumrin og á veturna. Það snýr að því að aðgengi að ílátum sé greitt, að ekkert sé fyrir og tröppur, gangstígar séu hreinsað t.d. af snjó og klaka á veturna.

Ílátin eru jafnframt oft staðsett nærri gönguleiðum, hjólastígum og leiksvæðum þar sem íbúar, þar á meðal börn og gangandi vegfarendur eiga leið um. Ef ílát eru ranglega staðsett eða erfitt er að nálgast þau getur það skapað hættu fyrir bæði starfsfólk og almenning.

Lausnir í sameiningu

Við höfum undanfarið unnið að uppfærslu á áhættumati allra starfa innan Terra. Í þeirri vinnu höfum við tekið út aðstæður hjá heimilum, fjölbýlishúsum og fyrirtækjum víðs vegar um landið. Við höfum jafnframt sent ábendingar og myndir til ábyrgðaraðila íláta með tillögum að úrbótum.

Myndir : Fyrirmyndar aðgengi hjá fjölbýlishúsi og sérbýli.

En fleiri þurfa að koma að borðinu. Sveitarfélög og íbúar gegna lykilhlutverki í því að bæta aðgengi og öryggi. Samráð við íbúa áður en breytingar eru gerðar er mikilvægt – margar nytsamlegar hugmyndir koma einmitt frá þeim sem nýta svæðin daglega. Með sameiginlegu átaki má breyta gömlum og óhentugum lausnum í öruggar, snyrtilegar og sjálfbærar

Saman að betra nærumhverfi

Við verðum að muna að sorpílát eru mikilvæg eining í umhverfinu og okkar daglega lífi. Rétt staðsetning og gott aðgengi að þeim skilar sér í betri flokkun, skilvirkari vinnu og öruggari aðstæðum – fyrir alla.

Nú er rétti tíminn. Við hvetjum þig til að kynna þér aðgengi að sorpílátum á þínu heimili og vinnustað. Komum okkur saman um að bæta aðstæður – og komum öll heil heim.

Höfundar eru gæða-, umhverfis- og öryggisstjóri og forstöðumaður söfnunar- og sorphirðu

Eldur í óflokkuðum úrgangi á útisvæði hjá Terra í Berghellu

Sun, 18 May 2025 16:35:00 GMT

Líftími hjóla

Mon, 12 May 2025 10:22:00 GMT

Til að lengja líftíma reiðhjóla er mikilvægt að huga að reglubundnu viðhaldi og notkun sem minnkar slit.

Hér er samantekt yfir nokkur atriði sem hægt er að gera til að lengja líftíma reiðhjóls:

Halda hjólinu hreinu

Þrífðu reglulega ramma, keðju, tannhjól og gíra.

Drulla, salt og sandur geta valdið tæringu og óþarfa sliti.

Smyrja reglulega

Keðja, gírar og legur þurfa smurningu.

Of mikil smurning safnar drullu; of lítil smurning getur valdið sliti.

Halda réttum loftþrýstingi í dekkjum

Réttur þrýstingur minnkar líkur á sprungnum dekkjum og minnkar álag á felgur og gaffla.

Skoða og herða bolta og skrúfur

Regluleg yfirferð getur komið í veg fyrir að hlutir losni og slitni.

Geyma inni eða undir þaki

Veðrun (rigning, snjór, sólarljós) flýtir fyrir ryði og skemmdum á plasti og gúmmíi.

Við minnum svo á að ef þú ert með hjól sem barnið er búið að vaxa upp úr þá er auðveldara að selja það sé búið að halda því vel við og nýta peninginn í kaup á stærra hjóli, notuðu eða nýju.

Takk fyrir að flokka rafrettur

Wed, 07 May 2025 10:56:00 GMT

Röng flokkun rafretta getur valdið eldsvoða – mikilvægt að flokka rétt

Rafrettur, bæði einnota og fjölnota, fela í sér mikla eldhættu séu þær ekki meðhöndlaðar rétt að notkun lokinni. Þrátt fyrir smæð sína innihalda fjölnota rafrettur öflugar lithium hleðslurafhlöður, ef þær eru settar í rangan úrgangsflokk eða með blönduðum úrgangi, getur það valdið eldsvoða í endurvinnslustöðvum.

Fjölnota rafrettur: Rafhlaðan verður að fara í réttan farveg

Margar rafrettur eru hannaðar til endurnotkunar, en þegar líftíma þeirra lýkur ber að flokka þær sem raftæki. Mikilvægt er þó að fjarlægja rafhlöðuna áður og skila henni sérstaklega með öðrum rafhlöðum. Sé ekki hægt að fjarlægja rafhlöðuna skal flokka setja hana í heilu lagi með rafhlöðum.

Einnota rafrettur: Þær fara í heilu lagi með rafhlöðum

Notkun einnota rafretta fer vaxandi. Þær innihalda einnig rafhlöður, sem yfirleitt er ekki hægt að fjarlægja með góðu móti. Því ber að skila þessum rafrettum í heilu lagi sem rafhlöðuúrgangur eða smáum raftækjum– ekki með blönduðum úrgangi.

Lithium rafhlöður – dulin og alvarleg hætta

Lithium rafhlöður, sem finnast í flestum fjölnota rafrettum, eru sérstaklega viðkvæmar fyrir áreiti. Við vélræna meðhöndlun í flokkunarstöðvum geta þær skemmst, lekið eða sprungið. Ef vatn eða raki kemst að skemmdri rafhlöðu getur efnahvarf hafist sem leiðir til mikils hita og jafnvel elds. Slík tilvik geta valdið tjóni, hættu fyrir starfsfólk og truflun á endurvinnsluferlum.

Með réttri flokkun er dregið úr íkveikjuhættu og tryggt að meðferð skaðlegra efna sé örugg.

Hægt er að skila notuðum rafrettum í efnaeyðingu hjá Terra

Breyting á verðskrá og innheimtuaðferð í Vestmannaeyjum

Mon, 21 Apr 2025 13:46:00 GMT

Frá og með 22. apríl mun ný verðskrá taka gildi á móttökustöð Terra umhverfisþjónustu í Vestmannaeyjum auk þess mun félagið breyta innheimtuaðferð á næstu misserum.

Félaginu þykir leitt hvernig umræðan hefur þróast að undanförnu, enda endurspeglar hún ekki þann metnað og þau gildi sem Terra stendur fyrir í ábyrgri úrgangsstjórnun og sjálfbærni. Markmið okkar er að starfa í sátt við samfélagið og náttúruna og veita góða og sanngjarna þjónustu.

Frá og með 22. apríl nk. munu verða eftirfarandi breytingar:

Móttaka málma verður endurgjaldslaus.

Verð á gleri mun lækka í 6.698 kr./m³.

Jafnframt hefur í samstarfi við Vestmannaeyjabæ verið ákveðið að hefja vinnu við að breyta gjaldtöku á móttökustöðinni. Í stað gjaldtöku eftir rúmmetrum verður á næstu misserum komið upp vigt á móttökustöðinni og gjald tekið eftir kílóum í stað rúmmetra. Fram að því verður áfram rukkað eftir rúmmáli. Með þessu móti teljum við að hægt verði að ná meiri gagnsæi og auknu trausti í innheimtu á svæðinu. Þessi aðferð mun krefjast þess að einsleitnari farmar af úrgangi í ferð eru ákjósanlegir svo innheimt verði fyrir réttan efnisflokk í hverri ferð.

Við hjá Terra viljum jafnframt ítreka mikilvægi þess að starfsfólk okkar á móttökustöðinni fái að vinna störf sín í góðu og virðingarríku umhverfi. Þau sinna mikilvægu starfi í þágu samfélagsins og eiga skilið að mæta virðingu og kurteisi sem hefur því miður ekki verið raunin á undanförnum vikum í of mörgum tilfellum.

Við hlökkum til áframhaldandi góðs samstarfs við ykkur og vonum að þær breytingar sem hér eru kynntar stuðli að aukinni sátt og skilningi.

Opnunartími Terra yfir páskana

Mon, 14 Apr 2025 10:16:00 GMT

Hér má finna opnunartíma Terra yfir páskahátíðirnar

Gleðilega páska

Lítil rafhlaða getur kveikt stóran eld

Thu, 10 Apr 2025 08:14:00 GMT

Rétt flokkun úrgangs skiptir sköpum

Rétt flokkun úrgangs er ekki aðeins grundvallaratriði í umhverfisvernd heldur einnig lykilatriði í að tryggja öryggi starfsfólks og koma í veg fyrir alvarleg slys. Mikilvægt er að vanda til verka þegar kemur að flokkun á blönduðum úrgangi og forðast að setja þar efni sem falla utan tilgreindra flokka.

Lágmarksflokkun – lögbundin skylda

Samkvæmt reglum ber heimilum og fyrirtækjum að flokka úrgang í að lágmarki sjö flokka. Þrátt fyrir þessa grunnflokkun skal haft í huga að eftirfarandi úrgangstegundir mega undir engum kringumstæðum fara í blandaðan úrgang:

Smá- og stór raftæki
Rafhlöður
Rafrettur
Spilliefni
Sóttmengaðan úrgang
Einnota gaskúta

Meðhöndlun blandaðs úrgangs

Hjá Terra fer blandaður úrgangur í gegnum sérstakt ferli þar sem hann er hakkaður í vél, baggaður og sendur til brennslu erlendis. Við brennslu verður úrgangurinn að orku. Þessi meðhöndlun krefst þess að úrgangurinn sé laus við hættuleg efni, enda getur ein röng flokkun haft alvarlegar afleiðingar.

Alvarleg atvik vegna rangrar flokkunar

Nýleg atvik sýna hversu mikil hætta getur skapast vegna óábyrgrar meðhöndlunar á úrgangi. Í einu tilfelli voru einnota gaskútar settir í blandaðan úrgang, sem leiddi til sprengingar og elds í flokkunarstöð Terra. Slíkt atvik stofnar starfsfólki í bráða hættu og getur valdið umfangsmiklu tjóni.

Einnig hafa kviknað eldar í úrgangi vegna rangrar meðhöndlunar á rafrettum og litlum raftækjum. Þegar efnafræðileg viðbrögð eiga sér stað innan blandaðs úrgangs getur eldur kviknað, með ófyrirséðum afleiðingum.

Ábyrgð hvers og eins

Rétt flokkun úrgangs er ekki aðeins siðferðileg skylda heldur einnig öryggismál. Hver einstaklingur og hvert fyrirtæki ber ábyrgð á að flokka með nákvæmni og í samræmi við reglur. Með því að virða flokkunarleiðbeiningar má fyrirbyggja slys, tjón og stuðla að öruggari og sjálfbærari úrgangsmeðferð.

Takk fyrir að flokka rafhlöður með spilliefnum

Ábyrgð í öryggismálum er okkar allra

Fri, 21 Mar 2025 15:37:00 GMT

Anna Jóna Kjartansdóttir gæða-, umhverfis- og öryggisstjóri hjá Terra, hélt á dögunum erindi á Forvarnarráðstefnu á vegum VÍS, sem að þessu sinni bar yfirskriftina Vinna með öryggi alla daga . Þar fór hún yfir mikilvægi þess að taka vel á móti nýju fólki á vinnustaðnum strax á fyrstu dögum, meðal annars með fræðslu.

Þegar kemur að öryggismálum segir Anna Jóna að það sé á ábyrgð stjórnenda, með aðstoð öryggissérfræðinga, hvort sem það er innanhúss eða í gegnum aðkeypta þjónustu, að setja upp áhættumat og annast fræðslu. Stjórnendur þurfi sjálfir að taka á móti sínu fólki og leggja línurnar frá upphafi.

„Stjórnendur verða sjálfir að taka á móti nýju fólki og leggja línurnar frá fyrsta degi, með aðstoð öryggissérfræðinga, hvort sem það er innanhúss eða í gegnum aðkeypta þjónustu“.

Hún telur að einn mikilvægasti þátturinn í árangursríkri fræðslu sé að tryggja að efnið sé sett fram á því tungumáli sem starfsfólk skilur. Góð samskipti og skýrleiki séu lykilatriði til að tryggja að allir fái sömu grunnþekkingu í öryggismálum, óháð uppruna.

Fræðslan hefur þróast frá útprentuðum glærum í plastvösum yfir í sveigjanlegar, rafrænar lausnir, líkt og þær sem notaðar eru hjá Terra. Terra skólinn gerir fólki kleift að sækja fræðslu hvar og hvenær sem því hentar.

„Þegar allir hafa sama grunn, þá er auðveldara að dýpka skilninginn í gegnum fundi og persónuleg samskipti“.

Hún minnir einnig á að öryggi sé sameiginlegt verkefni:

„Við berum öll ábyrgð á að komast heil heim og verðum að vera meðvituð um að fólk er á ólíkum stað í öryggisvitund. Það er mikilvægt að við hjálpum hvert öðru að verða betri í þessu.“

Að lokum segir hún að eitt meginmarkmiðið sé að skapa vinnumenningu þar sem starfsfólk þorir að stoppa þegar eitthvað virðist ekki í lagi og viti að það sé ekki aðeins leyfilegt, heldur nauðsynlegt.

Alþjóðlegi endurvinnsludagurinn er 18.mars

Mon, 17 Mar 2025 09:38:00 GMT

Alþjóðlegi endurvinnsludagurinn var stofnaður árið 2018 af Global Recycling Foundation til að vekja athygli á mikilvægi endurvinnslu.

Markmiðið er að stuðla að betri nýtingu auðlinda og draga úr umhverfismengun.

♻ ️Smá fróðleikur:

Um 2,1 milljarður tonna af úrgangi er framleiddur árlega í heiminum – en aðeins um 16% er endurunnið almennilega .

Pappír getur verið endurunninn allt að 7 sinnum áður en trefjarnar brotna niður og verða ónothæfar.

Ál getur verið endurunnið endalaust án þess að missa eiginleika sína – og það tekur 95% minni orku en að framleiða nýtt ál.

Endurvinnsla einnar glerflösku sparar næga orku til að halda ljósi logandi í 4 klukkustundir .

Plast tekur allt að 500 ár að brotna niður á urðunarstöðum – en aðeins um 9% af öllu plasti í heiminum hefur verið endurunnið .

�� Skemmtilegar staðreyndir

Föt geta verið endurunnin! Notuð föt og textíll geta verið endurnýtt í nýjar vörur, s.s. einangrunarefni og bílasæti.

Endurunnir pappírspokar eru oft sterkari en nýir pappírspokar vegna trefjanna sem styrkjast í ferlinu.

Endurunnar plastflöskur eru notaðar í fatnað! T.d. í íþróttaföt og skó frá stórum vörumerkjum.

Ef allur úrgangur væri rétt flokkaður og endurunninn , væri hægt að minnka losun gróðurhúsalofttegunda.

✅ Hvað getur þú gert?

Flokkaðu rétt! – Lestu leiðbeiningar í þínu sveitarfélagi og flokkaðu pappír, plast, gler, textíl, matarleifar og málm. Reynum að skila sem minnstum úrgangi í blandaða flokkinn.
Keyptu endurunnar vörur – Leitaðu að vörum með endurvinnslumerkjum eða úr endurunnum efnum.
Minnkaðu plastnotkun – Notaðu fjölnota poka, flöskur og glerílát til að draga úr plastúrgangi.

♻️ Global Recycling Day minnir okkur á að endurvinnsla skiptir máli – fyrir jörðina okkar, auðlindir og framtíð komandi kynslóða! ��

Helstu kostir djúpgáma

Wed, 05 Mar 2025 11:41:00 GMT

Djúpgámar fyrir úrgang hafa marga kosti, bæði fyrir fjölbýlishús, sveitarfélög og fyrirtæki.

Terra hefur tekið saman helstu kosti djúpgáma:

Aukin geymslugeta
- Djúpgámar nýta dýptina frekar en yfirborðsflatarmál, sem gerir þá mun rúmbetri en hefðbundnir gámar.
- Minni hætta á að þeir fyllist of fljótt.
Lægri kostnaður við tæmingu
- Þar sem gámar þurfa sjaldnar að tæmast vegna stærðar sinnar, minnkar kostnaður við losun og flutning á úrgangi.
- Færri losunarferðir þýða minni eldsneytisnotkun og umhverfisáhrif.
Umhverfisvænni lausn
- Minni losun gróðurhúsalofttegunda vegna fækkunar losunarferða – kolefnissporin verða minni fyrir vikið.
- Aðskilnaður úrgangs verður skipulagðari og einfaldari, sem hvetur til endurvinnslu.
Betra hreinlæti og minna óþrifnaður
- Þar sem gámar eru að stórum hluta neðanjarðar, verður minna af úrgangi sýnilegt á yfirborði.
- Minni hætta á að dýr (t.d. fuglar, nagdýr) komist í ruslið og dreifi því.
- Betri hreinlæti í kringum gámasvæðið þar sem minni ruslagnótt er á jörðu niðri.
Rýmisnýting og fallegra umhverfi
- Djúpgámar taka minna pláss á yfirborði en hefðbundnir gámar, sem getur skipt miklu máli á þéttbýlum svæðum.
- Minni sjónræn mengun þar sem færri stórir yfirborðsgámar eru sjáanlegir.
Minni lyktarmengun
1. Úrgangur geymist í köldu umhverfi neðanjarðar, sem hægir á niðurbroti lífræns úrgangs og dregur úr vondri lykt.
2. Lok og hönnun djúpgáma minnka hættu á að lykt berist út.
Aukin öryggi
- Erfitt er að komast í gáminn, sem minnkar hættu á óviðeigandi notkun (t.d. að börn eða dýr klifri inn í þá).
- Minni hætta á að úrgangur fjúki út um allt í vondum veðrum.
Auðveldari flokkun úrgangs
- Djúpgámar eru oft hannaðir til að auðvelda flokkum úrgangs, t.d. með sérhólfi fyrir mismunandi gerðir úrgangs (pappír, plast, lífrænt o.s.frv.).
- Hægt er að aðlaga djúpgáma fyrir mismunandi úrgang, þar á meðal almennan úrgang, endurvinnanlegt efni og lífrænan úrgang.
- Skýr merking og aðgengi hvetja til betri flokkunar.

Djúpgámar eru hagkvæm, umhverfisvæn og snyrtileg lausn sem stuðlar að betri úrgangsstjórnun. Þeir spara pláss, draga úr mengun og bæta bæði hreinlæti og öryggi. Þetta gerir þá að góðri langtímalausn fyrir sveitarfélög, fyrirtæki og jafnvel fjölbýlishús.

Ekki hika við að senda okkur fyrirspurn ef þú vilt fá frekari upplýsingar um djúpgáma.

Árangursrík flokkun: Skrefin að sjálfbærari starfsemi!

Tue, 18 Feb 2025 14:10:00 GMT

Fyrirtæki ná árangri í flokkun úrgangs með því að innleiða skilvirk kerfi, fræðslu innanhús og hafa rétta hvata.

Hér eru lykilþættir sem stuðla að góðri úrgangsflokkun:

1. Stefnumótun og markmiðasetning

✔ Skilgreina skýr markmið um úrgangsminnkun og endurvinnslu.
✔ Setja upp mælanleg markmið, t.d. að draga úr blönduðum úrgangi um X% innan tiltekins tíma.
✔ Samræma úrgangsflokkun við nýja löggjöf og sjálfbærnistefnu fyrirtækisins.

2. Fræðsla og vitundarvakning

✔ Fræða allt starfsfólk um mikilvægi flokkunar og hvernig á að flokka rétt.
✔ Skipuleggja reglulega fræðslufundi.
✔ Setja upp skýrar leiðbeiningar og merkingar á ílátin, sem dæmi Fenúr merkingar.

3. Rétt aðstaða og merkingar

✔ Hafa nægilega mörg flokkunarílát á aðgengilegum stöðum.
✔ Nota skýr og sjónræn merki - Fenúr merkingar (litakóðun, myndir, mögulega ólík tungumál sem starfsfólk skilur).

4. Samstarf við rétta úrgangsþjónustu

✔ Velja þjónustuaðila sem tryggir rétta meðhöndlun og endurvinnslu – Hvað verður um úrganginn hjá móttökuaðilanum!
✔ Fylgjast með og sannreyna hvert úrgangurinn fer – Mínar síður Terra
✔ Leita leiða til að auka nýtingu með samvinnu við önnur fyrirtæki eða stofnanir.

5. Tæknilausnir og skráning gagna

✔ Nota mælingar og gagnagreiningu til að fylgjast með úrgangsflæði.
✔ Innleiða sjálfvirk kerfi til að auðvelda flokkun og skráningu.
✔ Nota hugbúnað til að greina þróun og tækifæri til úrbóta – Þjónustuvefur Terra

6. Hvatakerfi og umbunarkerfi

✔ Hvetja starfsfólk til að flokka rétt með umbunum eða leikjavæðingu.
✔ Veita viðurkenningar fyrir bestu deildirnar eða hópana.
✔ Búa til skýrslur og deila sigrum með starfsfólki til að auka þátttöku.

7. Minni sóun og betri innkaup

✔ Velja umhverfisvænni vörur og umbúðir sem auðvelt er að endurvinna.
✔ Draga úr notkun einnota hluta og finna endurnýtanlegar lausnir.
✔ Hvetja birgja til að bjóða umhverfisvænna hráefni.

PCC BakkiSilicon hlýtur umhverfisverðlaun Terra á landsbyggðinni 2024

Mon, 17 Feb 2025 09:56:00 GMT

PCC BakkiSilicon hefur hlotið umhverfisverðlaun Terra á Norðurlandi fyrir árið 2024, en fyrirtækið hefur lagt mikla áherslu á sjálfbærni og umhverfisvernd í starfsemi sinni.

Fyrirtækið hefur sérstakan umhverfisstjóra sem vinnur að því að lágmarka umhverfisfótspor þess. Flokkun úrgangs hefur gengið afar vel hjá PCC , þar sem fyrirtækið flokkar nú úrgang í alls 34 mismunandi flokka. Á árinu 2024 lét PCC einnig malbika gámaplan á lóð sinni, sem stuðlar að betri aðstöðu fyrir umhverfisvæna úrgangsstjórnun.

Að mati Terra hefur PCC BakkiSilicon sýnt framúrskarandi árangur í umhverfismálum, verið virkt í samskiptum og tekið jákvætt í ábendingar til að hámarka endurvinnsluferla. Fyrirtækið hefur sýnt mikinn metnað í að bæta umhverfisstarf sitt og aðlaga sig að nýjustu kröfum í umhverfismálum

„PCC er fyrirtæki sem ánægjulegt er að starfa með. Starfsemi þeirra krefst sértækra lausna og felur í sér áhugaverðar áskoranir, þar sem samstarfsvilji þeirra er ávallt til staðar." segir Kristbjörn sölu- og þjónustustjóri Terra

Hér á myndinni má sjá Þórunni Harðardóttur, öryggissérfræðing, Tomasz Jan Horyn, CEO og Steindór Freyr Þorsteinsson, öryggisstjóra, taka á móti verðlaunum úr hendi Kristbjörns Viðars Baldurssonar sem er sölu- og þjónustustjóri hjá Terra .

Íslandshótel hlýtur umhverfisverðlaun Terra 2024 á höfuðborgarsvæðinu

Fri, 14 Feb 2025 15:26:00 GMT

Síðustu fimm árin hefur Terra valið samstarfsaðila og veitt Umhverfisverðlaun Terra fyrir framúrskarandi árangur í flokkun og endurvinnslu. Í fyrra voru í fyrsta sinn valin tvö fyrirtæki til að hljóta þessi eftirsóttu verðlaun. Eitt á höfuðborgarsvæðinu og eitt á landsbyggðinni.

Fyrir árangur árið 2024 á höfuðborgarsvæðinu er það Íslandshótel sem hlaut umhverfisverðlaunin fyrir framúrskarandi, markvissan og eftirtektarverðan árangur og ábyrga stefnu í úrgangsmálum.

Íslandshótel er að sinna sínum úrgangsmálum af mikilli festu og miklum áhuga. Það hefur verið ánægjulegt að vinna með þeim í að finna betri leiðir, betri ílát fyrir ákveðna úrgangsflokka og aðstoða þau við að ná árangri.

Í rökstuðningi nefndarinnar kom meðal annars fram að starfsfólk samstæðu Íslandshótela hefur haft skýra sýn og unnið mjög markvisst í þá átt að sem allra mest af öllu því sem til fellur fari aftur inn í hringrásarhagkerfið og sem allra minnst í urðun. Enda er árangurinn eftir því hjá Íslandshótelum.

„Þessi viðurkenning er staðfesting á langtímaskuldbindingu okkar við að draga úr urðun og auka endurvinnslu, með skýrri framtíðarsýn um að styrkja hringrásarhagkerfið og vernda einstaka náttúru Íslands. Verðlaunin endurspegla fyrst og fremst ómælda vinnu, ástríðu og samheldni starfsfólks Íslandshótela, sem hefur sett okkur í fremstu röð í sjálfbærni á Íslandi. Megi þessi árangur hvetja okkur áfram til að gera enn betur saman.“ segir Erna Dís Ingólfsdóttir, framkvæmdastjóri mannauðs- og gæðasviðs, Íslandshótel.

”Við hjá Terra erum tilbúin til að vinna þétt með viðskiptavinum okkar og hvetjum fólk og fyrirtæki til að flokka betur og auka endurvinnsluhlutfall alls úrgangs sem fellur til á hverjum stað. Það er vaxandi skilningur, sem betur fer, að við getum með frekar lítilli fyrirhöfn og tilkostnaði komið miklu stærri hluta úrgangs aftur inn í hringrásina. Sífellt fleiri eru að vakna og bera meiri ábyrgð á úrgangsmálum fyrirtækja sinna enda eru úrgangsmál einn málaflokkur sjálfbærnimála fyrirtækja. Umhverfisverðlaunin eru hvatning til allra okkar viðskiptavina að gera betur” segir Valgerður, forstöðumaður viðskiptadeildar hjá Terra

Á myndinni má sjá Jóhann Gunnarsson, viðskiptastjóra Terra, frá Íslandshótelum eru þau Lijing Zhou sérfræðingur í sjálfbærni, Guðlaugur Sæmundsson innkaupastjóri, Erna Dís Ingólfsdóttir framkvæmdastjóri mannauðs og gæðasviðs, Hjörtur Valgeirsson framkvæmdastjóri rekstrarsviðs og Valgerði Sigrúnar Vigfúsardótir, forstöðumann viðskiptadeildar.

Terra er vinnustaður í fremstu röð!

Thu, 13 Feb 2025 08:39:00 GMT

Terra er á meðal þeirra vinnustaða sem uppfylla skilyrði Moodup til að hljóta viðurkenninguna Vinnustaður í fremstu röð árið 2024.

Skilyrðin eru þrjú talsins:

Mæla starfsánægju a.m.k. einu sinni á ársfjórðungi
Bregðast við endurgjöf sem starfsfólk skrifar
Ná árangursviðmiði um starfsánægju samanborið við aðra íslenska vinnustaði.

Með því að uppfylla þessi skilyrði hefur Terra sýnt í verki að stjórnendur hlusta á starfsfólk, sýna í verki að álit þess skiptir máli, og ná árangri þegar kemur að því að auka og viðhalda hárri starfsánægju.

„Við erum virkilega glöð og þakklát fyrir þessa viðurkenningu frá Moodup . Við leggjum metnað í að byggja upp sterka, jákvæða og hvetjandi vinnustaðamenningu, það er sameiginlegt verkefni allra. Þessi viðurkenning endurspeglar þann árangur sem við höfum náð saman og hún hvetur okkur enn frekar til að halda áfram á þessari vegferð og gera enn betur."

segir Sólrún Hjaltested, mannauðsstjóri Terra

Viðurkenningin staðfestir þannig að Terra hugsar vel um starfsfólk sitt og tryggir því framúrskarandi starfsumhverfi.

Saman náum við árangri!

Thu, 30 Jan 2025 09:09:00 GMT

Saman náum við árangri!

Þegar kemur að flokkun úrgangs er mikilvægt að við séum öll upplýst um hvað eigi að fara hvað og mikilvægi þess að flokka úrganginn rétt svo sem mestur árangur náist.

Við höfum tekið saman nokkur hollráð fyrir fyrirtæki sem vilja bæta sig í flokkun úrgangs.

Skipa ábyrgðaraðila meðal starfsmanna.
Fræða starfsfólk um mikilvægi þess að flokka rétt.
Hafa upplýsingar tengdar flokkun sem hluta af nýliðakynningu fyrirtækisins.
Innleiða flokkun í menningu fyrirtækisins.
Tryggja að öll ílát, úti og inni, séu vel merkt með Fenúr merkingum.
Stjórnendur setja sér markmið í að flokka betur.
Hafa reglulegar úttektir og eftirfylgni með framgangi málsins.
Gera árangurinn sýnilegan innanhúss.
Vanda valið í innkaupum, velja umbúðir sem eru endurvinnanlegar.

Við hvetjum ykkur til að vera ekki feimin við að leiðbeina samstarfsfólki ykkar þegar kemur að flokkun. Það er nýtt fyrir okkur flestum að flokka í þetta marga flokka,sem skv lögum eru að lágmarki sjö hjá fyrirtækjum.

Ef umbúðir eru flóknar þá er best að flokka þær sem blandaðan úrgang. Við viljum þó benda ykkur á vef Sorpu þar sem hægt er að finna góðar upplýsingar.

Gangi ykkur vel í þessari skemmtilegu vegferð.

Terra er áframhaldandi bakhjarl Hringiðu.

Fri, 17 Jan 2025 12:32:00 GMT

Terra er áframhaldandi bakhjarl Hringiðu.

Fyrir ykkur sem ekki þekkið hvað Hringiða er þá hefur sá hraðall það markmið að efla og styðja við græn nýsköpunarverkefni.

Hlutverk Hringiðu+ er að stuðla að því að á Íslandi dafni öflug fyrirtæki sem byggja á hugmyndafræði hringrásarhagkerfisins, skapi verðmæt og áhugaverð störf og skili árangri í umhverfis- og loftslagsmálum á Íslandi.

Þess má geta að síðastliðinn mánudaginn var opnað fyrir umsóknir í hraðalinn Hringiðu+ 2025, allar upplýsingar tengdum þessu hraðli er að finna hér

Við hjá Terra hvetjum alla sem hafa áhuga á að taka þátt í þessu einstaka verkefni að sækja um.

Ef ykkur langar að fræðast meira um hraðalinn þá mun Hringiða vera með kynningarviðburð miðvikudaginn 22. janúar frá kl. 12:00 til 13:00 í Grósku. Þar verður boðið upp á léttar veitingar og veitt innsýn í fyrirkomulag hraðalsins.

Þess má geta að viðburðurinn er öllum opinn, og skráning er í boði á Facebook-síðu viðburðarins: Hringiða+: Kynningarfundur.

Hvernig á að flokka flugeldaúrgang?

Thu, 02 Jan 2025 09:50:00 GMT

Mikilvægt er að flokka flugeldaúrgang á endurvinnslustöðvum en þá má einnig finna sérstaka gáma undir flugelda við húsnæði Björgunarsveita. Endurvinnslustöðvar Sorpu opna á ný í dag, 2.janúar, þar sem finna má gáma undir flugelda. Stjörnuljós má flokka í ílát undir málma. Ósprungna flugelda skal alltaf meðhöndla og flokka sem spilliefni.

Verðbreytingar

Thu, 26 Dec 2024 12:32:00 GMT

Ný gjaldskrá Terra tekur gildi 1. janúar 2025. Verðbreytingar þessar eiga við suðurlandið.

Leiga og losanir hækka um 4,5% .

Eyðingargjöld haldast óbreytt nema:

Blandaðar plastumbúðir lækka í 8,0 kr/kg
Blandaður pappi og pappír lækkar í 4,0 kr/kg
Bylgjupappi lækkar í 0,0 kr/kg
Textíll hækkar í 75 kr/kg

Verð eru án vsk

Hvað á að gera við lifandi jólatré eftir jólahátíðina?

Wed, 25 Dec 2024 16:12:00 GMT

Hvað á að gera við lifandi jólatré eftir jólahátíðina?

Þegar jólahátíðinni lýkur og jólaskrautið fer aftur í geymsluna, stendur fólk oft frammi fyrir spurningunni: Hvað á að gera við lifandi jólatréð? Hér eru nokkrar góðar leiðir til að nýta tréð á sjálfbæran hátt:

Fáðu tréð endurunnið

Farðu með tréið á næstu móttökustöð sem kemur þessu í endurvinnslu. Tréin eru oft spænd niður og notuð í jarðvegsbætur, göngustíga eða í annan tilgang. Athugaðu hvaða þjónusta er í boði í þínu sveitarfélagi og nýttu þér hana.

Notaðu tréð í garðinn

Ef þú átt garð, getur þú endurnýtt tréð þar. Tréspænir veitir lífrænt efni sem má nota sem yfirbreiðslu á beð, til að verja plöntur fyrir kulda eða til að bæta jarðveg.

Skapaðu búsvæði fyrir fugla

Settu tréð upp í garðinum og hengdu fuglafóður á greinarnar. Þetta getur verið frábær leið til að hjálpa fuglum að komast í gegnum veturinn, sérstaklega þegar fæða er af skornum skammti.

Þurrkaðu tréð fyrir eldsmat

Ef þú átt arin eða kamínu, er hægt að saga tréð í búta og láta það þorna. Viðurinn getur svo nýst sem eldivið næsta vetur. Athugaðu þó að nálarnar brenna hratt og ætti að fjarlægja þær.

Mikilvægt að muna:

Forðastu að setja lifandi jólatré í ruslið. Með því að endurvinna eða nýta tréð með öðrum hætti stuðlar þú að minni sóun og umhverfisvænni jólum.

Hugsaðu til þess að litlar breytingar á venjum geta skipt sköpum fyrir umhverfið! ��

Opnunartími Terra yfir hátíðirnar

Thu, 19 Dec 2024 08:48:00 GMT

Flokkum og endurvinnum raftæki stór og smá!

Mon, 09 Dec 2024 09:53:00 GMT

Flokkum og endurvinnum raftæki stór og smá!

Flokkun og endurvinnsla smárra raftækja er ekki síður mikilvæg og þeirra stóru. Að flokka smá raftæki hefur aldrei verið mikilvægari í baráttunni gegn sóun og umhverfisspjöllum. Margir eru þó ekki meðvitaðir um hvernig best sé að flokka og skila raftækjum sem eru lítil að stærð, svo sem rafrettur, ljósa seríur, snjallsímum, fjarstýringum og hleðslutækjum.

Af hverju er flokkun smárra raftækja mikilvæg?

Smá raftæki innihalda ýmis efni sem geta verið skaðleg umhverfinu, eins og þungmálma og önnur eiturefni. Jafnframt eru í þeim dýrmæt hráefni, eins og kopar, gull og silfur, sem hægt er að endurvinna og nýta aftur í ný tæki. Með því að skila raftækjum til endurvinnslu er hægt að draga úr þörf fyrir námugröft og draga úr mengun sem fylgir óvandaðri förgun.

Ekki er síður mikilvægt að nefna að með því að setja smá raftæki með blönduðum úrgangi getur skapast eldhætta.

Hvað telst til smárra raftækja?

Smá raftæki eru almennt skilgreind sem þau sem eru minni en 25 cm að stærð. Þetta eru meðal annars:

Snjallsímar og spjaldtölvur

Heyrnartól og ílátin fyrir airpods

Fjarstýringar

Rafrettur

Borðtölvur og fartölvur

Hleðslutæki og snúrur

Rakarar, tannburstavélar og önnur lítil heimilistæki

Hvar getur þú skilað raftækjum?

Á Íslandi eru fjölmargar leiðir til að losa sig við smá raftæki á réttan hátt:

Endurvinnslustöðvar : Flestar endurvinnslustöðvar taka við raftækjum og sjá um rétta flokkun þeirra.

Rafmagnsverslanir : Sumar verslanir taka við gömlum raftækjum þegar ný eru keypt.

Smárafílát : Í mörgum bæjarfélögum má finna sérstök ílát fyrir smá raftæki, t.d. í verslunum.

Hvað á ekki að gera?

Setja raftæki í blandaðan úrgang. Það leiðir til þess að tækin enda í brennslu þar sem efnin losna út í umhverfið.

Geyma raftæki á röngum stað.

Smá raftæki eru hluti af daglegu lífi okkar, en þegar þau hafa lokið hlutverki sínu, ber okkur að sjá til þess að þau séu meðhöndluð á öruggan og umhverfisvænan hátt. Með því að flokka rétt getum við öll lagt okkar af mörkum til sjálfbærari framtíðar með því að koma úrgangi aftur út í hringrásarhagkerfið.

Endurvinnum saman fyrir hreinna og grænna samfélag!

Skiljum ekkert eftir!

Nýr þjónustusamningur í Vestmannaeyjum

Fri, 06 Dec 2024 10:05:00 GMT

Nýr þjónustusamningur í Vestmannaeyjum

Þann 1. desember, tók Terra formlega við þjónustusamningi við Vestmannaeyjabæ, sem áður var í höndum Kubbs. Samningurinn nær til þjónustu við heimili og stofnanir bæjarins, auk reksturs móttökustöðvar og þjónustu við grenndarstöðvar.

Þetta nýja verkefni markar tímamót og felur í sér fjölmörg tækifæri til að lyfta úrgangsmálum Vestmannaeyja á hærra plan. Fyrirtækið hefur miklar væntingar til verkefnisins og leggur áherslu á að bæta þjónustu og auka sjálfbærni í starfseminni.

Til að stýra verkefninu hefur Daníel Edward Jónsson verið ráðinn sem rekstrarstjóri. Hann hefur nú þegar hafið störf og mun leiða sjö manna teymi sem fluttist yfir frá Kubbi. Með honum í teyminu eru Jónsteinn, Siggi, Eddy, Slaw, Tryggvi, Michal og Roland.

Fyrirtækið er stolt af því að fá þetta hæfileikaríka teymi til liðs við sig og hlakkar til að vinna að framúrskarandi úrgangslausnum í Eyjum

Frábært samstarf við Nespresso á Íslandi

Mon, 11 Nov 2024 08:52:00 GMT

Við erum stolt af samstarfinu við Nespresso á Íslandi, sem vinnur ötullega að sjálfbærni með endurvinnslu á kaffihylkjum sínum. Þau hafa þróað framúrskarandi ferli sem stuðlar að því að notuð hylki skili sér aftur inn í hringrásarhagkerfið . Við viljum nota tækifærið til að hrósa þeim fyrir vel unnin störf og þennan mikilvæga þátt í umhverfisvernd.

Nespresso á Íslandi hefur frá upphafi tekið sjálfbærni og endurvinnslu föstum tökum

Nespresso á Íslandi heldur áfram að vinna að framúrskarandi umhverfisverkefnum sem miða að því að koma kaffihylkjum í umferð í hringrásarhagkerfinu. Sérstök áhersla er lögð á sjálfbæra og umhverfisvæna endurvinnsluferla fyrir álhylkin, sem hafa skapað fyrirtækinu gott orðspor á þessu sviði.

Álhylkin sem safnast á Íslandi eru send til endurvinnslu hjá Stena Recycling í Svíþjóð, þar sem þau fara í vottað ferli sem er staðfest af þriðja aðila. Hylkin eru brytjuð í sundur, kaffikorgur er skilinn frá til moltugerðar eða biogasframleiðslu, og álið sjálft fer síðan í endurvinnslu. Ferlið er mælt og staðfest bæði með magni frá Stena og vigtunartölum frá Eimskip, sem tryggir að ekkert fari forgörðum í flutningunum.

Nespresso hefur á heimsvísu hlotið titilinn sjálfbærasti kaffiframleiðandi heims samkvæmt World Finance bæði árið 2021 og 2024 og er fyrirtækið fullkomlega kolefnisjafnað. „Nespresso hylkin okkar bjóða þannig upp á eina af sjálfbærustu lausnina í kaffimálum fyrir vinnustaði og einstaklinga, þar sem við vinnum ekki aðeins að minnka kolefnisspor okkar, heldur kolefnisjöfnum einnig öll hylki sem ekki skila sér til endurvinnslu,“ segir Ívar hjá Perroy ehf, umboðsaðila Nespresso á Íslandi.

Perroy ehf. hefur, í samstarfi við Klappir – grænar lausnir, mælt kolefnisspor sitt frá árinu 2019 og kolefnisjafnað það að fullu. Með þetta í huga setur Nespresso sér markmið um að auka endurvinnsluhlutfall hylkjanna enn frekar, en vitnar um aukinn skilning meðal almennings á mikilvægi umhverfisverndar.

„Heildarvirðiskeðjan í kaffiframleiðslu skiptir máli – ekki einungis umbúðirnar,“ segir Ívar og bendir á að umbúðir hylkjanna vegi aðeins 8% af heildarkolefnisspori fyrirtækisins. Ræktun og framleiðsla, ásamt notkun á vélum og vatni, vega hins vegar þyngra, eða um 82%. Hylkin eru hönnuð til að vera nothæf í skammtastærðum í stað einnota umbúða, sem gerir þau sjálfbærari kost fyrir þá sem leggja áherslu á umhverfisvernd í daglegu lífi.

Með þessum aðgerðum vonast Nespresso til að stuðla að aukinni endurvinnslu og áframhaldandi framgangi í sjálfbærum lausnum fyrir íslenska neytendur.

Við hvetjum ykkur til að gefa ykkur tíma og horfa á þetta stutta myndband sem sýnir ferlið �� Myndband

Terra er framúrskarandi!

Wed, 06 Nov 2024 12:54:00 GMT

Terra hefur hlotið viðurkenningu sem eitt af 2% íslenskra fyrirtækja sem teljast til Framúrskarandi fyrirtækja árið 2024

Merki vottunarinnar sýnir viðskiptavinum, starfsfólki og samstarfsaðilum að fyrirtækið er rekið á heilbrigðan og styrkan hátt.

Til að hljóta viðurkenninguna sem Framúrskarandi fyrirtæki þurfa fyrirtæki að uppfylla ströng skilyrði. Aðeins þau fyrirtæki sem standast þessar kröfur geta talist framúrskarandi, og vottunin gefur til kynna að þessi fyrirtæki séu betur í stakk búin til að ná árangri og standast álag en önnur á markaðinum.

Skilyrðin eru eftirfarandi  ��

Fyrirtækið er í lánshæfisflokki 1-3

Ársreikningi skal skilað lögum samkvæmt eigi síðar en átta mánuðum eftir uppgjörsdag. Tekið verður tillit til allra opinberra framlenginga RSK á skilafresti

Fyrirtækið er virkt skv. skilgreiningu Creditinfo

Rekstrartekjur að lágmarki 60 milljónir króna reikningsárið 2023, 55 milljónir króna reikningsárið 2022 og 50 milljónir króna reikningsárið 2021

Fyrirtæki með rekstrartekjur yfir 2 milljarða króna þurfa að fylla út spurningalista um sjálfbærni

Framkvæmdarstjóri skráður í fyrirtækjaskrá RSK

Rekstrarhagnaður (EBIT) > 0 reikningsárin 2021-2023

Jákvæð ársniðurstaða reikningsárin 2021-2023

Eiginfjárhlutfall a.m.k. 20% reikningsárin 2021-2023

Eignir að minnsta kosti 120 milljónir króna reikningsárið 2023, 110 milljónir króna reikningsárið 2022 og 100 milljónir króna reikningsárið 2021

Gaman er að segja frá því að núna er Creditinfo farið að taka tillit til sjálfbærni fyrirtækja �� mælikvarðar á árangur fyrirtækja eru að taka miklum breytingum en skýrasta birtingarmynd þessara breytinga eru ríkari kröfur sem gerðar eru til fyrirtækja varðandi sjálfbærni. Hingað til hafa upplýsingar um sjálfbærni fyrirtækja verið óstaðlaðar og af skornum skammti. Þróunin í þeim málaflokki er sem betur fer hröð og líklegt að mælikvarðar fyrir sjálfbærni verði komnir inn í rekstrarbókhald flestra fyrirtækja áður en langt um líður.

Sjá nánar á vef Creditinfo

Hættur sem fylgja því að yfirfylla úrgangsílát!

Wed, 06 Nov 2024 08:27:00 GMT

Hættur sem fylgja því að yfirfylla úrgangsílát!

Það þarf að hafa í huga þegar verið er að losa úrgang í  þar til gerð ílát að ekki sé verið að yfirfylla þau.  Ef ílát eru yfirfull getur það gert starfsmönnum Terra erfitt fyrir að flytja þau á öruggan hátt. Við viljum forðast það að úrgangur falli út þegar ílát eru flutt, þar sem slíkt skapar bæði hættu á slysum og umhverfismengun.

Opnir gámar:

Viðmið fyrir opna gáma er að úrgangur megi ekki ná upp fyrir brúnina á ílátinu, óháð því hvers konar úrgangur um ræðir.

Lokaðir gámar:

Ef ekki er hægt að loka gáminum er hann of fullur. Loka þarf gámnum fyrir örugga flutninga og auðvelda losun.

Grenndargámar:

Ef úrgangur kemst ekki í grenndargám verður viðkomandi að taka hann með sér heim og koma aftur þegar gámurinn hefur verið tæmdur eða fara með hann á næstu endurvinnslustöð. Það er óheimilt að skilja úrgang eftir við hliðina á grenndargámnum, þar sem það truflar akstursplan bílstjóra. Þeir þurfa þá að stíga út úr bílnum og tína saman það sem liggur við hliðina á, auk þess sem er oft erfitt að koma úrgangi í bílinn vegna hæðar á opi hans.

Þess ber einnig að geta að úrgangur eins og þvottavélar eiga ekki heima á grenndarstöðvum og skal því fara með slíkan úrgang á næstu endurvinnslustöð.

Ráðgjöf fyrir fyrirtæki:

Með því að fylgja þessum leiðbeiningum stuðlum við að auknu öryggi og verndum umhverfið.

Alþjóðlegur dagur raf- og rafeindatækjaúrgangs

Fri, 11 Oct 2024 08:58:00 GMT

Alþjóðlegur dagur raf- og rafeindatækjaúrgangs, oft nefndur Alþjóðlegi rafrusldagurinn (International E-Waste Day – IEWD), er haldinn þann 14. október ár hvert til að takast á við þetta vaxandi vandamál á heimsvísu.

Dagurinn er haldinn að frumkvæði WEEE Forum og meðlima þess, með það að markmiði að vekja athygli á mikilvægi ábyrgra aðferða við meðhöndlun raftækjaúrgangs og á þeim lausnum sem eru til staðar fyrir íbúa ólíkra svæða og samfélaga.

Samkvæmt nýjustu tölum frá Sameinuðu þjóðunum (Global E-Waste Monitor) urðu til 62 milljón tonn af raf- og rafeindatækjaúrgangi (e. Waste from Electrical and Electronic Equipment – WEEE) á heimsvísu árið 2022. Það jafngildir því að 1,55 milljón vörubílar, fullir af rafrænum úrgangi, yrðu stilltir upp við miðbaug jarðar og næðu hringinn í kringum hann. Talið er að magn rafræns úrgangs muni aukast í 82 milljón tonn árið 2030. Opinberar tölur sýna að magn raftækjaúrgangs vex fimmfalt hraðar en endurvinnsluhlutfallið.

Í ár er slagorð vitundarvakningarinnar: „ Leitum að rafrusli – finnum, endurvinnum og gefum verðmætum nýtt líf! “ Að þessu sinni er áhersla lögð á biluð, ónýt eða ónotuð raftæki sem fólk geymir oft á heimilum sínum, oft án þess að átta sig á að þessi tæki innihalda verðmæti sem hægt er að endurnýta. Raftæki ná yfir alla hluti sem eru með kló, snúru eða rafhlöðu, en þau sem oftast gleymast eru lítil rafeindatæki eins og gamlir farsímar, snúrur, USB-lyklar, kortalesarar, rafrettur, leikjatölvur og smáheyrnartól.

Markmið ársins er að hvetja fólk til að fara í gegnum heimili sín, finna ónotuð eða biluð raftæki og koma þeim á næstu móttökustöð fyrir slíkan úrgang. Með þessu geta allir lagt sitt af mörkum til að draga úr mengun, vernda náttúruauðlindir, spara orku og minnka losun koltvísýrings.

Á vef Úrvinnslusjóðs má finna hvað þú getur gert sem einstaklingur eða sem fulltrúi fyrirtækisins?

Skrá þig til leiks: Öllum fyrirtækjum og stofnunum sem vilja vera með er boðið að skrá sig hér og gerast opinberir þátttakendur. Með því öðlast þau sýnileika á vefsíðu Alþjóðlega rafrusldagsins.

Sjá má frekari upplýsingar um Alþjóðlega rafúrgangsdaginn 2025 á vef Úrvinnslusjóðs

Skiljum ekkert eftir!

Wed, 18 Sep 2024 12:37:00 GMT

Zero waste eða eins og við hjá Terra höfum skilgreint sem skiljum ekkert eftir, er hugmyndafræði og lífsstíll sem miðar að því að draga úr magni úrgangs sem fer á urðunarstaði, í brennslustöðvar eða í hafið.

Að skilja ekkert eftir lýsir vel markmiðum okkar í endurvinnslu og meðhöndlun úrgangs. Við viljum að  flokkun sé einföld og sjálfsögð  og hvetjum til minni notkunar á umbúðum og efnum sem þarfnast sérstakrar meðhöndlunar. Við viljum hjálpa til við að bæta umgengni okkar við jörðina og bjóðum fyrirtækjum, sveitarfélögum og heimilum víðtæka úrgangsþjónustu.

Áherslan er lögð á að endurhanna líftíma auðlinda þannig að allir hlutir séu endurnýttir og enginn úrgangur sé sendur í förgun. Til að ná að lágmarka úrgang þarf m.a að lágmarka eða útrýma notkun á einnota vörum, taka upp fjölnota valkosti og leggja áherslu á endurvinnslu, moltugerð og endurnýtingu.

Helstu hugtök:

Sniðganga : sniðganga hluti sem skapa úrgang, eins og einnota plasti eða óhóflega umbúðanotkun.
Minnka : Lágmarka neyslu með því að kaupa minna og einblína á varanlegar, hágæðavörur.
Endurnýta : Velja fjölnota hluti yfir einnota, eins og taupoka, málmrör og fjölnota vatnsflöskur.
Endurvinna : Endurvinna rétt efni eins og pappír, gler, textíl og málma.
Molta : Búa til moltugerð úr lífrænum úrgangi eins og matarafgöngum og garðaúrgangi til að bæta jarðveg í stað þess að senda það á urðunarstað.

Hagnýt skref:

Notaðu fjölnota hluti : Hafðu alltaf með þér fjölnota poka, vatnsflöskur, kaffibolla og hnífapör til að forðast einnota plast.
Verslaðu skynsamlega : Keyptu í lausu til að draga úr umbúðum, styðja fyrirtæki með sjálfbærar venjur og velja notaðar eða endurnýttar vörur.
Gerðu sjálfur og lagaðu : Lærðu að laga brotna hluti, búa til þínar eigin vörur (t.d. hreinsiefni, snyrtivörur) og endurnýta efni.
Molta : flokkaðu matarafganga til að draga úr því sem fer á urðunarstaði eða í brennslu.
Draga úr stafrænum úrgangi : Stafrænn úrgangur, eins og óþarfa tölvupóstur eða óþarflega mikið geymslupláss, getur einnig haft umhverfisáhrif, svo hreinsaðu til og hagræddu stafrænum venjum.

Terra áfram með úrgangshirðu á Seltjarnarnesi

Fri, 06 Sep 2024 12:10:00 GMT

Terra áfram með úrgangshirðu á Seltjarnarnesi til ársins 2029

Terra hefur undanfarin ár sinnt úrgangshirðu við heimili á Seltjarnarnesi og haldið um þráðinn í þeirri mikilvægu þjónustu. Á vormánuðum var verkið boðið út, þar sem samkeppni var ríkjandi. Eftir ítarlega skoðun á tilboðum og greiningu á kostum hverra bjóðenda var niðurstaðan sú að halda áfram samstarfi við Terra.

Samningurinn, sem mun gilda til ársins 2029, felur í sér áframhaldandi þjónustu Terra við íbúa bæjarins, sem tekur til alls úrgangs frá heimilum. Samkvæmt samningnum mun Terra leggja áherslu á framúrskarandi þjónustu og aukna áherslu á endurvinnslu og umhverfisvænar lausnir, sem er í takt við stefnu bæjarins í umhverfismálum.

Undirritun verksamningsins fór fram á dögunum, þar sem Þór Sigurgeirsson bæjarstjóri og Valgeir Baldursson, framkvæmdastjóri Terra staðfestu áframhaldandi samstarf.

„Mér líst vel á áframhaldandi samstarf við Terra. Verkefnin eru krefjandi í nýju sorpflokkunarkerfi sem innleitt var hér síðasta ári. Nýja kerfið hefur farið vel af stað og hnökrum fer fækkandi. Aðal atriðið er öflug þjónusta við íbúa sem felst í aukinni tíðni losana frá því sem var í upphafi nýja kerfisins,“ segir Þór Sigurgeirsson bæjarstjóri.

Valgeir Baldursson tekur undir það og segir að Terra sé spennt fyrir að taka næstu skref í þróun þjónustunnar á Seltjarnarnesi. „Við höfum lagt mikið upp úr því að þróa umhverfisvænar lausnir og efla þjónustuna með íbúum bæjarins í huga. Með þessum nýja samningi ætlum við að halda áfram að veita framúrskarandi þjónustu.“

Samningurinn tryggir að Terra haldi áfram að vera leiðandi aðili í úrgangshirðu á Seltjarnarnesi og tryggir íbúum sveitarfélagsins trausta og áreiðanlega þjónustu næstu fimm árin.

Matarleifar eru auðlind

Mon, 02 Sep 2024 08:37:00 GMT

Matarleifar eru auðlind

Frábær árangur hefur náðst við flokkun matarleifa eftir að nýtt flokkunarkerfi var innleitt hér á Suðvesturhorninu með tilkomu nýrra laga varðandi úrgangsflokkun.

Til að sem bestur árangur náist er mikilvægt að flokka matarleifar vel og vandlega.

Við hjá Terra bjóðum upp á þá þjónusta að leigja þér ílát undir matarleifarnar hvort sem um er að ræða innan- eða utanhús sem við getum svo losað með reglubundinni þjónustu. Við sjáum svo um að skila matarleifunum á réttan hátt til Gaju, sem er eini farvegurinn fyrir matarleifar á Suðvesturhorninu sem samræmist hringrásarlögunum.

Þess má má geta að Sorpa býður upp á staðfestingu fyrir grænt bókhald þess fyrirtækis sem skilar matarleifum til Gaju.

Líkt og fram hefur komið þá sparast losun á gróðurhúsaloftegundum sem nemur um 800 kílóum fyrir hvert tonn af matarleifum.

Hjá okkur má finna þær vörur sem við erum með sem ættu að auðvelda þínu fyrirtæki að flokka matarleifar .

Ekki hika við að hafa samband við okkur hjá Terra og við leiðbeinum þér til að þitt fyrirtæki nái farsælum árangri í flokkun úrgangs.

Betri árangur í úrgangsmálum!

Wed, 14 Aug 2024 15:20:00 GMT

Til að ná árangri í úrgangsflokkun hjá fyrirtækjum er mikilvægt að fylgja skipulegum og markvissum skrefum.

Hér eru nokkur lykilatriði sem geta hjálpað:

Fræðsla:

Upplýsingagjöf: Fræða starfsmenn um mikilvægi og ávinning úrgangsflokkunar.

Þjálfun: Skipuleggja námskeið og þjálfun til að kenna rétt vinnubrögð við flokkun.

Ílát rétt og vel merkt

Flokkunarkerfi: Setja upp skýr og auðskilin flokkunarkerfi með Fenúr merkingum.

Flokkunaraðstaða: Koma upp viðeigandi flokkunarstöðvum á vinnustaðnum, eins og flokkunartunnum fyrir plast, pappír, matarleifar, blandaðan úrgang, málm, gler ofl.

Eftirlit

Áætlunargerð: Móta heildræna úrgangsstjórnunaráætlun sem tekur mið af núverandi stöðu og framtíðarmarkmiðum.

Eftirlit: Reglulegt eftirlit og greining á árangri til að tryggja að flokkunarkerfið sé rétt notað og skilvirkt.

Hvatning

Viðurkenningar: Hvetja starfsmenn með viðurkenningum fyrir góða þátttöku í flokkunarverkefnum.

Ávinningur: Benda á beinan og óbeinan ávinning úrgangsflokkunar, eins og lækkun úrgangskostnaðar og jákvæð umhverfisáhrif.

Samstarf við birgja og úrgangsþjónustuaðila

Samskipti: Tryggja gott samstarf við birgja og úrgangsþjónustuaðila til að hámarka endurvinnslu og rétta meðhöndlun úrgangs.

Hafa skýra samninga við úrgangsþjónustuaðila um hvernig úrgangur er sóttur og meðhöndlaður.

Stöðug endurskoðun og umbætur

Endurmat: reglulegt endurmat á kerfinu til að finna hvar er tækifæri til að gera betur.

Nýjungar: fylgjast með nýjungum í úrgangsstjórnun og innleiða nýjar lausnir eftir þörfum.

Ábyrgðaraðili

Það þarf einhver innan fyrirtækisins að eiga þetta verkefni og þar með bera ábyrgð á að það sem er talið upp hér að ofan verði framfylgt.

Framkvæmdaráætlun:

Skipuleggja kynningarfund fyrir starfsmenn um úrgangsflokkun.
Setja upp merkingar og flokkunarstöðvar á strategískum stöðum í fyrirtækinu.
Þróa áætlun og setja fram markmið í samráði við lykilstarfsmenn.
Koma á fót formlegum samskiptum við úrgangsþjónustuaðila.
Fylgjast reglulega með og gefa endurgjöf um framvindu og árangur.

Þessi skref geta hjálpað fyrirtækjum að ná árangri í úrgangsflokkun og stuðla að sjálfbærari starfsemi.

Terra innleiðir nýtt úrgangshirðukerfi á Akureyri

Thu, 08 Aug 2024 09:28:00 GMT

Terra hefur hafið innleiðingu á nýju úrgangshirðukerfi á Akureyri, sem kemur í stað eldra kerfis. Nýja kerfið krefst þess að íbúar flokki úrgang í fjögur sérílát, þ.e. matarleifar, blandaðan úrgang, pappír og plastumbúðir. Samkvæmt nýjum lögum um meðhöndlun úrgangs er óheimilt að blanda þessum úrgangsflokkum saman.

Auk flokkunaríláta við heimili verða á grenndarstöðvum ílát fyrir gler, málm, textíl og auk þeirra úrgangsflokka sem eru nú þegar til staðar, þ.e. bylgjupappa, sléttan pappa, dagblöð og plastumbúðir.

Innleiðingin hefst nyrst í bænum og færist suður. Fyrst verður lögð áhersla á sérbýli og minni fjölbýli, eitt hverfi í einu. Stærri fjölbýli bíða haustsins þar sem annars konar ílát eru í boði og eru þau ekki komin til landsins.

Dreifingu í Síðu- og Giljahverfi er að mestu lokið og unnið er í Hlíðahverfi þessa dagana. Holtin, Efri og Neðri Brekka fylgja í kjölfarið, síðan Eyrin, Innbær og Nausta- og Hagahverfi.

Markmið þessara breytinga er að bæta flokkun, stuðla að endurvinnslu og endur nýtingu úrgangs, og minnka förgun úrgangs eins og frekast er kostur til að styðja við hringrásarhagkerfið. Endurvinnslutunnan sem margir þekkja mun hverfa þar sem blöndun endurvinnsluefna í eina tunnu er nú óheimil samkvæmt nýjum lögum. Þessar tunnur verða fjarlægðar á næstu dögum og innheimtu fyrir þessa þjónustu hefur verið hætt frá og með maí.

Íbúar eru hvattir til að nýta grenndarstöðvar og gámastæði á meðan nýju ílátin berast. Akureyrarbær leggur heimilum til þau ílát sem þarf í nýju kerfi og mælst er til þess að ílát séu samnýtt eins og hægt er. Nokkrar stærðir íláta eru í boði og úrgangshirðugjöld munu að einhverju leyti tengjast vali íbúa á ílátum.

Fyrir sérbýli verða þrjár tunnur: tvískipt tunna fyrir matarleifar og blandaðan úrgang, tunna fyrir plastumbúðir og önnur fyrir pappír. Mögulegt er að fá tvískiptar tunnur fyrir plast og pappír þannig að tvær tunnur séu við sérbýli.

Losunartíðni verður á 14 daga fresti fyrir matarleifar og blandaðan úrgang en á 28 daga fresti fyrir pappír og plast. Tvískipt hefðbundin 240 lítra tunna fyrir pappír og plast er oftast ekki nægjanleg fyrir meira en 2-3 manna heimili. Mögulega getur þurft að vera með fleiri ílát í stað þeirra tvískiptu. Íbúar ættu ekki að fylla tunnur of mikið til að forðast erfiðleika við losun. Óviðeigandi meðhöndlun, svo sem að hrista tunnur til að losa innihald, eykur hættu á skemmdum á ílátum og dreifingu úrgangs. Ef ílát er orðið fullt hvetjum við ykkur til að nýta grenndarstöðvar.

Óskir íbúa um breytingar ættu að berast Akureyrarbæ í gegnum netfangið flokkumfleira@akureyri.is og finna má upplýsingar um nýja kerfið á vefnum

Áskoranir fylgja innleiðingunni þar sem þjóna þarf bæði gamla og nýja kerfinu á meðan á þessum breytingum stendur. Nýja kerfið tekur lengri tíma þar sem aðeins er hægt að losa eina tvískipta tunnu í hvert sinn, ólíkt eldra kerfinu sem gerði kleift að losa fleiri tunnur og hólf í einu. Þess vegna verður úrgangshirðudagatal ekki gefið út fyrr en komin er reynsla á nýja kerfinu.

Fjölga þarf bílum og starfsfólki eftir því sem innleiðingin heldur áfram. Terra leggur sig fram við að valda íbúum sem minnstum óþægindum og að kerfið verði komið í fastar skorður í haust. Þá fyrst verður úrgangshirðudagatal birt. Þar til þá mun eldri áætlun halda gildi með einhverjum tilfæringum.

Terra vill nýta tækifærið og þakka íbúum fyrir þolinmæði þeirra á þessum umbreytingartíma.

Terra aðili að UN Global Compact

Thu, 01 Aug 2024 10:20:00 GMT

Terra aðili að UN Global Compact

Terra hefur gerst aðili að UN Global Compact sem eru samtök Sameinuðu þjóðanna og atvinnulífsins um ábyrga starfshætti þar sem fyrirtæki og stofnanir eru hvött til góðra verka í þágu samfélagsins með sjálfbærni að leiðarljósi.

Global Compact er ákall til fyrirtækja um að aðlaga rekstur og starfsemi sína þannig að hún byggi á tíu meginmarkmiðum sáttmálans á sviði mannréttinda, vinnumarkaðsmála, umhverfismála og vörnum gegn spillingu. Terra ber að skila árlega upplýsingum um árangur sinn í sjálfbærni í gegnum opinberan gagngrunn UN Global Compact og stuðla þannig að auknu gagnsæi og samanburðarhæfni í upplýsingagjöf.

„Með þátttöku sinni hefur Terra skuldbundið sig til að innleiða þessi tíu meginmarkmið sáttmálans í starfsemi sína og sjáum við fram á að fá mikinn stuðning og fræðslu í gegnum öflugt tengslanet og fræðsluefni frá UN Global Compact. Innleiðing sjálfbærni í rekstri er vegferð og er aðild Terra að UN Global Compact eitt af mörgum skrefum sem við vildum taka á sjálfbærnivegferð okkar. Miklar breytingar eru þessi misserin í regluverki varðandi sjálfbærni og frábært að geta leitað í góðan stuðning og speglað við aðra í sömu sporum,” segir Gróa Björg Baldvinsdóttir, framkvæmdastjóri sjálfbærni og menningar hjá Terra.

„Það er einstaklega ánægjulegt að bjóða Terra velkomið í hóp fyrirtækja í UN Global Compact. Terra hefur lagt áherslu á mikilvægi þess að skilja ekkert eftir (e. Zero Waste) þegar kemur að endurvinnslu og meðhöndlun úrgangs og hefur lagt áherslu á að flokkun sé einföld og sjálfsögð fyrir neytendur. Þetta er stórt verkefni en er einn mikilvægasti hlekkurinn í að ná fram jákvæðum breytingum og árangri þegar kemur að sjálfbærni og að hringrásarhagkerfið nái fullri fótfestu á Íslandi. Við erum afskaplega stolt af því að vera hluti af sjálfbærnivegferð fyrirtækisins og hlökkum til samstarfsins,” segir Auður Hrefna Guðmundsdóttir svæðisstjóri UN Global Compact á Íslandi.

Hlutverk Global Compact er að veita fyrirtækjum aðgang að þjálfun og fræðslu, tala fyrir aðgerðum og miðla upplýsingum um það sem þátttakendur eru að gera. Um 21 þúsund fyrirtæki eru aðilar að UN Global Compact á heimsvísu og fer starfsemi samtakanna fram í 162 löndum.

Verðbreytingar

Thu, 25 Jul 2024 08:47:00 GMT

Eftirfarandi breytingar verða á verðskrá hjá Terra.

Þessar verðbreytingar eiga eingöngu við fyrir Terra Suðurland, Terra Vesturland og Terra Austurland og taka þær gildi 1. ágúst.

Leiga og losun:

Leiga og losun hækkar um 3,5%

Eyðingargjöld eftir breytingu er:

Suðurland

Blandaður úrgangur 57,95 kr

Grófur úrgangur 71,65 kr

Steinefni 10,05 kr

Hreint timbur 17 kr

Litað timbur 24 kr

Umbúðatimbur 6 kr

Vesturland

Blandaður úrgangur 35,95 kr

Grófur úrgangur 70,65 kr

Steinefni 10,05 kr

Hreint timbur 17 kr

Litað timbur 23 kr

Umbúðatimbur 6 kr

Austurland

Eyðingargjöld haldast óbreytt.

Breytingarnar eru vegna almennra verðlagsbreytinga og breytinga á afsetningarkostnaði.

Saman gegn matarsóun

Tue, 16 Jul 2024 15:19:00 GMT

Þriðjungur þeirra matvæla sem eru framleidd er sóað, þetta á við heimsvísu.

Ef við leggjum okkur fram við að draga úr matarsóun getum við verndað umhverfið, nýtt auðlindir betur svo ekki sé talað um sparað fé.

Á vef Saman gegn sóun má finna nokkur hollráð varðandi hvað við getum gert til að draga úr matarsóun, þar sem ástæður þeirra erum margþættar.

Skipuleggja innkaupin, það gerum við m.a. með því að gera mataráætlun, innkaupa lista út frá þeirra áætlun og vera búin að kíkja í ísskápinn og skápa til að sjá hvað vantar í raun og veru.
Þegar farið er í búðina, ekki horfa á magn heldur skoða frekar minni pakkningar til að matur fari síður til spillis.
Hafa rúmt í ísskápnum til að hafa betri yfirsýn hvað er til og þá kælir hann einnig vörur betur og minni líkur á að matur skemmist.
Treysta á skynfærin, notaðu nefið til að koma í veg fyrir að henda mat sem er 100% í lagi.
Setja afganga strax í kælir eða jafnvel frystir ef þú sérð ekki fram á að borða þetta strax.
Elda rétt magn, minnka uppskriftir m.t.t. fjölda þeirra sem eru í mat.
Nota minni matardiska, fá sér frekar aftur á diskinn.
Nýta matarafganga, þá sparar þú bæði tíma og pening.
Þar sem það er óhjákvæmilegt að það sé enginn matarsóun þar sem það fellur ýmislegt til þegar verið er að undirbúa matseldina, hýði og annað sem við hvetjum ykkur til að flokka með matarleifum til að það verði að moltu eða metan.

Sjá má frekari fróðleik á vef Saman gegn sóun

Endurvinnslutunnan sótt á næstu dögum hjá Akureyringum

Mon, 08 Jul 2024 15:27:00 GMT

Við hjá Terra munum sækja endurvinnslutunnuna til heimila á Akureyri á næstu dögum. Gjald var innheimt fyrir maí mánuð og ekki verður innheimt meir.

Þeir sem hafa ekki fengið rétt ílát til flokkunar þurfa að fara á grenndarstöðvar með plast og pappír/pappi tímabundið.

Þökkum bæjarbúum fyrir viðskiptin undanfarin ár.

Einnig hvetjum við ykkur til að kynna ykkur nýja flokkunarkerfið á vef www.akureyri.is

Saman náum við árangri

Skiljum ekkert eftir

Terra hættir að bjóða upp á þjónustu varðandi þurrsalerni

Fri, 28 Jun 2024 11:34:00 GMT

Í síðustu viku skrifuðu Terra og Svarta Perlan undir samning um kaup á öllum þurrsalernum frá Terra.

Með þessum samningi yfirtekur Svarta Perlan öll þurrsalerni ásamt þjónustu við þau gagnvart viðskiptavinum.

Svarta Perlan hefur sérhæft sig undanfarin ár í leigu og þjónustu á færanlegum salernum. Með þessari viðbót verða þeir enn sterkari í framboði sínu á þurrsalernum. Í framhaldinu á þessum samningi munu þeir taka öll þurrsalerni, stök, á kerrum og á krókgrindum yfir til sín.

Hvetjum ykkur til að hafa samband við þá hjá Svörtu Perlunni

☎ 771-1222

✉ agustsson@svartaperlan.is

Athuga þetta á einungis við um þurrsalerni áfram býður Terra Einingar uppá vatnssalerni sem hluti af sínu húseininga framboði.

Úrgangsþríhyrningurinn

Tue, 25 Jun 2024 12:43:00 GMT

Á vef Umhverfisstofnunar er að finna greinagóð skil á þeim hugtökum sem koma fram í Úrgangsþríhyrningnum.

Úrgangsþríhyrningurinn sýnir forgangsröðun við meðhöndlun úrgangs og dregur fram mikilvægi mismunandi meðhöndlunarleiða með tilliti til umhverfisáhrifa. Úrgangsforvarnir eru mikilvægastar enda snúast þær um að draga úr myndun úrgangs, en undirbúningur fyrir endurnotkun, endurvinnsla og önnur endurnýting stuðla að minni umhverfisáhrifum en förgun.

Úrgangsforvarnir eru ráðstafanir sem gerðar eru áður en efni, efniviður eða vara er orðin að úrgangi og draga úr magni úrgangs, neikvæðum áhrifum á umhverfið og heilbrigði manna vegna úrgangs sem hefur myndast og innihaldi skaðlegra efna.

Undirbúningur fyrir endurnotkun er hvers kyns aðgerðir, sem felast í skoðun, hreinsun eða viðgerð, þar sem vörur eða íhlutir þeirra, sem eru orðin að úrgangi, eru útbúin þannig að þau megi endurnota án annarrar forvinnslu.

Endurvinnsla er hvers kyns endurnýtingaraðgerð sem felst í því að endurvinna úrgangsefni í vörur, efnivið eða efni, hvort sem er til notkunar í upphaflegum tilgangi eða í öðrum tilgangi. Undir þetta fellur uppvinnsla á lífrænum efniviði, en ekki orkuvinnsla og uppvinnsla sem skilar efni sem á að nota sem eldsneyti eða til fyllingar. Notað plast sem er hreinsað, kurlað og brætt í nýjar plastvörur og notaður pappír sem verður að pappírsmassa til að verða að nýjum pappír er klassískt dæmi um endurvinnslu.

Önnur endurnýting telst vera endurnýtingaraðgerð þar sem aðalútkoman er sú að úrgangur verður til gagns þar sem hann kemur í stað annars efniviðar sem hefði annars verið notaður. Slíkar aðgerðir skiptast annars vegar í fyllingu, og hins vegar í orkuendurnýtingu.

Förgun er aðgerð sem er ekki endurnýting jafnvel þó aðgerðin hafi að auki í för með sér endurheimt efna eða orku. Förgun getur verið brennsla án orkunýtingar eða urðun úrgangs og er sísti kosturinn við meðhöndlun úrgangs. Ef litið er til losunar gróðurhúsalofttegunda kemur urðun mun verra út en förgun þar sem hvert tonn af úrgangi sem er urðað í dag losar í mörg ár inn í framtíðina.

Upplýsingar fengnar af vef Umhverfisstofnun, sjá nánar �� Umhverfisstofnun

Djúpgámar á Akureyri

Thu, 20 Jun 2024 12:39:00 GMT

Fyrstu djúpgámar fyrir utan höfuðborgarsvæðið hafa verið teknir í notkun og það á Akureyri.

Um er að ræða djúpgáma fyrir fjóra flokka; blandaðan úrgang, pappír, plast og matarleifar.

Þessa djúpgáma er að finna í Kjarnagötu 55-57 og hafa þeir vakið mikla lukku hjá íbúum enda erum við hjá Terra afskaplega stolt af þessum gámum okkar sem eru snyrtilegar og stílhreinar lausnir þegar kemur að úrgangsmálum. Þessir Djúpgámar eru læstir og eru það sömu lyklar sem ganga að þeim og eru af sameigninni svo það á enginn að geta hent úrgangi í þessa gáma ef viðkomandi er ekki búsettur í Kjarnagötu 55-57.

Terra hefur selt yfir 700 djúpgáma á höfuðborgarsvæðinu og hlakkar okkur til að sjá fleiri slíka í notkun á landsbyggðinni.

Ekki hika við að senda okkur línu ef það eru einhverjar fyrirspurnir um þessa lausn okkar

Terra skrifar undir samning við Garðabæ og Mosfellsbæ

Thu, 06 Jun 2024 11:06:00 GMT

Terra var rétt í þessu að undirrita samning við Garðabæ og Mosfellsbæ varðandi úrgangshirðu úr djúpgámum næstu tvö árin.

Garðabær: Samningur um hirðu úr djúpgámum fyrir fjórar gerðir úrgangs; plast, pappír/pappa, blandaðan úrgang og matarleifar.

Mosfellsbær: Samningur um hirðu úr djúpgámum fyrir fjórar gerðir úrgangs; plast, pappír/pappa, blandaðan úrgang og matarleifar.

Við hjá Terra höfum mikla reynslu þegar kemur að djúpgámum enda höfum við selt yfir 600 slíka gáma.

Efri mynd: Regína Ásvaldsdóttir, bæjarstjóri Mosfellsbæjar og Valgeir Baldursson, forstjóri Terra

Neðri mynd: Almar Guðmundsson, bæjarstjóri Garðabæjar og Valgeir Baldursson, forstjóri Terra

Úrgangsþjónusta við Akraneskaupstað næstu 6 árin

Thu, 06 Jun 2024 08:07:00 GMT

Terra og Akraneskaupstaður hafa átt langt og farsælt samband saman þegar kemur að úrgangsþjónustu.

Samstarfið felur í sér að þjónusta öll heimili á Akranesi og stofnanir á vegum kaupstaðarins og einnig að reka móttökustöðina Gámu.

Við hjá Terra erum stolt af þessu samstarfi og við hlökkum til áframhaldandi samstarfs.

Mynd var tekin af hópnum í tilefni dagsins, á myndinni eru þau Harald Benediktson bæjarstjóra Akraneskaupstaðar, Sigurður Páll, Lárus Ársælsson, Ragnar Sæmundsson, Jónína Margrét Sigmundsdóttir, Guðmundur Páll framkvæmdastjóri hjá Terra og Valgeir Baldursson forstjóri Terra.

Mikilvægt skref í orkuskiptum í þungaflutningum

Fri, 24 May 2024 10:38:00 GMT

Mikilvægt skref í átt að orkuskiptum samgangna var stigið þegar Terra, ásamt fjórum öðrum fyrirtækjum, skrifuðu undir vilja yfirlýsingu um kaup á vetnisknúnum vöruflutningabílum. Um er að ræða MAN hTGX dráttarbíla af stærstu gerð, 44/49 tonn og verða bílarnir knúnir vetni sem framleitt er af Orku náttúrunnar. Fyrstu bílarnir eru væntanlegir til landsins næsta vor.

Dráttarbílarnir eru með brunahreyfli sem ganga fyrir vetni og öll umhirða og viðhald því sambærilegt við bifreiðar sem fyrirtæki hafa fyrir í rekstri. Drægni þessara bíla er allt að 600 km sem gerir þá samkeppnishæfari við hefðbundna vörubíla knúna dísil. Vörubílar af þessari stærðargráðu eru með þeim ökutækjum sem nota mest eldsneyti og aka langar vegalengdir á ári hverju.

Orkuskipti í þungaflutningum hafa gríðarleg áhrif og vega þungt í losunarbókhaldi landsins. Áætla má að árleg eldsneytisnotkun 20 dráttarbíla jafnist á við ríflega eitt þúsund fólksbíla og með því að skipta yfir í endurnýjanlega orkugjafa, líkt og vetni, er hægt að draga úr kolefnislosun sem nemur 1.890.000 kgCO2 eða 700.000 lítrum af dísilolíu.

„Okkur er einstök ánægja að taka þátt í þessu verkefni, þar sem eitt af mikilvægustu verkefnum okkar hjá Terra er að hraða orkuskiptum bílaflota okkar og minnka þar með kolefnisspor félagsins. Við sjáum mikil tækifæri í vetnisknúnum bílum til framtíðar sem þátt í að ná sjálfbærnimarkmiðum Terra,“ segir Valgeir Baldursson forstjóri Terra.

Unnið hefur verið að samningum um innflutning bílanna og viljayfirlýsingu um kaup á þeim undir verkstjórn Íslenskrar NýOrku í um 18 mánuði, en Íslensk NýOrka var stofnuð 1999 í tengslum við viljayfirlýsingu ríkisstjórnar Íslands um að stefna að nýtingu endurnýjanlegra orkubera til samgangna. Orka náttúrunnar framleiðir á Hellisheiði vetni til að knýja bílana og Blær Íslenska vetnisfélagið dreifir því. Með þessu sameinast framleiðandi og innflytjandi bílanna, viðskiptavinir og fyrirtækin sem framleiða og dreifa orkugjafanum um eitt stærsta orkuskiptaverkefni á Íslandi.

Á myndinni má sjá fulltrúa frá fyrirtækjunum BM Vallá, Colas, MS, Samskip, og Terra skrifa undir viljayfirlýsingu um kaup á bifreiðunum. Það er Kraftur, umboðsaðili MAN á Íslandi, sem hefur tryggt sér til afhendingar 20 bíla, til afhendingar á næsta og þarnæsta ári.

Hollráð - Nikótínvörur

Fri, 17 May 2024 07:51:00 GMT

Rafrettur ber að flokka með smáum raftækjum þar sem þær falla undir áhættuúrgang og hvetjum við ykkur til að nýta þau flokkunar ílát sem er að finna í hinum ýmsu matvöruverslunum sem eru að taka á móti batterýum og smáum raftækjum.

Þess skal getið að rafrettur sem settar eru í blandaðan úrgang geta valdið íkveikju því er mjög mikilvægt að flokka þetta með smáum raftækjum, þetta á einnig við þær sem eru einnota.

Nikótínpúða þarf að setja í blandaðan úrgang en dósin/umbúðin er flokkuð með plasti. Mikilvægt er að búið sé að tæma notuðu púðana úr dósinni áður en henni er hent.

Sígarettur fara í blandaðan úrgang líkt og nikótín púðarnir.

Betra samfélag ef við stuðlum öll að sjálfbærni

Mon, 06 May 2024 12:58:00 GMT

Innleiðing sjálfbærni í rekstri hvers félags er vegferð og höfum við hjá Terra nú gefið út tvær sjálfbærniskýrslur sem eru eitt af mörgum skrefum sem við viljum taka til þess að auka gagnsæi og upplýsa hagaðila okkar um hvernig rekstri félagsins er háttað þegar kemur að sjálfbærni. Með sjálfbærnistefnu, markmiðum og aðgerðum til þess að ná fram lykilmælikvörðum er félagið búið að marka sér skýra stefnu í að auka jákvæð áhrif starfseminnar. Við viljum stuðla að sjálfbærni í samfélaginu og starfa í jafnvægi við umhverfið, samfélagið og starfsfólkið okkar.

Við hvetjum þig til þess að skoða sjálfbærniskýrsluna okkar og kynna þér markmið okkar og árangur.

Við viljum líka endilega heyra hvað þér finnst og fögnum allri endurgjöf.

Hér getur þú haft samband við okkur .

Við tökum ábyrgð og einbeitum okkur að því að horfa til framtíðar með sjálfbærni að leiðarljósi.

Hér má finna Sjálfbærniskýrslu Terra 2023

Opnunartímar - rauðir dagar í apríl og maí

Wed, 24 Apr 2024 10:47:00 GMT

Terra á stórsýningunni Verk og Vit

Tue, 16 Apr 2024 12:46:00 GMT

Við verðum með bás á stórsýningunni Verk og vit núna um helgina

Stórsýningin Verk og vit er haldin í sjötta sinn dagana 18. – 21. apríl 2024 í Íþrótta- og sýningarhöllinni í Laugardal.

Verk og vit er frábær vettvangur til að sjá allt það nýjasta í byggingariðnaði, mannvirkjagerð og skipulagsmálum og kynna sér spennandi vörur og þjónustu.

Markmið sýningarinnar er:

�� Kynna vörur og þjónustu

�� Efla viðskiptasambönd og afla nýrra

�� Kynna aukna þekkingu og tækninýjungar

�� Kynna menntastofnanir og efla tengsl við þær

�� Auka vitund almennings

Stórsýningin Verk og vit er haldin í sjötta sinn dagana 18. – 21. apríl 2024 í Íþrótta- og sýningarhöllinni í Laugardal.

Verk og vit er frábær vettvangur til að sjá allt það nýjasta í byggingariðnaði, mannvirkjagerð og skipulagsmálum og kynna sér spennandi vörur og þjónustu.

Ef þið eigið leið á sýninguna þá endilega kíkið við og okkar fólk tekur vel á móti ykkur ��

Norðurorka hlýtur Umhverfisverðlaun Terra 2023 á landsbyggðinni

Mon, 08 Apr 2024 08:26:00 GMT

Þegar við vorum að rýna gögn varðandi úrgangstölur og flokka frá viðskiptavinum okkar til að finna vinningshafa Umhverfisverðlauna Terra fyrir árið 2023 sáum við að það væri þörf á að tilnefna einnig vinningshafa af landsbyggðinni. Það eru ansi mörg fyrirtæki sem eru í viðskiptum hjá okkur búin að bæta sig mikið á milli ára í flokkun sem skilar hreinni straumum og hærra hlutfalli heildarúrgangs sem fer í endurvinnslu.

Það gleður okkur að tilkynna vinningshafa Umhverfisverðlauna Terra 2023 á landsbyggðinni, en það er Norðurorka.

Norðurorka hefur sett fordæmi fyrir því hversu vel má flokka allt sem til fellur hjá stóru fyrirtæki. Hlutfall sem er urðað eða sent í brennslu er í algjöru lágmarki. Það samræmist stefnu Terra um að skilja ekkert eftir gríðarlega vel.

Norðurorka hefur tileinkað sér þær nýjungar sem Terra býður upp á, hefur verið reiðubúin að prófa nýjar lausnir og gefið sitt álit á virkni þeirra.

Hér á myndinni má sjá Eyþór Björnsson, forstjóra Norðurorku taka á móti verðlaununum úr hendi Helga Pálssyni sem er rekstrarstjóri Terra á Norðurlandi.

Við óskum Norðurorku innilega til hamingju með verðlaunin.

Opnunartími Terra um páskana

Mon, 25 Mar 2024 13:42:00 GMT

Heimsókn frá nemum í Setbergsskóla

Mon, 25 Mar 2024 07:53:00 GMT

Fyrr í mánuðinum fengum við hressa krakka í heimsókn sem stunda nám í Setbergsskóla.

Þau voru að vinna að verkefni sem snýr að hæfniviðmiði sem er að nemandi getur dregið ályktanir af tilgangi flokkunar úrgangs. Þá er nú gott að koma í heimsókn til Terra þar sem þar er að finna hafsjó fróðleiks um söfnun og flokkun úrgangs.

Haldin var létt kynning fyrir þau um hina ýmsu úrgangsflokka og mikilvægi þess að flokka rétt. Við viljum svo sannarlega fá hreina strauma inn til okkar svo þau skili sér aftur út í hringrásarhagkerfið.

Þau voru mjög fróðleiksfús, hvort sem um var að ræða flokkunina, vélarnar og svo stóru vinnuvélarnar sem keyra um svæðið.

Við hlökkum til að fá fleiri krakka í heimsókn

IKEA hlýtur Umhverfisverðlaun Terra 2023

Fri, 15 Mar 2024 10:41:00 GMT

IKEA hlaut umhverfisverðlaun Terra 2023 fyrir framúrskarandi, markvissan og eftirtektarverðan árangur og ábyrga stefnu í umhverfismálum. Þetta er í fjórða sinn sem Terra velur samstarfsaðila sem Umhverfisfyrirtæki Terra.

,,Við hjá Terra upplifum einstaklega mikinn meðbyr hjá starfsfólki IKEA þegar kemur að flokkun og sjáum við fram áframhaldandi frábært samstarf þegar kemur að því að hámarka þá vegferð að breyta úrgangi í auðlind," segir Valgerður Sigrúnar Vigfúsardóttir, forstöðumaður viðskiptadeildar Terra.

Í rökstuðningi tilnefningarinnar kom meðal annars fram að IKEA hefur lagt mikið af mörkum við að auka umhverfisvitund landsmanna. IKEA leggur mikla áherslu á flokkun úrgangs og að flokka hann vel. Fyrirtækið hefur verið með gáma fyrir jólatré eftir jólin og tekið á móti ónýtum jólaseríum, sem minnir fólk á að það er mikilvægt að koma úrgangi í réttan farveg. IKEA tekur auk þess á móti harðplasti sem er sent til endurvinnslu hjá frumkvöðla fyrirtækinu Plastplan og er það gert sýnilegt í versluninni til að minna þannig á að úrgangur er auðlind. IKEA hefur unnið með Terra frá upphafi framkvæmda við nýtt vöruhús í að finna bestu lausnina varðandi úrgangsmál og flokkun.

Terra vill hvetja fólk og fyrirtæki til þess að flokka og endurvinna betur. Úrgangur er ekki bara úrgangur heldur er um verðmæti að ræða sem er mikilvægt að fara vel með og ná honum aftur inn í hringrásarhagkerfið," segir Valgeir og bætir við að Umhverfisverðlaunin séu hvatning til allra að gera betur.

Hlutverk Terra er að vinna með fyrirtækjum, opinberum aðilum og einstaklingum, sem þjónustuaðili og ráðgjafi. Við komum svo að söfnun úrgangs og komum honum í réttan farveg til endurnýtingar og endurvinnslu.

TIL HAMINGJU IKEA ��

Af hverju er mikilvægt að endurvinna?

Fri, 08 Mar 2024 09:02:00 GMT

Af hverju er mikilvægt að flokka og endurvinna?

Þegar auðlindir eins og málmar, olía, matvæli eða annað er af skornum skammti í heiminum er ekki vænlegt að sóa þessum auðlindum með því að grafa þau í jörðu. Besti kosturinn er að koma þeim aftur út í hringrásarhagkerfið.

Því er nauðsynlegt að draga úr neikvæðum umhverfisáhrifum úrgangs með því að draga úr myndun hans, þ.e. með því að nýta hluti vel og forðast einnota hluti. Sé það hins vegar ekki mögulegt er næstbesti kosturinn sá að leggja áherslu á að hluturinn komist í endurvinnslu.

Það er hlutverk okkar að hráefnið sem á uppruna sinn á jörðinni verð nýtt til hið ítrasta í stað þess að ganga sífellt meira á jörðina með því að sækja ný hráefni.

Flest það sem við notum á hverjum degi er hægt að endurvinna. Timbur, plast, gler og pappír missir ekki eiginleika sína þó að við getum ekki lengur nýtt það í sitt upprunalega hlutverk, Málmur er dæmi um eitthvað sem er hægt að margnota án þess að verðmæti þeirra minnki. Pappír er hægt að endurvinna allt að sjö sinnum án þess að hann tapi gæðum.

Þegar kemur að skaðlegum efnum, með öðrum orðum spilliefnum þarf að flokka sérstaklega þar sem þann efnivið er bannað að urða eða brenna. Dæmi um slík efni eru, rafhlöður, olíumálning og lyf. Slíkt þarf að farga á vandasaman hátt.

Terra og KLAK - Icelandic Startups

Mon, 05 Feb 2024 08:30:00 GMT

Terra og KLAK - Icelandic Startups undirrituðu samning um áframhaldandi samstarf vegna viðskiptahraðalsins Hringiðu sem leggur áherslu á lausnir sem stuðla að sjálfbærri þróun og styðja við hringrásarhagkerfið. Við höfum verið bakhjarl síðan 2022 og munum við eiga einn fulltrúa í stýrihópi verkefnisins ásamt því að leggja fram fjármagn í rekstur þess.

Við undirritun samningsins voru Ásta Sóllilja Guðmundsdóttir, framkvæmdastjóri KLAK - Icelandic Startups og forstjóri Terra, Valgeir M. Baldursson.

“Hlutverk Terra er að sækja og koma úrgangi í viðeigandi farveg og sem mestu aftur í hringrásarhagkerfið. Við þurfum sífellt að vera opin fyrir nýjum og betri leiðum til að nýta þær auðlindir sem nú verða að úrgangi. Eitt af megináherslum Terra þegar kemur að sjálfbærni er betri umgengni um jörðina, styðja við hringrásarhugsun og hafa jákvæð áhrif á samfélagið m.a. með því að fjárfesta í nýsköpun í átt að hringrásarhagkerfinu. Því stendur samstarfsverkefnið við Hringiðu okkur afar nærri,” segir Valgeir M. Baldursson, forstjóri Terra.

Markmið Hringiðu er að stuðla að því að á Íslandi rísi öflug sprotafyrirtæki sem byggja á hugmyndafræði hringrásarhagkerfisins, skapa verðmæt og áhugaverð störf og skili árangri í umhverfis- og loftslagsmálum á Íslandi. Þungamiðja Hringiðu felst í skipulögðum vinnustofum og fundum með sérfræðingum úr hópi mentora frá KLAK VMS. Framfarir þátttakenda undir handleiðslu mentoranna skila sér í stórauknum líkum á að sprotarnir á fyrstu stigum nái árangri, íslensku samfélagi til hagsbóta.

“Það er mjög ánægjulegt að fá Terra í áframhaldandi samstarf við KLAK - Icelandic Startups um viðskiptahraðalinn Hringiðu. Terra leggur mikla áherslu á hringrásarhugsun og gangsæi í sínum störfum og vinnur samkvæmt “zero-waste” hugmyndafræðinni. Það er mjög mikilvægt að vera með svo öflugan aðila inn í bakhjarlahóp Hringiðu, bæði hvað varðar sérfræðiþekkingu á vandamálinu og stuðning við sprotana,” er haft eftir Ástu Sóllilju Guðmundsdóttur, framkvæmdastjóra KLAK - Icelandic Startups.

Opnað hefur verið fyrir umsóknir í Hringiðu. Sprotafyrirtæki og nýsköpunarverkefni fyrirtækja og stofnanna sem byggja á hugmyndafræði hringrásarhagkerfisins eru hvött til að sækja um. Umsóknarfrestur er til og með 19. febrúar. Sjá nánar hér

Lyf og lyfjaafgangar

Mon, 22 Jan 2024 09:39:00 GMT

Lyf eru flokkuð sem spilliefni sem skal flokka frá og skila til eyðingar. Einfaldast er að skila þeim í næsta apótek en lyfjaverslanir taka á móti öllum lyfjaafgöngum endurgjaldlaust.

Lyfin skulu tekin úr ytri umbúðum, þ.e. þeim umbúðum sem hafa ekki komist í snertingu við lyfin. Flokka skal þessar ytri umbúðir eftir tegund umbúða sem oftast eru pappír, plast eða gler. Mikilvægt er að skila pilluspjöldum ásamt lyfjunum í næsta apótek. Starfsmenn þar koma þeim svo áleiðis til viðurkenndra móttökuaðila sem fara með þau í örugga eyðingu.

Við í efnamóttöku Terra tökum á móti öllum spilliefnum og förgum þeim á öruggan hátt. Lyfjaafgöngum er í flestum tilvikum eytt í brennslu.

Það er afar mikilvægt að huga að þessu því töluvert af lyfjum berst út í umhverfið með frárennsli hér við land. Rannsókn sem Umhverfisstofnun gerði 2018 leiddi í ljós að fjögur af þeim sextán efnum sem finna má á sérstökum vaktlista Evrópusambandsins fundust í íslensku umhverfi. Þetta eru efni sem eru talin ógn við vatnaumhverfi í Evrópu.

Niðurstöður Umhverfisstofnunar benda til þess að töluvert magn lyfja berist út í umhverfið með frárennsli. Því er mikilvægt að skila inn til apóteka öllum lyfjaafgöngum sem falla til á heimilum svo þeim verði fargað á réttan hátt og spilli ekki umhverfinu.

Sýnt hefur verið fram á að lyf sem komast út í umhverfið geta haft í för með sér neikvæð áhrif á fiska og annað lífríki, t.d. með beinum áhrifum á atferli dýranna sem getur dregið úr möguleikum þeirra til að fjölga sér en einnig geta lyfin kallað fram eitrunaráhrif. Að auki þá geta lyfjaleifar ýtt undir sýklaónæmi.

Frétt Umhverfisstofnunar

Orkan, Terra og jólin

Wed, 10 Jan 2024 09:08:00 GMT

Orkan er ávallt að leita leiða til að stytta viðskiptavinum sínum sporin og aðstoða við flokkun. Okkur hjá Terra finnst ekki leiðinlegt þegar þau hjá Orkunni leita til okkar fyrir svona skemmtileg verkefni þar sem við elskum að flokka.

Þriðja árið í röð buðu þau upp á umbúðagáma á milli jóla og nýárs í samstarfi við okkur. Í ár fóru þau skrefinu lengra og buðu upp á tvo gáma á hverri staðsetningu, einn fyrir plast og annan fyrir pappa/jólapappírinn. Umbúðagámarnir voru staðsettir við Orkuna á Austurströnd, Gylfaflöt, Kleppsvegi, Reykjavíkurvegi og Skagabraut.

Viðskiptavinir þeirra söfnuðu rúmlega 3 tonnum af úrgangi. Viðskiptavinir við Austurströnd og Kleppsveg unnu "flokkunarsnillingar" titilinn en þeir söfnuðu hvað mest í gámana!

Geggjað vel gert og eins og Orkan segir:

Takk fyrir að nýta orkuna til að flokka!

Saman náum við árangri!

Fri, 05 Jan 2024 09:23:00 GMT

Þegar kemur að flokkun úrgangs er mikilvægt að við séum öll upplýst um hvað eigi að fara í hvaða flokk. Til að sem mestur árangur náist er mikilvægt að flokkun úrgangs sé rétt.

Að flokka úrgang rétt tryggir betri árangur þegar kemur að því að koma honum aftur út í hringrásarhagkerfið, til að sá árangur náist þurfum við öll að vera saman í liði.

Hér er nokkur atriði sem við gott er að hafa á bakvið eyrað:

Starfsfólk á að vera upplýst um mikilvægi þess að flokka. Þær upplýsingar er að finna í nýliðakyninngu fyrirtækisins.
Það þarf að vera ábyrgðaraðili meðal starfsmanna hjá fyrirtækinu.
Flokkun á að vera hluti af menningu fyrirtækisins.
Tryggja þarf að öll ílát, inni og úti sér merkt með Fenúr merkingum.
Setjum okkur markmið í að flokka betur og er hægt að fara inn á Mínar síður til að sjá gögn varðandi þann úrgang sem fellur til í starfseminni.
Mælum með að gera reglulegar úttektir og hafa eftirfylgni til að ná betur utan um framgang úrgangsmálsins.
Þegar kemur að innkaupum þá er gott að huga að því að umbúðir séu endurvinnanlegar.

Verum ekki feimin að leiðbeina hvort öðru þegar kemur að flokkun. Við erum komin mislangt í þessu ferli og því hvetjum við ykkur til að benda samstarfsfólki á ef það er eitthvað sem má gera betur.

Hvernig endurnýtum við jólatréð?

Fri, 29 Dec 2023 11:22:00 GMT

Hvernig endurnýtum við jólatré sem búið er að þjóna sýnum tilgangi sem stofustáss og gleðigjafi yfir hátíðirnar?

Hér eru tillögur sem fengnar voru af mbl.is hvernig við getum endurnýtt jólatréð

Notaðu greinarnar í garðinn
Ef garðurinn er ekki á kafi í snjó er tilvalið að klippa trjágreinarnar af við stofninn og nota til að hylja garðplönturnar okkar.

Nýttu næringuna úr nálunum
Fjarlægðu nálarnar af greinunum og notaðu til að bæta jarðveginn í garðinum – garðurinn mun elska það.

Greinar sem eldiviður
Notaðu greinarnar sem eldivið þar sem jólatré brennur ekki síður vel en annar viður og því tilvalið að henda inn í arininn og ylja sér í leiðinni.

Gættu þess bara að grenið sé þurrt – en greni þornar mjög fljótt og því tilvalinn eldiviður.

Gleðjum smáfuglana
Það er nógu erfitt fyrir litlu fuglana að finna sér eitthvað að bíta í þessa dagana. Klipptu niður greinar og hengdu upp utandyra ásamt frækúlum. Bæði þú og fuglarnir munuð njóta og hafa gaman af.

Ert þú með nýársheiti tengt flokkun?

Fri, 29 Dec 2023 10:50:00 GMT

Í byrjun árs eru margir sem einsetja sér að tileinka sér nýja og góða siði.

Hvernig væri að tileinka sér að vera fyrirmyndarflokkari, hvort sem það sé í heima hjá sér, í skólanum eða í vinnunni.

Það er kannski gaman að byrja á því og rifja upp af hverju við erum jú að flokka.

Allar umbúðir og annað sem við notum í okkar daglega lífi er unnið úr hráefni sem eiga sér uppruna í náttúrunni.  Málmar eru unnir úr námum með tilheyrandi jarðraski, til að framleiða  pappír  og  pappa  eru felld tré og  plast  er sem dæmi unnið úr olíu.

Markmiðið með að endurvinna efni er að búa til hringrás sem er gert til að draga úr frumvinnslu hráefni og minnka þar með það álag sem skapast á auðlindir jarðar.  Með því að flokka vel og vandlega er ekki aðeins verið að koma úrgangi aftur inn í hringrásarhagkerfið heldur er einnig verið að draga úr urðun á úrgangi.  Ástæða þess að við viljum urða sem minnst er að með urðun tapast bæði efni og orka út úr hringrásinni.

Flokkun til endurvinnslu stuðlar að hringrás hráefna og minni auðlinda notkun.

Heimilin í landinu flokka í 4 flokka á meðan fyrirtæki flokka í að lágmarki í 7 flokka.

Heimili

Pappír
Plast
Matarleifar
Blandaðurúrgangur

Fyrirtæki

Pappír
Plast
Matarleifar
Blandaðurúrgangur
Málmur
Gler
Nytjahlutir

Ef einhver vafi er á í hvaða flokk á að setja úrganginn hvetjum við þig til að fara inn á vef Sorpu flokkum.is

Verðbreytingar á eyðingargjöldum munu eiga sér stað um áramót

Mon, 25 Dec 2023 10:30:00 GMT

Verðbreytingar á eyðingargjöldum munu eiga sér stað um áramót og taka þær gildi frá og með 1. janúar 2024.

Verð á eyðingargjöldum breytast í takt við breytingar á afsetningarkostnaði félagsins.

Helstu breytingar á eyðingargjöldum eru samkvæmt neðangreindu:

Suðurland

Blandaður úrgangur verður í 56,50 kr./kg. án vsk.
Óflokkaður grófur úrgangur verður 69,50 kr./kg. án vsk.

Opnunartímar yfir hátíðirnar

Fri, 22 Dec 2023 12:34:00 GMT

Minnum á breytta opnunartíma.

Hér finnur þú upplýsingar um opnunartíma Terra umhverfisþjónustu yfir hátíðirnar.

Þá daga sem eru ekki hér fyrir neðan er hefðbundinn opnunartími.

Orkan og Terra

Thu, 21 Dec 2023 14:00:00 GMT

Þriðja árið í röð býður Orkan viðskiptavinum sínum að koma á valdar stöðvar sínar og tæma plast og pappa í umbúðagáma í samstarfi við okkur hjá Terra .

Í ár verða umbúðagámarnir staðsettir við fimm Orkustöðvar og þar verður hægt að losa pappa og jólapappír í einn gám og plast í annan gám.

Umbúðagámarnir verða opnir dagana 25.- 29. desember frá kl.08:00 -23:00

Umbúðagámarnir verða staðsettir á:

Austurströnd, Seltjarnarnesi
Gylfaflöt, Reykjavík
Kleppsvegi, Reykjavík
Reykjavíkurvegi, Hafnarfirði
Skagabraut, Akranesi

Hvetjum við ykkur til að flokka vel og vandlega til að þetta skili sér sem hreinir straumar aftur út í hringrásarhagkerfið.

Það sem má fara í pappagámin:

Allur gjafapappír og bylgjupappír

EKKI járn (stundum er járn í umbúðum)

Það sem má fara í plast:

Allt umbúðaplast

Frauðplast í litlu magni

Ekki járn (stundum er járn í umbúðum)

�� Við viljum ítreka að pakkaböndin eru flokkuð sem blandaður úrgangur og eiga því ekki að fara í þá gáma sem Orkan er með hjá sér.

Endilega nýtið ykkur þessa frábæru þjónusta Orkunnar

Renndu við og nýttu orkuna til að flokka.

Hvernig endurnýtum við jólatréð?

Tue, 19 Dec 2023 11:22:00 GMT

Hvernig endurnýtum við jólatré sem búið er að þjóna sýnum tilgangi sem stofustáss og gleðigjafi yfir hátíðirnar?

Hér eru tillögur sem fengnar voru af mbl.is hvernig við getum endurnýtt jólatréð

Notaðu greinarnar í garðinn
Ef garðurinn er ekki á kafi í snjó er tilvalið að klippa trjágreinarnar af við stofninn og nota til að hylja garðplönturnar okkar.

Nýttu næringuna úr nálunum
Fjarlægðu nálarnar af greinunum og notaðu til að bæta jarðveginn í garðinum – garðurinn mun elska það.

Greinar sem eldiviður
Notaðu greinarnar sem eldivið þar sem jólatré brennur ekki síður vel en annar viður og því tilvalið að henda inn í arininn og ylja sér í leiðinni.

Gættu þess bara að grenið sé þurrt – en greni þornar mjög fljótt og því tilvalinn eldiviður.

Ertu með ónýtar jólaseríur heima hjá þér?

Mon, 18 Dec 2023 08:15:00 GMT

Ertu með ónýtar jólaseríur heima hjá þér?

Við viljum minna ykkur á mikilvægi þess að skila þeim í endurvinnslustöðvar í þar til gerð ílát sem eru fyrir lítil raftæki.

Ónýtar jólaseríur eiga alls ekki að flokka sem blandaður úrgangur.

Ljósaseríur flokkast sem raftæki eins og annar búnaður sem knúinn er rafmagni.

Á söfnunarstöðvum sveitarfélaga er venjulega kar eða tankur fyrir þennan flokk en á höfuðborgarsvæðinu og víðar sjá starfsmenn stöðvanna um móttöku og flokkun raftækja.

Ljósaseríur eins og önnur lítil raftæki eru sendar úr landi til endurvinnslu. Móttökuaðili sendir tækin í gegnum vinnslulínu þar sem þau eru tætt niður í smáar efnisflögur sem síðan fara í gegnum vélræna flokkun.

Sú flokkun aðskilur gler, málma og plast og þessir efnisstraumar eru síðan sendir áfram til endurvinnslu hjá fyrirtækjum sem eru sérhæfð hvert í sínum flokki.

Terra Efnaeyðing sameinast Terra umhverfisþjónustu hf

Thu, 14 Dec 2023 12:25:00 GMT

Ákveðið hefur verið að sameina félagið Terra Efnaeyðing, kt: 691298-2729 við móðurfélagið Terra Umhverfisþjónustu, kt: 410283-0349.

Kennitala Terra Efnaeyðingar verður óvirk frá og með 15. desember næstkomandi.

Við óskum eftir því að frá og með föstudeginum 15. desember berist allir reikningar frá ykkur á Terra Umhverfisþjónustu í stað Terra Efnaeyðingar.

Eftir 15. desember munum við ekki geta móttekið reikninga á kennitölu Terra Efnaeyðingar.

Ekki er gert ráð fyrir neinum breytingum í samskiptum eða greiðslum til ykkar við þessa tilfærslu. Þess má einnig geta að sömu aðilar koma að bókun, greiðslu og samskiptum við birgja.

Frá og með áramótum mega fyrirtæki á Suðurlandi ekki nota sterkjupoka/maíspoka undir matarleifar.

Tue, 12 Dec 2023 12:54:00 GMT

Við viljum minna viðskiptavini okkar á að frá og með áramótum mega fyrirtæki á höfuðborgarsvæðinu, Vesturlandi, Reykjanesi og Suðurlandi ekki nota sterkjupoka/maíspoka undir matarleifar.

Sorpa mun ekki taka á móti matarleifum nema þær séu í bréfpokum sem brotna betur niður og festast ekki í vélbúnaði GAJA, sem er gas- og jarðgerðarstöð í rekstri Sorpu.

Á vef okkar, terra.is má sjá þær lausnir sem við erum að bjóða upp á þessa stundina.

Pokar , grindur og trekt .

Saman náum við árangri!

Úrgangur tengdur jólamánuðinum

Tue, 05 Dec 2023 11:18:00 GMT

Í desember mánuði fellur til úrgangur sem alla jafnan er ekki hina mánuði ársins.

Við hjá Terra umhverfisþjónustu tókum saman helstu úrgangs tegundir og viljum deila því með ykkur hvernig sé best að flokka þá til að ná hreinum straumum frá heimilum og fyrirtækjum sem skilar sér aftur inn í hringrásarhagkerfið.

Mandarínukassar �� Umbúðartimbur

Plastumbúðir �� Plast

Pakkabönd �� Blandaður úrgangur

Leikföng úr plasti �� Blandaður úrgangur

Stjörnuljós (notuð) �� Málmur

Jólagjafapappír �� Pappír

Jólatré �� Trjágreinar

Jólaseríur (ónýtar) �� Raftæki

Flugeldar (notaðar) �� Blandaður úrgangur

Flugeldar (ónotaðar) �� Spilliefni

Verðbreytingar

Wed, 29 Nov 2023 09:02:00 GMT

Verðbreytingar munu eiga sér stað frá og með 1. desember á öllum starfssvæðum félagsins.

Leiga á ílátum hækkar um 3,5%

Losanir hækka um 3,5%

Metan bílar Terra

Wed, 06 Sep 2023 13:50:00 GMT

Hvar enda þín raftæki?

Wed, 09 Aug 2023 12:19:00 GMT

Terra umhverfisþjónusta safnar og tekur við raftækjaúrgangi og kemur honum í réttan farveg. Í ónýtum og úreltum raftækjum leynast bæði verðmæti sem ekki er gott að fari forgörðum og spilliefni sem við viljum ekki fá út í umhverfið. Þess má einnig geta að slík spilliefni geta einnig valdið íkveikju blandist þau við ákveðin efni.

Staðreyndin er hins vegar sú að smærri raftæki eiga það til að lenda í almennu rusli vegna smæðar sinnar og vegna þess að ekki hafa allir hugann við eða hugmynd um hvað er rétt í þessum efnum. Það er einnig líklegt að slík tæki leynist í skúffum og skápum landsmanna, engum til gagns.

Hvað er raftækjaúrgangur?
Undir raftækjaúrgang flokkast allskyns tæki og tól, þar á meðal lítil tæki sem ganga fyrir rafhlöðum.

Í þennan flokk getum við fellt:

farsíma
tónhlöður
fjarstýringar
litlar myndavélar
rafmagnstannbursta
vekjaraklukkur
úr
rafrettur
handfrjálsar tölvumýs
bluetooth-búnað
hitamæla (t.d. kjöthitamæla)
veglykla
bílskúrshurðaopnara
vasaljós
reiknivélar

... og margt fleira.

Í mörgum tilfellum fylgja rafhlöður litlum raftækjum, með tilheyrandi mengun. Með því að henda þessum og öðrum raftækjum með almenna sorpinu, bæði mengum við umhverfið og hindrum eðlilega og sjálfsagða endurvinnslu.

Hvað er best að gera?
Þægilegast og best að fara með raftækjaúrgang á næstu gámastöð, eða í spilliefnamóttöku eins og Terra Efnaeyðingu. Einnig má skila þeim til raftækjaverslana.

Rafhlöðutunnur er einnig að finna t.d. á bensínstöðvum N1 og Skeljungs, 10-11, Hagkaup, Elko, BYKO, Húsasmiðjunni og Bauhaus.

Hvað gerist svo?
Þegar raftækin eru komin í okkar hendur flokkum við í sundur tæki og rafhlöður og komum hvoru tveggja í viðeigandi meðhöndlun og endurvinnslu. Rafhlöðurnar fara til Frakklands þar sem þær eru flokkaðar eftir efni í kolarafhlöður, nikkel-kadmium, liþíum, nikkel-metal hydride og kvikasilfur. Síðan fer hver flokkur í tætingu og aðgreiningu einstakra efna rafhlöðunnar. Að lokum er málmunum komið aftur í hringrásina.

Smáu raftækin eru send til endurvinnsluaðila í Svíþjóð. Þar eru aðgreindir og endurheimtir málmar og plast og allt nýtanlegt efni fer síðan inn í framleiðsluhringrásina

Höfundur greinar er Jón H. Steingrímsson framkvæmdastjóri Terra Efnaeyðingar.

Verðbreytingar sem taka gildi 1. ágúst

Mon, 31 Jul 2023 13:57:00 GMT

Verðbreytingar munu eiga sér stað frá 1. ágúst n.k. á eyðingargjöldum á öllum starfssvæðum félagsins.

Helstu verð á eyðingargjöldum má finna hér að neðan en önnur verð eru samkvæmt verðskrá félagsins.

Almennur blandaður úrgangur verður:

- Suðurland 52,65 kr./kg. án vsk.
- Norðurland 30,61 kr./kg. án vsk.
- Vesturland 30,41 kr./kg. án vsk.
- Snæfellsnes 34,70 kr./kg. án vsk.

Óflokkaður grófur úrgangur

- Suðurland 69,50 kr./kg. án vsk.
- Norðurland 50,14 kr./kg. án vsk.
- Vesturland og Snæfellsnes 56,55 kr./kg. án vsk.

Matarleifar (lífrænn heimilisúrgangur)

- Suðurland 35,00 kr./kg. án vsk.
- Norðurland 30,70 kr./kg. án vsk.
- Vesturland 39,29 kr./kg. án vsk.
- Snæfellsnes 43,57 kr./kg. án vsk.

Bylgjupappi 4,00 kr./kg. án vsk.

Blandað umbúðaplast 33,92 kr./kg. án vsk.

Blandaður pappír og pappi 30,00 kr./kg. án vsk.

Eldur kviknaði í stálgrindarhúsi Terra umhverfisþjónustu

Tue, 25 Jul 2023 08:47:00 GMT

Við urðum fyrir því óláni að eldur kviknaði í stálgrindarhúsi Terra umhverfisþjónustu við Berghellu í Hafnarfirði klukkan fjögur í nótt.

Enginn var inni í húsinu þegar eldurinn kviknaði og sem betur fer enginn slys á fólki.

Við erum þakklát fyrir hversu vel slökkvistarfið hefur gengið vel �� og eldurinn breiddist ekki í samtengdar byggingar.

Viljum þakka slökkviliðinu sérstaklega fyrir frábæra vinnu af þeirra hálfu ��

Eldsupptök ekki liggja fyrir.

Bruninn mun ekki hafa áhrif á starfsemi okkar.

Söfnun og ráðstöfun á fernum á vegum Terra umhverfisþjónustu

Wed, 12 Jul 2023 10:54:00 GMT

Í tilefni af umfjöllun Heimildarinnar 2. júní sl. um afdrif ferna sem safnað er á Íslandi viljum við hjá Terra umhverfisþjónustu koma eftirfarandi á framfæri:

Terra umhverfisþjónusta hefur mörg undanfarin ár sinnt söfnun á Tetrapak umbúðum með tvenns konar hætti. Annars vegar með sérsöfnun frá heimilum og hins vegar með því að safna Tetrapak-umbúðum í blandaðri pappírssöfnun. Í síðara tilvikinu eru Tetrapak-umbúðirnar flokkaðar frá blandaða pappírnum í vélrænni flokkun.

Allt Tetrapak efni er svo sent sem hreinn efnisflokkur til hollenska endurvinnslufyrirtækisins Peute Papier Recycling sem staðfestir móttökuna. Það er síðan grundvöllur Úrvinnslusjóðs til greiðslu fyrir úrvinnsluna.

Móttökuaðili okkar, Peute, hefur staðfest við okkur að efnið hafi verið sent pappírsendurvinnslum og framvísað undirrituðum flutningsskjölum til marks um það. Í pappírsendurvinnslunum er endurheimt eins mikið af pappírsinnihaldi fernanna og frekast er mögulegt. Við höfum það staðfest að endurvinnsluhlutfallið sé yfir 70% og að úr hráefninu sé framleiddur pappír. Það sem eftir stendur er nýtt til orkuframleiðslu og í sumum tilvikum til framleiðslu á þakplötum. Að gefnu tilefni, með hliðsjón af framansögðu, vísum við því á bug að fernur sem safnað er á Íslandi af Terra umhverfisþjónustu séu sendar til brennslu á meginlandi Evrópu.

Vel gert Nói Siríus!

Wed, 05 Jul 2023 10:22:00 GMT

Vel gert Nói Siríus!

Við fengum fregnir af því að Nói Siríus væri í þeirri vegferð að merkja allar umbúðir sínar með merkingum Fenúr sem ætlað er að auðvelda neytendum að flokka umbúðir rétt.

Við vorum svo uppnumin yfir þessum fréttum að við ákváðum að heyra í þeim og fræðast meira um þessa vegferð þeirra.

Fyrst langaði okkur að vita hvað kom til þess að þau ákváðu að fara í þessa vegferð og kom þá í ljós að þau hafa horft til þess í nokkurn tíma að bæta endurvinnslumerkingarnar þar sem þeim finnst rétt flokkun mikilvæg og að umbúðir frá þeim rati aftur inn í hringrásarhagkerfið. Þau sáu Fenúr merkingarnar fyrst birtast á öðrum Norrænum vörum og fannst þeim þær algjörlega fanga það sem þau voru að leita að, einfaldar og skýrar merkingar sem fólk á öllum aldri getur skilið. Þegar það lá fyrir að nýju flokkunartunnurnar yrðu merktar með þeim merkingum þá var það algjörlega borðleggjandi hjá þeim að bæta þeim við.

Við spurðum þau hvort þau væru með markvissa stefnu varðandi endurbætur á umbúðum til að auðvelda endurvinnslu þeirra. Það lá ekki á jákvæðu svari frá þeim þar og sögðust þau hafa verið að taka slík skref og væru hvergi nærri hætt. Hingað til hafi þau gert mestar úrbætur þegar kemur að páskaeggjaframleiðslunni en þau hafa fjarlægt nánast allt plast innan úr eggjunum, valið skraut sem hægt var að neyta í stað plasts og gert verulegar úrbætur á kössum utan um eggin. Bara þessi eini vöruflokkur hefur sparað helling af umbúðum. Nokkur ár eru síðan þau færðu allar súkkulaðiplöturnar úr plasti í pappa sem skilaði mjög miklu. Þar sem þau eru matvælaframleiðendur standa þau frammi fyrir flóknu samspili umbúða og vörugæða því rangar umbúðir geta þýtt meiri matarsóun, sem einnig er mikið vandamál. Þau eru því að huga vel að öllum breytingum er varðar vörunar þeirra.

Fyrstu vörunar sem munu vera merktar með Fenúr merkingum eru að koma úr framleiðslu hjá þeim þessa stundina og má búast við að sjá þær í hillum á næstu vikum.

Þar sem þau eru með afar mörg vörunúmer mun ferlið taka þau 1-2 ár að innleiða allar merkingarnar að fullu, sem er mjög eðlilegur tími því að þau vilja ekki henda núverandi umbúðum sem þau eiga á lager bara til að setja merkingarnar á, slíkt væri sóun.

Þar sem við viljum hvetja öll fyrirtæki á Íslandi til að nýta sér þessar merkingar Fenúr þá vorum við forvitin að vita hvort þetta væri kostnaðarsamt verkefni. Þau bentu réttilega á að það væri frítt fyrir fyrirtæki að nýta sér merkingar Fenúr en að það væri hönnunarkostnaður sem félli til við að setja þær inn á allar umbúðirnar. Einnig þarf gott teymi af fólki til að lesa yfir og tryggja að allar nýjar umbúðir beri Fenúr merkingar.

Vonandi munu þessar upplýsingar af vegferð Nóa Siríus vera hvatning fyrir fleiri fyrirtæki á Íslandi til að fara í vegferð sem þessa.

Á vef Fenúr finni þið allar helstu upplýsingar um þessar merkingar og getið nálgast hönnunarstaðla og merki fyrir hvern og einn endurvinnsluflokk.

Verðbreyting á bylgjupappa

Thu, 29 Jun 2023 10:36:00 GMT

Eins og áður hefur komið fram þurfum við að endurskoða einhverja af okkar flokkum mánaðarlega vegna óvissu og breytingar á mörkuðum fyrir endurvinnsluhráefni

Hér að neðan eru helstu breytingar á eyðingargjöldum sem taka gildi frá og með 1. júlí.

Verðin á bylgjupappa lækkar í 4,0 kr.

Endurvinnslutunnan sótt á næstunni

Wed, 14 Jun 2023 10:28:00 GMT

Nýtt fyrirkomulag úrgangshirðu verður tekið upp á næstunni.

Nýju ílátin verða keyrð út og eiga öll heimili á höfuðborgarsvæðinu að vera komin með rétt ílát í lok september. Nánari upplýsingar um dreifingu má nálgast á vef hvers sveitarfélags fyrir sig eða á vef Sorpu.

Hringrásarlögin kalla á breytingar í úrgangshirðumálum og er sveitarfélögum skylt að skaffa ílát við húsvegg fyrir eftirfarandi flokka: Blandaðan úrgang, pappír og pappa, plastumbúðir og matarleifar. Matarleifum verður að safna í sérstaka bréfpoka sem passa í körfur sem dreift er með nýju ílátunum.

Við hjá Terra umhverfisþjónustu munum sækja endurvinnslutunnuna á næstunni.

Þeir sem hafa ekki fengið rétt ílát til flokkunar þurfa að fara á grenndarstöðvar með plast og pappír/pappi tímabundið.

Við hvetjum ykkur til að kynna ykkur nýja flokkunarkerfið á vef flokkum.is

Saman náum við árangri

Skiljum ekkert eftir

Hvað verður um fernurnar!

Fri, 02 Jun 2023 15:35:00 GMT

Hjá Terra umhverfisþjónustu eru svokallaðar Tetra Pak umbúðir svo sem fernur og fleira flokkað frá öðrum pappír og flutt til endurvinnslufyrirtækisins Peute Recycling í Hollandi.

Peute kemur efninu í sérstaka tetrapak endurvinnslu sem sannanlega hefur starfsleyfi til slíks rekstrar.

Við höfum staðfestingu frá Peute að þau fyrirtæki sem hafa tekið Tetra Pak frá Terra umhverfisþjónustu til endurvinnslu eru:

Raubling Papier GmbH, Rosenheimer Straße 37, 83064, Raubling, Deutschland (via Veolia Dresden)
Fabryka Papieru i Tektury Beskidy Sp. Z o.o., Ul. Chopina 1 Pl -34-100 Wadowice, Poland.

Hvernig flokkum við rafrettur og hleðslurafhlöður?

Thu, 01 Jun 2023 15:05:00 GMT

Flestar rafrettur eru fjölnota en mikilvægt er að flokka þær rétt þegar notkun þeirra er lokið. Rafrettur eru raftæki og ber að flokka með öðrum smærri raftækjum.

Mjög mikilvægt er þó að fjarlægja fyrst rafhlöðuna og flokka hana með öðrum rafhlöðum .

Einnota rafrettur eru einnig með rafhlöðu en hana er ekki hægt að fjarlægja með góðu móti og því er best að setja rafrettuna í heilu lagi með rafhlöðum.

Rafhlaðan í rafrettu er Lithium hleðslurafhlaða líkt og gildir um flest önnur raftæki sem nýta endurhlaðanlegar rafhlöður. Þessar rafhlöður skapa mikla hættu séu þær ekki settar í réttan farveg. Séu þær t.d. settar með raftækjum, pappa eða almennum úrgangi eru tölvuverðar líkur á að þær geti valdið eldsvoða. Ástæðan er sú að rafhlöðurnar geta skaðast við vélræna meðhöndlun og ef það kemst síðan að þeim vatn eða raki verður efnahvarf sem skapar bruna.

Hjá Terra hafa átt sér stað tveir minniháttar eldsvoðar í endurvinnsluhúsi Terra sem rekja má til þess að hleðslurafhlöður bárust í endurvinnslutunnu og í almennum úrgangi.

Hér má sjá rafhlöður sem voru flokkaðar með pappa og ollu minniháttar bruna.

Umhverfisverðlaun Terra 2022

Fri, 28 Apr 2023 13:25:00 GMT

Umhverfisverðlaun Terra 2022

Á degi umhverfisins voru veitt Umhverfisverðlaun Terra fyrir árið 2022.

Gunnar viðskiptastjóri og Valgerður forstöðumaður viðskiptadeildar hjá Terra afhendu Heiðdísi Búadóttur umhverfisstjóra Eyktar verðlaunin í höfuðstöðvum Eyktar.

Eykt ehf hlaut umhverfisverðlaun Terra 2022 fyrir framúrskarandi, markvissan og eftirtektarverðan árangur og ábyrga stefnu í umhverfismálum.

Nú um síðastliðin áramót tóku í gildi lagabreytingar sem skikka fyrirtæki til að flokka úrganga í 7 flokka, en þess má geta að hjá Eykt þurfti enga lagabreytingu til að bæta flokkun þar sem þau hafa verið til fyrirmyndar hvað varðar þennan málaflokk. Úrgangsstjórnun Eyktar er til fyrirmyndar og starfar fyrirtækið auk þess eftir ISO9001 gæðastaðli. Eykt hefur náð þeim frábæra árangri að ná endurvinnsluhlutfallinu í rúmlega 90% og er markmið þeirra að ná enn betri árangri á árinu.

Umhverfisverðlaunin er hvatning til að gera betur. Hlutverk Terra er að vinna með fyrirtækjum, opinberum aðilum og einstaklingum, sem þjónustuaðili og ráðgjafi. Við komum svo að söfnun úrgangs og komum honum í réttan farveg til endurnýtingar og endurvinnslu.

Til hamingju Eykt ehf. með Umhverfisverðlaun Terra og frábæran árangur.

Skiljum ekkert eftir!

Stóri plokkdagurinn

Thu, 27 Apr 2023 11:10:00 GMT

Stóri plokkdagurinn verður haldinn núna á sunnudaginn, 30. apríl. Er þetta í sjötta sinn sem þessi dagur er haldinn hátíðlegur. Hvetjum við, hjá Terra umhverfisþjónustu sveitarfélög, vinnustaði, skóla, nágranna og fjölskyldur að taka þátt í þessum frábæra degi sem er góð áminningu um hversu mikilvægt er að ganga vel um náttúru okkar.

Viljum við benda ykkur á mikilvægi þess að vera með glæra poka þegar þið eru að plokka til að auðvelda alla endurvinnslu á þeim efnum og þar með koma þeim í réttan farveg. Til að gera enn betur, hvetjum við ykkur til að vera með tvo poka og setja plast í sér poka.

Hægt er að fara með pokana á þjónustustöðvar Sorpu sem eru opnar á Stóra plokkdeginum til klukkan 16:00, einnig eru vinir okkar hjá Orkunni með ílát frá okkur í Terra umhverfisþjónustu þar sem þeir munu taka fagnandi á móti öllum plokkurum.

Þær stöðvar sem Orkan eru með þar til gerð ílát eru:

Kleppsvegi, Reykjavík
Suðurfelli, Reykjavík
Hæðarsmára, Kópavogi
Suðurströnd Seltjarnarnesi

Frekari upplýsingar um Stóra plokkdaginn er að finna á vef Plokk

Verðbreyting 1. maí 2023

Wed, 26 Apr 2023 18:55:00 GMT

Verðbreyting tekur gildi frá og með 1. maí 2023

Breytingar eru þær að leiga á ílátum og kostnaður vegna losana mun hækka um 4,0%.

Engar breytingar munu vera á eyðingargjöldum frá fyrri mánuði.

Þrír nýjir metanbíla

Tue, 25 Apr 2023 09:08:00 GMT

Við hjá Terra umhverfisþjónstu höldum áfram að vinna markvisst í að gera okkur enn umhverfisvænni.

Í síðustu viku tókum við hjá Terra umhverfisþjónustu á móti þremur nýjum Scania P340 metan krókheysisbílum. Um er að ræða nýjustu kynslóð metanbíla sem eru enn umhverfisvænni og hagkvæmari en eldri gerðir. Þeir eru með 9 lítra vél sem skilar 340 hestöflum með tog allt frá 1350Nm upp í 20000 Nm, sem gerir þessi tæki gríðarlega öflug.

Þessi kaup koma heim og saman við stefnu Terra umhverfisþjónustu um að minnka kolefnisfótspor, ásamt því eru þessi bílar mun hljóðlátari sem dregur verulega úr hljóðmengun. Þessir bílar koma til með að sinna endurvinnslutöðvum Sorpu á höfuðborgarsvæðinu og leysa því af dísel knúna bifreiðar sem þar voru til staðar.

Verðbreytingar sem taka gildi 1. apríl 2023

Thu, 30 Mar 2023 14:22:00 GMT

Eins og áður hefur komið fram þurfum við að endurskoða einhverja af okkar flokkum mánaðarlega vegna óvissu og breytingar á mörkuðum fyrir endurvinnsluhráefni

Hér að neðan eru helstu breytingar á eyðingargjöldum sem taka gildi frá og með 1. apríl.

Pappi og pappír 27 kr/kg án vsk

Fyrirtæki mega áfram nota BioBag

Wed, 29 Mar 2023 12:47:00 GMT

Fyrirtæki mega áfram nota BioBag

Ólíkt heimilum á höfuðborgarsvæðinu þá þurfa fyrirtæki ekki að skipta yfir í bréfpokana. Þau mega áfram nota BioBag pokana undir lífrænan úrgang. Pokar þessi eru lífrænir maíspokar sem eyðast við jarðgerð á nokkrum vikum.

Terra umhverfisþjónusta verslar pokana af BioBag sem er leiðandi fyrirtæki í framleiðslu og markaðssetningu á lífrænum og niðurbrjótanlegum vörum. Maíspokarnir frá þeim sem Terra umhverfisþjónusta býður upp á auðveldar flokkun fyrirtækja á matarleifum og stuðla að umhverfisvernd.

Sjá vöruúrval okkar hér

Breyting á símatíma þjónustuvers

Tue, 28 Feb 2023 12:35:00 GMT

hafa samband

mínar síður

Mögulegar truflanir á þjónustu!

Tue, 21 Feb 2023 15:39:00 GMT

Kæri viðskiptavinur,

Yfirstandandi verkfall Eflingar og takmörkun á dreifingu eldsneytis kann að hafa áhrif á þjónustu okkar hjá Terra Umhverfisþjónustu.

Við höfum undirbúið okkur eins vel og hægt er en vegna þessara óviðráðanlegu aðstæðna biðjumst við velvirðingar á þeim truflunum sem geta orðið.

Með bestu kveðju,

Starfsfólk Terra Umhverfisþjónustu

Verðbreytingar sem taka gildi 1. febrúar 2023

Tue, 31 Jan 2023 16:20:00 GMT

Eins og áður hefur komið fram þurfum við að endurskoða einhverja af okkar flokkum mánaðarlega vegna óvissu og breytingar á mörkuðum fyrir endurvinnsluhráefni

Hér að neðan eru helstu breytingar á eyðingargjöldum sem taka gildi frá og með 1. febrúar.

Bylgjupappi 6,45 kr/kg án vsk
Pappi og pappír 20 kr/kg án vsk
Blandað plast 32 kr/kg án vsk

Nýr vefur Terra Eininga

Fri, 06 Jan 2023 13:29:00 GMT

Terra Einingar, dótturfélag Terra umhverfisþjónustu, hefur sett nýjan og glæsilegan vef í loftið. Terra Einingar er leiðandi fyrirtæki í einingalausnum, hvort sem um er að ræða skólastofur, leikskóla, skrifstofur, vinnubúðir, gistieiningar ásamt geymslueiningum.

Á vefnum má sjá allar lausnir sem í boði eru ásamt myndir af verkefnum og ýmislegt fleira.

Nýr vefur Terra Eininga

Mannauðshugsandi fyrirtæki 2022

Tue, 03 Jan 2023 12:53:00 GMT

Terra umhverfisþjónusta er á meðal leiðandi íslenskra fyrirtækja sem uppfylla ströng skilyrði HR Monitor til að vera útnefnt Mannauðshugsandi fyrirtæki árið 2022.

Til að vera meðal leiðandi íslenskra fyrirtækja sem uppfylla ströng skilyrði HR Monitor til að vera útnefnd Mannauðshugsandi fyrirtæki þarf að hafa á 12 mánaða tímabili keyrt mannauðsmælingar meðal allra starfsmanna fyrirtækisins í hverjum ársfjórðungi eða frá fjórum til tólf sinnum á líðandi ári. Upplýst starfsmenn reglulega um niðurstöður mannauðsmælinga og árangur fyrirtækisins. Ásamt því að veita stjórnendum yfirsýn yfir árangur sinna sviða, deilda og hópa. Með þessu móti er sýnt í verki að mannauður fyrirtækisins skiptir miklu máli.

Svona endurnýtir þú jólatréð

Tue, 03 Jan 2023 09:04:00 GMT

Á vef MBL má finna góð ráð um hvernig endurnýta megi jólatréð að notkun þess lokinni.

Notaðu greinarnar í garðinn
Ef við værum ekki á kafi í snjó þessa dagana væri tilvalið að klippa trjágreinarnar af við stofninn og nota til að hylja garðplönturnar okkar.

Nýttu næringuna úr nálunum
Fjarlægðu nálarnar af greinunum og notaðu til að bæta jarðveginn í garðinum – garðurinn mun elska það.

Greinar sem eldiviður
Notaðu greinarnar sem eldivið þar sem jólatré brennur ekki síður vel en annar viður og því tilvalið að henda inn í arininn og ylja sér í leiðinni. Gættu þess bara að grenið sé þurrt – en greni þornar mjög fljótt og því tilvalinn eldiviður.

Verðbreytingar taka gildi 1.janúar 2023 á Norðurlandi

Fri, 30 Dec 2022 00:00:00 GMT

Verðbreytingar munu eiga sér stað um áramót og taka þær gildi frá og með 1. janúar 2023. Helstu verðbreytingar eru þær að leiga á ílátum mun hækka um 5,1%, kostnaður vegna losana mun hækka sömuleiðis um 5,1% og eyðingargjöld munu breytast í takt við breytingar á afsetningarkostnaði félagsins. Helstu breytingar á eyðingargjöldum eru samkvæmt neðangreindu:

Almennur blandaður úrgangur verður í 27,5 kr./kg. án vsk.
Óflokkaður grófur úrgangur verður 42,0 kr./kg. án vsk.
Matarleifar (lífrænn heimilisúrgangur) verður 29,0 kr./kg. án vsk.
Hætt verður að greiða fyrir bylgjupappa

Opnunartímar um jól og áramót

Tue, 20 Dec 2022 11:41:00 GMT

Hér má sjá opnunartíma endurvinnslustöðva í umsjón Terra umhverfisþjónustu um landið allt :

Akranes

31/12. 10-14

Hlíðarvellir
23/12. 8-17
24/12. lokað
25/12. lokað
26/12. lokað
27/12. 8-17
28/12. 8-17
29/12. 8-17
30/12. 8-17
31/12. lokað
1/1. lokað
2/1. 8-17

Gámavöllur / Réttarhvammi ( Akureyri )
23/12. 13-18
24/12. lokað
25/12. lokað
26/12. 13-17
27/12. 13-18
28/12. 13-18
29/12. 13-18
30/12. 13-18
31/12. lokað
1/1. lokað
2/1. 13-18

Dalvík
24/12. lokað
26/12. 13-15
31/12. lokað
2/1. 15- 17:30

Eyjafjörður / Hrafnagil
24/12. lokað
31/12. lokað

Blönduós
24/12. lokað
26/12. 13-15
31/12. lokað

Skagaströnd
24/12. lokað
27/12. 14-17
31/12. lokað

Stórutjarnir
24/12. lokað
31/12. lokað

Mývatn
24/12. lokað
31/12. lokað

Tryggjum gott aðgengi að söfnunarílátum

Mon, 19 Dec 2022 12:13:00 GMT

Vegna slæmrar færðar er seinkun á þjónustunni okkar víða um landið og biðjum við afsökunar á því. Við minnum á mikilvægi þess að tryggja gott aðgengi að söfnunarílátum svo að þjónustan gangi hraðar fyrir sig.

Hvað vilt þú að Terra umhverfisþjónusta leggi áherslu á í sjálfbærnismálum?

Mon, 12 Dec 2022 15:30:00 GMT

Við hjá Terra umhverfisþjónustu erum að móta okkur sjálfbærnistefnu fyrir fyrirtækið og erum um þessar mundir að móta áherslur fyrir sjálfbærnistefnuna. Við viljum gjarnan vita hvar ykkur finnst mikilvægast að Terra leggi áherslur varðandi umhverfismál, félagsþætti og stjórnarhætti (UFS). Ykkar álit mun hafa markverð áhrif á okkar vinnu við að þróa og bæta sjálfbærni í rekstrinum.

Við værum því þakklát ef þið, sem lykilhagsmunaaðilar, gætuð svarað nokkrum spurningum í stuttri rafrænni könnun fyrir lok mánudagsins 19. desember. Áætlað er að það taki um 10 mínútur að svara könnuninni.

Taka þátt í könnun

English:

Terra is setting a sustainability policy that will guide our sustainability work forward. As a part of this process, we would appreciate your input as a key stakeholder on what you consider relevant for Terra to focus on in terms of environmental issues, social issues and governance (ESG). We will build upon this work to develop and improve our sustainability efforts in our operations.

Therefore, we would appreciate if you could answer the survey before the end of Monday, the 19th of December. It is estimated that it will take about 10 minutes to answer the survey.

Participate in survey

Djúpgámar við nýtt fjölbýlishús

Mon, 12 Dec 2022 12:20:00 GMT

Hvernig á að flokka jólaseríur?

Tue, 06 Dec 2022 13:33:00 GMT

Ónýtar jólaseríur eiga alls ekki að enda í gráu tunnunni. Þeim á að skila á endurvinnslustöðvar í sérstök ílát fyrir seríur eða flokka með öðrum raftækjum.

Terra og Baggalútur í samstarf

Tue, 15 Nov 2022 12:56:00 GMT

Tékkneski myndlistamaðurinn Krištof Kintera ,mun hanna og reisa sviðið á jólatónleikum Baggalúts í Háskólabíói. Verkið verður unnið í samstarfi við Terra, sem leggur listamanninum til hráefni en Krištof er þekktur fyrir að nota hluti sem hefur verið fleygt eða fargað í sinni listsköpun, oft raftæki.

Verk hans kveikja gjarnan hugrenningar um ýkta neyslumenningu, sóun, ágang á auðlindir jarðar og stöðu mannfólks í umhverfi sem fer hratt hnignandi þrátt fyrir örar tækniframfarir.

Listamaðurinn kemur til Íslands, ásamt föruneyti, síðar í mánuðinum en undirbúningur hefur staðið yfir síðan í sumar. Hann hefur sérstaklega óskað eftir ákveðnum hlutum sem verður safnað í sérmerkta gáma við vesturenda Háskólabíós, á móts við Dunhaga, á laugardag og sunnudag næstkomandi.

Það eru: Þvottavélar, borðlampar, standlampar, gervijólatré, jólaseríur og ryksugur. Þau sem vilja nýta tækifærið og koma fyrrgreindum hlutum í endurnýtingu og sjá þá öðlast nýtt hlutverk á sviði Háskólabíós í desember, eru beðin um að koma þeim snyrtilega fyrir í gámunum. Og kannski mun gamla góða ryksugan þín eða þvottavélin hans afa verða miðpunktur listaverks á heimsmælikvarða.

„Terra umhverfisþjónusta fagnar tækifærinu til að taka þátt í listsköpun þar sem hráefnið er nytjahlutir sem öðlast nýtt hlutverk. Það er mikilvægt að nýta helst allt til fullnustu og skilja ekkert eftir. Það er mjög ánægjulegt að vera þátttakandi í þessu verkefni og við hlökkum mikið til að sjá útkomuna á sviði Háskólabíós,“ segir Líf Lárusdóttir, markaðsstjóri Terra.

Guðmundur Kristinn Jónsson, leiðtogi tónlistar hjá Baggalúti segir: „Hljómsveitin Baggalútur hefur í rauninni verið dugleg við að endurvinna gamla slagara og gefa þeim framhaldslíf sem jólalög - þannig að ef þú pælir í því þá eru þessi fyrri tíma jólalög okkar meira og minna endurvinnsla. Sem er auðvitað frábært. En að því sögðu er afar mikilvægt að við hysjum öll upp um okkur og förum að hugsa um umhverfismál af alvöru. Grínjólatónlistarbransinn er þar ekki undanskilinn. Koma Krištofs Kintera er mikill fengur fyrir Baggalút að sjálfsögðu en ekki síður hvalreki fyrir íslenskt menningarlíf.“

Frétt á vef mbl.is

Fyrirmyndafyrirtæki í rekstri

Wed, 09 Nov 2022 09:36:00 GMT

Keldan í samstarfi við Viðskiptablaðið tekur saman lista á hverju rekstararári yfir þau fyrirtæki sem teljast til fyrirmyndar í rekstri.

Hvað þarf til að teljast til fyrirmyndar?

Rekstrarárin 2021 og 2020 liggja til grundvallar en tekið er tillit til rekstrarársins 2019.
Afkoma þarf að hafa verið jákvæð.
Tekjur þurfa að hafa verið umfram 40 milljónir króna.
Eignir þurfa að hafa verið umfram 80 milljónir króna.
Eiginfjárhlutfall þarf að hafa verið umfram 20%.
Aðrir þættir metnir af Viðskiptablaðinu og Keldunni. Til dæmis skil á ársreikningi og rekstrarform.

Plastflöskur með áföstum skrúftöppum

Mon, 29 Aug 2022 14:43:00 GMT

Plastflöskur þar sem skrúfutapparnir eru áfastir flöskuhálsinum munu hefja innreið sína á íslenskan markað á næstu mánuðum og mega íslenskir neytendur búast við því að sjá þessar flöskur með áföstum tappa á næsta ári.

Meðhöndlun Úrgangs Hjá Terra

Tue, 19 Jul 2022 14:33:00 GMT

Terra hefur metnað fyrir því að skilja ekkert eftir og stór hluti aðgerða Terra hafa með hringrásarhagkerfið að gera. Leitast er við að koma í veg fyrir að auðlindir verði að úrgangi, efnum komið rétt ferli, endurnota, endurframleiða, endurvinna og lágmarka úrgang til urðunnar. Hér á síðunni má sjá með hvaða hætti úrgangsefni flæða í gegnum ferla Terra og hvað verður um þau.

Úrgangsmeðhöndlun Terra

Seinkun á losun á endurvinnslutunnu

Thu, 07 Jul 2022 10:14:00 GMT

Kæri viðskiptavinur, Í augnablikinu er seinkun á losun á endurvinnslutunnu og verið er að aðlaga akstursplan að nýju losunardagatali sem hefst 11. júlí. Ef þú vilt kanna með stöðu á losun hjá þér eða breyta samsetningu íláta á staðnum er best að hafa samband á terra@terra.is og taka fram heimilisfang sem um ræðir. https://www.terra.is/is/heimili/endurvinnsla-i-einni-tunnu Með sumarkveðju, Starfsfólk Terra umhverfisþjónusta

Vestfirðir

Fri, 01 Jul 2022 10:44:00 GMT

Terra umhverfisþjónusta hættir allri starfsemi á Vestfjörðum frá og með 1.júlí 2022. Kubbur tekur við allri starfseminni okkar á svæðinu.

Terra umhverfisþjónusta þakkar fyrir viðskiptin á liðnum árum.

Garðúrgangsgámar í samstarfi við Orkuna

Tue, 21 Jun 2022 10:29:00 GMT

Orkan mun í júní og júlí bjóða uppá gáma fyrir garðaúrgang á fjórum stöðvum sínum á höfuðborgarsvæðinu. Verkefnið er unnið í samstarfi við Terra umhverfisþjónustu en með því vill Orkan einfalda fólki lífið.

Gámarnir eru staðsettir á Suðurströnd, Seltjarnarnesi, við Kleppsveg og í Hraunbæ í Reykjavík og á Reykjavíkurvegi í Hafnarfirði og eru aðgengilegir allan sólarhringinn. Í gámana má einungis fara garðaúrgangur svo sem lauf, gras, greinar, illgresi, blómaafskurður og mold. Engir plastpokar mega fara í gámana.

Breyttur opnunartími á síma

Wed, 13 Apr 2022 12:43:00 GMT

Frá og með miðvikudeginum 20. apríl verður opnunartími á síma frá kl. 9-16 alla virka daga.

Minnum á að hægt er að panta ílát og losanir á vefnum hjá okkur.

Einnig er alltaf hægt að senda okkur fyrirspurn á Hafa samband eða í gegnum netspjall.

Ef um neyðartilfelli er að ræða þá er enn hægt að ná sambandi við neyðarnúmer.

Með von um áframhaldandi gott samstarf.

Nýsköpun forsenda verðmætasköpunar

Tue, 29 Mar 2022 15:41:00 GMT

Opnað hefur verið fyrir umsóknir í Hringiðu, hraðal um nýsköpun í hringrásarhagkerfinu sem er í umsjá KLAK – Icelandic Startups. Í hraðlinum felast skipulagðir fundir, fyrirlestrar og vinnustofur með reyndum frumkvöðlum, fjárfestum og innlendum og erlendum sérfræðingum.

Undir stækkunarglerinu - Blikksmiðja Guðmundar ehf.

Wed, 02 Mar 2022 12:18:00 GMT

Við ætlum að skyggnast bakvið tjöldin hjá viðskiptavinum okkar á árinu og við fengum að heyra sögu Blikksmiðju Guðmundar á Akranesi, sem hefur lagt mikla áherslu á að flokka sinn úrgang og sýna framúrskarandi tölur. Markmiðið með þessum sögum er að kynnast fyrirtækjum sem eru að gera góða hluti og miðla þeirra fróðleik. Þannig deilum við þekkingu. Við fengum Emil Kristmann, framkvæmdastjóra, til að svara nokkrum spurningum um þeirra vegferð.

„Markiðið okkar er í raun að henda engu sem má endurvinna og fá alla til þess að taka þátt. Við höfum alla tíð flokkað málma sem falla til í framleiðslunni okkar en það er gífurlegt magn af alskyns málm tegundum sem ekki er hægt að full nýta hjá okkur. Við vinnum með járn, kopar, ál og ryðfrítt stál. Það var hinsvegar í janúar 2020 sem við tókum næsta skref í flokkun úrgangs með því að flokka pappa og plast frá blandaða sorpinu. Ástæðan fyrir því að við tókum þetta skref var meðal annars sú að flokkun á heimilissorpi var komin á fullt hér í bæjarfélaginu og okkur fannst það mjög einfalt. Svo fórum við að greina hvað það var sem fór í stóra ílátið okkar með blandaða sorpinu og sáum að þetta var að miklu leyti umbúðir utan af aðkeyptu efni og smávöru.“

En hvernig ætli það hafi verið að sannfæra alla starfsmenn um mikilvægi flokkunar og fá þá til þess að breyta sínum venjum?

Aðspurður um ráð fyrir önnur fyrirtæki þá bendir hann á að fyrsta skref fyrirtækja sem ekki flokka sé að sjálfsögðu að fá sér ílát undir endurvinnanlegt efni strax og fylgjast með því fyllast, því þá sést svo vel hvers vegna við erum að þessu. „Það er ekki spurning hvort, heldur hvenær hið opinbera fer að handstýra öllum lögaðilum í áttina að flokkun úrgangs. Hvernig sem það verður gert, þá myndi ég halda að það væri gott að vera undirbúin. Svo er það ákveðið sjónarmið, að það á ekki að bitna á umhverfi okkar allra við við séum í rekstri. Ég trúi því og vona að í framtíðinni verði hluti af rekstarleyfi lögaðila að flokkunarmál séu í lagi og afrakstur mældur.“

Við þökkum Emil fyrir að deila með okkur þeirra sögu, óskum honum og starfsmönnum öllum áframhaldandi góðs gengis og frábæru samstarfi.

Terra tekur þátt í Verk og vit

Tue, 01 Mar 2022 14:27:00 GMT

Stórsýningin Verk og vit verður haldin í fimmta sinn dagana 24.-27. mars 2022 í Íþrótta- og sýningarhöllinni í Laugardal. Verk og vit er frábær vettvangur til að sjá allt það nýjasta í byggingariðnaði, mannvirkjagerð og skipulagsmálum og kynna sér spennandi vörur og þjónustu.

Sýningin er ætluð þeim sem koma að bygginga- og mannvirkjagerð á ýmsum stigum, s.s. sveitarfélögum, verktökum, iðnaðar-, hugbúnaðar- og þjónustufyrirtækjum, menntastofnunum, hönnuðum og ráðgjöfum. Verk og vit er kjörinn vettvangur til að kynna þjónustu og vörur, fjölga viðskiptavinum, efla samband við núverandi viðskiptavini og byggja upp jákvæða ímynd með fræðslu og fróðleik.

Verk og vit hefur verið haldin fjórum sinnum, nú síðast 8.–11. mars 2018. Á sýningunni var slegið nýtt aðsóknarmet þegar um 25.000 gestir sóttu sýninguna í Íþrótta- og sýningarhöllinni Laugardal, þar sem um 110 fyrirtæki, stofnanir og sveitarfélög kynntu vörur sínar og þjónustu.
Um 94% sýnenda sögðust ánægð með sýninguna Verk og vit 2018 í viðhorfskönnun meðal þeirra sem unnin var af Outcome könnunum fyrir AP almannatengsl. Þar kom einnig fram að allir sýnendur telja grundvöll fyrir því að Verk og vit verði haldin aftur.

Terra hefur tekið þátt í Verk og vit, bæði með bás og einnig séð um sorphirðu og söfnun endurvinnsluefna á sýningunni.

Undir stækkunarglerinu - Ferðaþjónusta bænda hf. - Bændaferðir / Hey Iceland

Wed, 02 Feb 2022 14:13:00 GMT

Við ætlum að skyggnast bakvið tjöldin hjá viðskiptavinum okkar á árinu og byrjum hjá Ferðaþjónustu bænda hf, sem hefur um langa hríð flokkað úrgang og sýna frábærar tölur. Markmiðið með þessum sögum er að kynnast fyrirtækjum sem eru að gera góða hluti og miðla þeirra fróðleik. Þannig deilum við þekkingu. Við fengum Berglindi, gæðastjóra, til að svara nokkrum spurningum um þeirra vegferð.

Umhverfisstefna Ferðaþjónustu bænda leit fyrst dagsins ljós í mars 2002 og á sama tíma setti Félag ferðaþjónustubænda upp sína stefnu þar sem félagsmenn voru hvattir til virkrar þátttöku á sviði umhverfismála. Frá upphafi hefur ferðaskrifstofan viljað sýna gott fordæmi og hefur hvatt bæði starfsfólk og félaga til að stunda ábyrga ferðaþjónustu með sjálfbæra ferðaþjónustu að leiðarljósi.

„Eitt af viðfangsefnum okkar frá upphafi er að draga úr mengun með minni verðmætasóun, t.d. með endurnýtingu og endurvinnslu. Sævar Skaptason framkvæmdastjóri er umhverfisþenkjandi að eðlisfari og var því í upphafi pappír, dósir og flöskur flokkaðar sérstaklega og bættust glerkrukkurnar fljótlega við“

Í mörg ár hafa þau á skrifstofunni verið að flokka, pappír, pappa, fernur, bæklinga, blöð, plast og málma. „Þau hjá Terra hafa sinnt okkur mjög vel í gegnum tíðina. Sjálf höfum við farið með gler, spilliefni og raftæki o.fl. sem ekki er þörf fyrir í Sorpu, ýmsir hafa notið góðs af dósum og flöskum og gömul bókhaldsgögn farið í viðeigandi ferli. Þá var það mikið gleðiefni árið 2010 þegar Terra fór að bjóða upp á tunnu fyrir lífrænan úrgang. Þannig gátum við dregið talsvert úr hlutfalli úrgangs sem fer til urðunar og lagt okkar af mörkum við að búa til hina fínustu gróðurmold.“

„ Í ár ætlum við að setja okkur það markmið að ná endurvinnsluhlutfallinu upp í 90%. Við þurfum alltaf að vera á vaktinni og minna hvert annað á að vera dugleg að flokka og skola. Það liggja alltaf einhver tækifæri í að gera betur og þá ekki síst að draga úr úrgangsmyndun sem fylgir öllu því sem kemur inn á skrifstofuna, umbúðir, pappír, ílát undir hreinlætisvörur o.s.frv.

Stór hluti starfsmannahóps Ferðaþjónustu bænda hf. hefur verið með í þessari vegferð frá upphafi, og þá t.d. áttu sér stað mjög nákvæmar mælingar á vatnsnotkun sem allir starfsmenn tóku þátt í. „Það má segja að umhverfismál og þar með talin endurvinnslan sé mörgum eðlislæg, en öll erum við mannleg og stundum kemur jú fyrir að einhver gleymir sér. Það hefur líka verið ánægjulegt hvað hópurinn hefur haldið tryggð við lífrænt að heiman en eftir að hafa tileinkað sér flokkun á lífrænum úrgangi, þá er erfitt að snúa tilbaka. Heimavinna í Covid hefur heldur ekki látið stoppa starfsmenn í að koma við á skrifstofunni til að skila af sér lífrænum úrgangi.“

Ferðaskrifstofan er gæða- og umhverfisvottuð af Vakanum en það er Vottunarstofan Tún sem sér um úttektina og þurfum við að skila inn grænu bókhaldi ár hvert. Með þessarri skráningu felst ekki síður vöktun á því hvernig málin standa og ef einhver frávik eru þá er hægt að bregðast við og setja sér ný markmið. Það hjálpar þeim að fylgjast með sínum árangri á vegferð sem þessari.

Ferðaþjónusta bænda hf. var fyrsti viðskiptavinur Terra sem bauð starfsfólki sínu að koma með lífrænan úrgang frá heimilum á vinnustaðinn. „Þegar við vorum byrjuð að flokka lífræna úrganginn á skrifstofunni, þá höfðu sumir starfsmenn það á orði að það væri skrítið að fara svo heim og henda lífrænum úrgangi í venjulegt heimilisrusl. Það var því tekið fagnandi af starfsmönnum þegar sérmerkt tunna fyrir Lífrænt að heiman var sett upp í okt. 2013. Þeir starfsmenn sem vildu koma með lífræna sorpið sitt að heiman fengu grænt ílát og rúllu af 8 lítra maíspokum og er ennþá sami háttur hafður á í dag.“ Á myndinni hér að neðan má einmitt sjá hana Bryndísi losa sig við sinn lífræna heimilisúrgang.

Það er því ekki óvanalegt að starfsfólkið keyri á milli vinnu og heimilis með lífrænan poka og stundum hefur pokinn fengið far með strætó. Þá hafa komið upp skemmtileg augnablik sem við fengum þau til að deila með okkur:

Þegar maður er að laumast í skjóli nætur (að kvöldi eða um helgar) til að henda í lífrænu tunnuna. Einhvern tímann stoppaði ræstitæknirinn eiginmann starfsmanns og spurði hvað hann væri eiginlega að vilja í ruslatunnurnar! Eiginmaðurinn svaraði: Konan mín er að vinna hér og ég er bara að henda lífræna ruslinu.
Það er ekkert óeðlilegt að fara með lífrænan úrgang út í bíl. Starfsmaður upplýsti um frávik á skráningu á lífrænu sorp fyrir skrifstofuna. Í lok vinnudags hafði hann tekið með sér lífrænan úrgang úr eldhúsinu, en í stað þess að setja hann í tunnuna við húsvegginn, þá setti hann pokann í framsætið á bílnum og hélt svo heim á leið. Viðkomandi fattaði það svo á miðri leið heim að hann væri með óþarfa poka í bílnum.
Skemmtilegasta sagan sem ég hef af lífræna sorpinu okkar er sú þegar ég kom inn á skrifstofuna með lífræna úrganginn minn að heiman og neitaði að losa mig við það í tunnuna. Ástæðan var að ég hafði séð eitthvað lifandi í tunnunni, og því lokað henni strax. Ég vissi ekki hvort þetta var köttur, mús, rotta eða……það var bara eitthvað lifandi. Það varð uppi fótur og fit á skrifstofunni og fólki var mjög brugðið. Einn starfsmaður tók að sér að fara út, mjög vel búin í úlpu með húfu og vettlinga til að athuga/redda málinu. Starfsmaðurinn var kominn hálfa leiðina út þegar það var kallað á eftir honum 1.apríl

Að lokum fengum við Berglindi til að deila með okkur nokkrum ráðum fyrir önnur fyrirtæki sem vilja bæta árangur sinn þegar kemur að flokkun endurvinnsluefna og úrgangs og ekki stóð á svörum:

Við berum öll ábyrgð - það er engin afsökun að gera ekki neitt.
Það leynast örugglega einstaklingar í hópnum sem hafa áhuga á þessum málum og því tilvalið að virkja þann hóp, búið til teymi sem hefur það verkefni að setja fram stefnu og framkvæmdaáætlun í þessum efnum. Skilgreinið verkefni, ábyrgðaraðila og lok einstakra verkefna. Mikilvægt að það sé umhverfisfulltrúi til staðar sem ber ábyrgð á málaflokknum.
Tilvalið að velja Heimsmarkmið nr. 12 – Ábyrg neysla og framleiðsla til að vinna með.
Ef þið vitið ekki hvernig ákveðið rusl á að flokkast, þá má alltaf finna leiðbeiningar á vefnum eða hafa samband við starfsmann hjá Terra. Það hefur reynst okkur vel.
Hvetja til vitundarvakningu innan fyrirtækisins, halda viðburð eða þemaviku/mánuð sem er sérstaklega tileinkaður umhverfismálum/sjálfbærri þróun innan fyrirtækisins.
Engar ruslafötur við skrifborðin, en þess í stað hafa flokkunartunnur nálægt og fá þannig starfsmenn til að vera meðvitaðari um hvert úrgangurinn á að fara í stað þess að henda bara beint í ruslafötuna undir skrifborðinu. Líka ágætis tækifæri til að rétta aðeins úr sér.
Velja fjölnota glös og bolla í stað einnota, sem síðan er þvegið með umhverfisvottuðu uppþvottaefni.
Haldið grænt bókhald og setjið ykkur sjálfbærnimarkmið. Fylgist með frammistöðunni og fagnið litlum sem stórum sigrum!

Við þökkum Berglindi og Ferðaþjónustu bænda hf. kærlega fyrir að deila sögunni sinni og notum tækifærið og óskum þeim til hamingju með frábæran árangur.

Við erum stolt af samstarfinu og við hlökkum til að halda því áfram.

Umhverfismál koma best út í könnun hjá Akureyrarbæ

Wed, 02 Feb 2022 13:11:00 GMT

Gallup kannar árlega viðhorf íbúa gagnvart þjónustu sveitarfélaga og nú liggja fyrir niðurstöður ársins 2021. 20 stærstu sveitarfélögin voru mæld, Akureyrarbær þar á meðal, og er spurt um 12 mismunandi málaflokka.

Sem fyrr koma umhverfismál einna best út hjá Akureyrarbæ sem endurspeglar áherslu sveitarfélagsins á að vera í fararbroddi á því sviði. Að þessu sinni var spurt sérstaklega um ýmsa þætti umhverfismála, svo sem sorphirðu, loftmengun og umhverfisvænar samgöngur, og eru íbúar yfir meðaltali ánægðir með þessa málaflokka.

Sjá frétt á vef Akureyrarbæjar

Terra umhverfisþjónusta innleiðir nýjar flokkunarmerkingar Fenúr

Tue, 18 Jan 2022 14:34:00 GMT

Terra umhverfisþjónusta hefur ávallt haft metnað til að vera í farabroddi á svið úrgangsstjórnunar og tekur í notkun nýjar merkingar Fenúr, samræmt, einfalt og gott merkingakerfi sem er mikilvægt til að stuðla að betri flokkun og styður við bætta úrgangsstjórnun á Íslandi.

Umhverfisráðuneytið styrkti útgáfu merkjanna og lagt er upp með að þessar merkingar verði notaðar í samæmdu flokkunarkerfi sveitarfélaga og hafa nokkur þegar byrjað að vinna með þessar merkingar, djúpgámar hjá Reykjavíkurborg og grenndarstöðvar á Reykjanesi. Í stefnu um meðhöndlun úrgangs kemur fram að 1. janúar 2023 verði sérstakri söfnun heimilisúrgangs komið á, þe. einsaklingar og lögaðilar skyldaðir til að flokka heimilisúrgang og á sama tíma verði samræmdum merkingum fyrir úrgangstegundir komið á. Við höfum því eitt ár til að aðlaga okkur að því sem verður lögbundið 1. janúar 2023.

Allir sem vilja hafa flokkun hjá sér skýra og aðgengilega geta nálgast merkingarnar en þær eru aðgengilegar og gjaldfrjálsar fyrir alla helstu úrgangsflokka á heimasíðu FENÚR, fenur.is. Framleiðendur og innflytjendur geta sett viðeigandi merki á umbúðir vara sem þeir selja neytendum og þannig einfaldað og bætt flokkun umbúða. Þannig tala umbúðir og ílát saman og einfalda okkur flokkunina.

Saman náum við árangri og stuðlum að því að halda markmiði Terra, Skilja ekkert eftir , á loft með því að draga úr urðun úrgangs og minnka sóun. Terra aðstoðar fyrirtæki og heimili við að ná góðum árangri í flokkun efna til endurvinnslu, hvetjur til minni notkunar á umbúðum og lágmörkunar úrgangs. Samræmdar flokkunarmerkingar Fenúr er hluti af þeirri vegferð og mikilvægur hlekkur í hringrásarhagkerfinu.

Flokkunarhandbók fyrirtækja hefur verið uppfærð og má nálgast hér !

Breyting á gjaldskrá Terra Umhverfisþjónustu – vegna hækkunar hjá Sorpu

Fri, 14 Jan 2022 13:00:00 GMT

Í kjölfar hækkunar á gjaldskrá Sorpu sem tók gildi 1. janúar 2022 mun verðskrá Terra Umhverfisþjónustu einnig taka breytingum frá og með 1.jan 2022. Þetta mun án efa auka hvata heimila og fyrirtækja til frekari flokkunar og styðja þannig við innleiðingu hringrásarhagkerfisins á Íslandi.

Gjaldskrá SORPU frá 1. janúar 2022 (sorpa.is)

Fimm ráð fyrir betri flokkun á vinnustaðnum

Tue, 11 Jan 2022 10:46:00 GMT

Vegna fréttar í Stundinni 10.12.2021

Fri, 10 Dec 2021 14:52:00 GMT

Á árinu 2016 flutti Terra um 677 tonn af plast til endurvinnslu og orkuvinnslu til Swerec í Svíþjóð. Upplýsingar úr móttökuprófum Swerec til Terra sýndu fram á að endurvinnanlegt plast nam 35% og óendurvinnanlegt plast til orkuvinnslu nam 65%.
Terra á í dag engin viðskipti við Swerec. Frá miðju ári 2020 hefur Terra flutt allt plast til Prezero í Þýskalandi, Peute Recycling í Hollandi og Pure North í Hveragerði.
Terra leggur ríka áherslu á að auðvelda Íslendingum að skilja ekkert eftir; endurnýta, flokka og meðhöndla endurvinnsluefni og annan úrgang með ábyrgum hætti.

Terra og Grænir skátar í samstarf

Thu, 02 Dec 2021 08:42:00 GMT

Framúrskarandi fyrirtæki

Mon, 01 Nov 2021 17:30:00 GMT

Við erum stolt af því að tilheyra flokki Framúrskarandi fyrirtækja Creditinfo og Fyrirmyndar fyrirtækja í rekstri að mati Viðskiptablaðsins og Keldunnar.

Aðeins rúmlega 2% fyrirtækja á hlutafélagaskrá teljast vera til fyrirmyndar samkvæmt Creditinfo. Síðastliðin tíu ár hefur Creditinfo unnið ítarlega greiningu sem sýnir rekstur hvaða íslensku fyrirtækja telst til fyrirmyndar.

Til þess að hljóta þessa viðurkenningu þurfa fyrirtæki m.a. að hafa skilað ársreikningi til RSK síðastliðin þrjú ár, vera í lánshæfisflokki 1-3, hafa sýnt jákvæðan rekstrarhagnað (EBIT) og jákvæða ársniðurstöðu þrjú ár í röð og eiginfjárhlutfall þarf að lágmarki að vera 20% þrjú rekstrarár í röð.

Fyrstu skref stigin í samræmdum merkingum

Thu, 26 Aug 2021 08:23:00 GMT

Nýjar grenndarstöðvar á Suðurnesjum eru merktar samkvæmt nýjum samræmdum reglum um merkingar varðandi flokkun og endurvinnslu. Lengi hefur verið kvartað yfir því að ósamræmi sé milli landshluta á merkingum og litum þegar kemur að flokkun og endurvinnslu. Þetta er það sem koma skal.

Kalka ásamt Terra hefur þessa dagana unnið að uppsetningu á grenndarstöðvum fyrir endurvinnanlegan efni á Suðurnesjum. Fjórir gámar eru í hverri stöð, fyrir pappír og pappa, plast, málma og gler. Kalka hefur svo átt í viðræðum við Rauða krossinn um uppsetningu á fatagámum á a.m.k. sumum grenndarstöðvanna. Vonir standa til að þeir bætist við fljótlega. Þessar stöðvar eru fyrst og fremst hugsaðar fyrir endurvinnsluefni frá heimilum. Í málmgáma eiga t.d. ekki að fara stórir og þungir málmhlutir heldur málmar sem falla til á heimili, niðursuðudósir, dósalok og þvíumlíkt. Í glergámana má setja glerkrukkur og glerflöskur án skilagjalds en stærri glerhluti þarf áfram að koma með á móttökuplönin í Helguvík, Grindavík og Vogum.

Með grenndarstöðvunum er stigið skref til að auðvelda íbúum Suðurnesja að skila endurvinnsluefnum. Þá er einnig horft til nýrrar stefnu stjórnvalda í úrgangsmálum og áherslu á að draga stórlega úr urðun úrgangs. Framundan eru miklar breytingar á sorphirðu á landinu öllu og búast má við að flokkum úrgangs í söfnun frá heimilum muni fjölga. Það er þó ljóst að markmiðum um hækkað endurvinnsluhlutfall úrgangs verði ekki náð með fjölgun íláta við húsvegg eingöngu. Grenndarstöðvarnar eru liður í að þétta netið og auðvelda íbúum að ráðstafa sínum úrgangi á ábyrgan hátt.

Terra styður Hreinni Hornstrandir

Tue, 22 Jun 2021 08:20:00 GMT

Áttundu hreinsunarferð Hreinni Hornstranda fór fram um helgina. Hreinni Hornstrandir eru félagasamtök sem halda utan um ruslahreinsun á Hornströndum á ári hverju. Frá þessu er greint á bb.is.

Hreinsað var að þessu sinni í Hlöðuvík en þar hófst hreinsunarátakið einmitt fyrir sjö árum árið 2014. Harðduglegur 25 manna hópur hélt af stað í hádeginu á föstudaginn og hóf strax að hreinsa fjörurnar. Hópurinn tjaldaði og gisti á tjaldsvæðinu í Hlöðuvík en fékk svo liðsauka á laugardeginum frá Seiglunum, Kvennasigling á skútu sem er á ferð um landið. Þær lögðu hönd á plóg í hreinsuninni.

Varðskipið Týr og áhöfn þess fluttu svo ruslið út í skip og þegar allt var komið um borð var slegið upp grillveislu og siglt á leið heim. Í frétt um málið frá forsvarsmönnum átaksins segir: „Eigum við þeim sérstaklega mikið að þakka eins og alltaf. Þrátt fyrir að víkin hafði verið hreinsuð áður og það skilað um 5 tonnum af rusli var tilfinning hópsins nú að þetta væri engu minna en þá, hugsanlega meira sem er mikið umhugsunarefni. Allt í allt tókst þó hreinsunin vel.“

Styrktaraðilar ferðarinnar eru: Landhelgisgæsla Íslands, Ísafjarðarbær, Umhverfisstofnun, Sjóferðir, Borea Adventures Iceland og Terra.

Starfsmenn Landhelgisgæslunnar tóku af meðfylgjandi mynd af hópnum á varðskipinu Tý ásamt ruslinu.

Sjö góðar ástæður fyrir því að flokka og endurvinna

Thu, 27 May 2021 15:24:00 GMT

Það er mikilvægt að flokka og endurvinna – hér koma sjö góðar ástæður:

Við verndum auðlindir jarðarinnar. Við göngum hratt á auðlindir jarðarinnar. Ef allir jarðarbúar myndu lifa og hegða sér eins og Íslendingar, þá þyrftum við sex jarðir!

Með því að flokka og endurvinna pappír verndum við tré og skóga
Með því að flokka plast komum við í veg fyrir plastmengun og frumvinnslu á plasti sem kallar á olíuvinnslu og brennslu.
Með því að flokka og endurvinna málma komum við í veg fyrir námuuppgröft
Með því að flokka og endurvinna gler komum við í veg fyrir frumvinnslu á gleri sem kostar mikla orku og hráefnanotkun

Við verndum villta náttúru og mikilvæg lífkerfi. Með minnkandi framleiðslu minnkum við námugröft og auðlindanotkun sem leiðir til þess að meira landsvæði myndast fyrir villta náttúru; færri dýr deyja og líffræðilegur fjölbreytileiki eykst.
Minni frumvinnsla . Almenn auðlindanotkun mun minnka með vaxandi endurvinnslu. Þegar skógar eru ruddir í burt þá hverfa ýmsar dýrategundir, fólk missir heimili sín og koltvíoxíð hverfur úr lífríkinu út í andrúmsloftið.
Við spörum orku . Það þarf mun minni orku í endurvinnslu en frumvinnslu. Endurvinnsla á áli krefst 95% minni orku en frumvinnsla. Endurvinnsla á pappír krefst 40% minni orku en frumvinnsla.
Flokkun og endurvinnsla er loftlagsmál. Við drögum úr losun á hættulegum gróðurhúsalofttegundum og gróðurhúsaáhrifum
Flokkun og endurvinnsla er hagkvæm. Það er dýrt að henda verðmætum. Þetta segir sig sjálft. Þarna eru ýmis mikilvæg efni sem er hægt að endurnýta og endurvinna.
Flokkun og endurvinnsla skapar ný störf . Fjölmörg ný störf verða til við aukna flokkun og endurvinnslu. Innleiðing á hringrásarhagkerfi á Íslandi gæti skapað þrjú þúsund og fjögur hundruð störf.

CCEP fær umhverfisviðurkenningu Terra

Wed, 12 May 2021 08:48:00 GMT

Mínar síður Terra

Tue, 06 Apr 2021 13:36:00 GMT

Á mínum síðum Terra geta viðskiptavinir okkar framkvæmt allar helstu aðgerðir ásamt því að fylgjast með sínum tölum í rauntíma.

Á mínum síðum geta viðskiptavinir okkar:

Fylgst með sínum úrgangstölum í rauntíma
Skoðað sitt endurvinnsluhlutfall
Borið saman árangur á milli mismunandi starfstöðva
Skoðað sína reikninga
Sótt reikningsyfirlit

Mínar síður – innskráning

Sækja um aðgang að Mínum síðum

Auðveldari aðgangur að úrgangstölum

Wed, 24 Feb 2021 09:18:00 GMT

Bygging nýs Landspítala markar þáttaskil í stafrænum lausnum í úrgangsstjórnun. Terra sér um úrgangsstjórnunina í samvinnu við Eykt og NLSH. Gerðar eru miklar kröfur um endurnýtingu.

Farnar eru nútímalegar og vistvænni leiðir í byggingu nýs Landspítala, stærstu byggingarframkvæmd næstu ára á Íslandi. Meðan á framkvæmdum stendur er allur úrgangur sem fellur til flokkaður í að lágmarki sjö flokka samkvæmt BREEAM-staðli. Einnig eru gerðar reglulegar mælingar á loftslags- og umhverfisáhrifum í sambandi við úrgang sem berst frá svæðinu. Terra, sem er umhverfisfyrirtæki atvinnulífsins 2020, sér um úrgangsstjórnun í samvinnu við Eykt sem sér um uppsteypuna og NLSH ohf. sem stýrir heildarframkvæmdinni.

„Þetta verkefni markar þáttaskil þegar kemur að stafrænum lausnum í úrgangsstjórnun til þess að fylgjast með endurvinnsluhlutfalli og kolefnisfótspori af akstrinum,“ segir Jónína Guðný Magnúsdóttir, framkvæmdastjóri viðskipta- og þjónustusviðs Terra. „Það eru miklar kröfur gerðar varðandi úrgangsstjórnun, flokkun, endurvinnslu og mælingar í þessari gríðarmiklu framkvæmd; allt skal miðast við BREEAM-staðalinn. Það hefur verið sönn ánægja fyrir Terra að fara í þessa vinnu með Eykt. Til að mynda skal endurnýta 95% af hættulausum byggingarúrgangi frá vinnusvæði; hann skal endurnýttur á staðnum, endurnýttur á öðrum verkstað eða þá geymdur til síðari endurnýtingar. Það fellur vel við kjörorð okkar: Skiljum ekkert eftir.“

Rauntímagögn um endurvinnsluhlutfall og kolefnisfótspor

Er þetta framtíðin í byggingariðnaði?

„Það er klárt mál. Flokkun er ekki einungis samfélagslega ábyrgari leið fyrir verktaka og byggingarfyrirtæki heldur getur líka verið mun hagkvæmari. Hvatarnir gera flokkun hagkvæmari ef miðað er við eyðingargjöld úrgangsins. Einnig gera flest útboð í dag einhverja kröfu um endurnýtingar- og endurvinnsluhlutfall og skráningu kolefnisspors. Terra skilar af sér upplýsingum til Eyktar, sem eru uppfærðar í rauntíma á Mínum síðum Terra, um hvernig þau standa sig í lágmörkun og flokkun úrgangs og spilliefna með því að gefa upp magn hvers flokks og heildarendurvinnsluhlutfall. Einnig kemur þar fram fjöldi ferða, keyrsla í kílómetrum og meðaleyðsla hvers bíls, svo auðvelt er að reikna út kolefnisspor af akstrinum samkvæmt BREEAM.“ Búið er að koma upp verkreglum og aðbúnaði á framkvæmdarstað til að flokka, endurnýta og endurvinna byggingarúrgang og annan úrgang. Allir gámar á svæðinu eru kyrfilega merktir á þremur tungumálum og myndrænt.

Smáhýsi – hagkvæm og umhverfisvæn

Terra sér einnig um uppsetningu á vinnubúðum og tímabundnu skrifstofurými á svæðinu. Nú er þar risið smáhúsaþorp sem er hentug og hagkvæm lausn í stórum framkvæmdum. Um er að ræða einingar sem auðvelt er að taka niður í lok verkefnis. „Smáhýsi henta ekki einungis tímabundnum framkvæmdaverkefnum heldur er þetta einnig til dæmis vel þekkt lausn fyrir skóla. Fjöldi barna getur verið misjafn eftir árgöngum, hverfi eldast einnig og yngjast til skiptis og þá getur oft munað mörgum tugum barna. Þá er hagkvæmt og umhverfisvænt að nota smáhýsi sem hægt er að flytja burt og endurnýta í öðrum tilgangi þegar þeirra er ekki lengur þörf,“ segir Jónína.

„Frá samfélagslegu og lagalegu sjónarmiði munu kröfurnar um lágmörkun og stöðuga upplýsingagjöf varðandi úrgang aukast. Það skiptir máli að fá tölur í rauntíma til bregðast hratt og rétt við og Terra er sannarlega með í þeirri vegferð.“

Spillefni og eldhætta

Wed, 10 Feb 2021 09:43:00 GMT

Setjum aldrei spillefni í almennt sorp - það getur skapað eldhættu.

Eldur kom upp í söfnunarbíl Terra í gær, þriðjudaginn 9. febrúar á iðnaðarsvæði í Sundagörðum í Reykjavík.

Samkvæmt upplýsingum frá slökkviliðinu brást bílstjóri Terra hratt og rétt við í þessum aðstæðum og losaði farminn á öruggu svæði þar sem hægt var bregðast við með öruggum hætti. Undir venjulegum kringumstæðum á ekki að kvikna bál í sorpgámum með almennt rusl og eflaust getur ástæðan verið margskonar. Hins vegar er margt sem bendir til þess að einhverskonar umbúðir utan um málningarvörur, leysiefni eða lím gæti hafi verið elduppsprettan.

Af þessu tilefni er því ágætt að minna á að spilliefni eins og olía, málning, lím, leysiefni mega alls ekki fara í almennt sorp - þessi efni geta hitnað og myndað eld og skapað stórhættu. Terra Efnaeyðing sérhæfir sig í flutningi, meðhöndlun og frágangi á spilliefnum og er eini sérhæfði aðilinn í móttöku spilliefna á Íslandi.

Við viljum því minna á að það er ólöglegt, lífshættulegt og afar óumhverfisvænt að setja spilliefni í almennt sorp.

Gætum að þessu, flokkum rétt og skiljum ekkert eftir.

Hér er mikið í húfi.

Terra Einingar - breyttur opnunartími

Tue, 09 Feb 2021 14:10:00 GMT

Við vekjum athygli á breyttum opnunartíma hjá Terra Einingum að Hringhellu 6 frá og með 15.febrúar næstkomandi. Frá og með þeim degi mun skrifstofan og geymslusvæðið loka kl. 16:00 en ekki 17:00 líkt og hefur verið.

Afgreiðsla á vörum sem sóttar eru úr vefverslun lokar því einnig kl. 16:00 í stað 17:00.

Setjum ekki raftæki með málmum þegar við flokkum!

Fri, 29 Jan 2021 09:07:00 GMT

Raftæki á að flokka sérstaklega og skila á endurvinnslustöðvar sveitarfélaga. Allir málmhlutir með rafklóm og rafhlöðum flokkast sem raftæki, eins og þessi blandari og þetta útvarp sem sjá má á þessari mynd - og einhver setti í endurvinnslutunnu þar sem má setja málma (niðursuðudósir og lok á glerkrukkum).

Matarolía sem orkugjafi

Mon, 18 Jan 2021 12:40:00 GMT

Góður árangur í plastendurvinnslu

Fri, 15 Jan 2021 08:27:00 GMT

Terra flutti út tæp 1500 tonn af plasti á árinu 2020. Alls 67% af öllu plasti sem flutt var út fór í endurvinnslu og 33% orkuvinnslu.

Allt plast sem Terra flytur út er sent til fyrirtækja í Norður-Evrópu þar sem fram fer nánari flokkun og skoðun. Hreint og vel flokkað plast á heimilum og hjá fyrirtækjum tryggir betri endurvinnslu, en við getum verið ágætlega sátt við 67% endurvinnsluhlutfall. Svona árangur næst ekki nema með víðtækri samvinnu allra. Höldum áfram að flokka. Það skiptir máli.

Skiljum ekkert eftir

Plokkum öll flugeldaruslið

Tue, 29 Dec 2020 08:24:00 GMT

Terra vinnur með Landsbjörg og hvetur landsmenn til að plokka upp flugeldarusl um áramótin.

Allir landsmenn eru hvattir til þess um áramótin að styðja björgunarsveitirnar með fjárframlögum eða flugeldakaupum, en ekki síður að hefja nýtt ár á því að skella sér út í labbitúr og plokka allt flugelda-ruslið sem víða má sjá eftir fjörugt gamlárskvöld. Þetta er góð byrjun á nýju ári, að hreinsa upp gamla árið, hreinsa umhverfið, en það er fátt hollara fyrir líkama og sál en að plokka.

Terra tekur þátt í þessu landsátaki björgunarsveitanna og við hvetjum alla, konur og kalla, unglinga og börn, til þess að plokka flugeldarusl á nýársdegi. Söfnunargámum hefur verið komið upp við sölustaði björgunarsveitanna um land allt.

Breytingar í úrgangsmálum á höfuðborgarsvæðinu

Fri, 04 Dec 2020 13:01:00 GMT

Það er orðið ljóst að það verða miklar breytingar varðandi meðhöndlun úrgangs á höfuðborgarsvæðinu á næstu misserum. Sveitarfélögin á höfuðborgarsvæðinu hafa gert samkomulag um að urðun úrgangs verði að mestu hætt í Álfsnesi, takmarkanir hefjast þegar á næsta ári og enn meiri takmarkanir verða árið 2022.

Þessi staða krefst þess að leitað sé annarra leiða til förgunar á úrgangi sem ekki er endurvinnanlegur ásamt því að auka flokkun eins og hægt er.

Sorpa er búin að tilkynna umtalsverðar gjaldskrárhækkanir hjá fyrirtækinu um næstu áramót, m.a. varðandi þann úrgang sem tekið verður á móti til urðunar í Álfsnesi, og það mun hafa áhrif á gjaldskrá Terra.

Til einhverra ára, í smáum stíl árið 2021 en af fullum þunga árið 2022 og næstu ár þar á eftir, verður lausnin sú að flytja óendurvinnanlegt sorp erlendis til brennslu og framleiðslu á orku. Terra hefur undanfarið verið að undirbúa slíkan útflutning og mun hefja tilraunasendingar á næstu vikum. Það er von Terra að framtíðarlausn verði innan fárra ára til staðar hér á landi varðandi eyðingu á óendurvinnanlegum úrgangi.

Útflutningur á úrgangi er mun kostnaðarsamari en þær lausnir sem hafa staðið til boða hér á landi. Það er mjög mikilvægt að Terra og viðskiptavinir félagsins vinni saman að aukinni flokkun á úrgangi, ná sem mestu af endurvinnanlegum efnum úr almenna sorpinu og koma þeim efnum til endurvinnslu með minni tilkostnaði. Þannig minnkar það magn sem þarf að senda erlendis til orkuvinnslu.

Terra hvetur viðskiptavini sína til að hafa samband varðandi aukna flokkun, fá ráðleggingar og breyta kerfinu hjá sér eins og þörf er á, og einnig mun Terra hafa frumkvæði að slíkum samskiptum.

Terra bakhjarl í grænum viðskiptahraðli

Thu, 03 Dec 2020 10:53:00 GMT

Nýjum viðskiptahraðli er ætlað að draga fram, efla og styðja nýja tækni og aðferðir sem raunverulega leysa aðsteðjandi úrlausnarefni í umhverfismálum með það fyrir augum að þátttakendur verði í lok hraðals í stakk búin til að kynna verkefni sín fyrir fjárfestum og sækja styrki í Evrópusjóði sem styðja verkefni sem draga úr losun.

Að verkefninu standa auk Terra, Reykjavíkurborg, Atvinnuvegaráðuneytið, Orkuveita Reykjavíkur, Hvalfjarðarsveit, Faxaflóahafnir, Sorpa og Þróunarfélag Grundartanga og Breið Þróunarfélag.

Umsjón með hraðlinum er í höndum Icelandic Startups sem hefur til fjölda ára veitt aðstoð við þróun viðskiptahugmynda og leitt saman hóp hagaðila með verðmætasköpun að leiðarljósi.

Terra fær viðurkenningu Jafnvægisvogarinnar

Fri, 13 Nov 2020 10:34:00 GMT

Terra er eitt af framúrskarandi fyrirtækjum 2020

Fri, 30 Oct 2020 13:00:00 GMT

Í 11 ár hefur Creditinfo unnið greiningu á rekstri íslenskra fyrirtækja og veitt Framúrskarandi fyrirtækjum viðurkenningu fyrir árangurinn. Til þess að teljast framúrskarandi þurfa fyrirtæki að uppfylla ströng skilyrði. Aðeins afreksfólk atvinnulífsins stenst þær ströngu kröfur sem gerðar eru til Framúrskarandi fyrirtækja og þær gefa vísbendingar um að þau séu líklegri til að ná árangri og standast álag en önnur. Við hjá Terra erum stolt af því að uppfylla þessi skilyrði og tilheyra hluti af 2% íslenskra fyrirtækja sem teljast framúrskarandi samkvæmt skilyrðum Creditinfo

Terra er umhverfisfyrirtæki atvinnulífsins 2020

Wed, 14 Oct 2020 09:44:00 GMT

Við hjá Terra erum stolt og glöð að hafa fengið viðurkenninguna Umhverfisfyrirtæki ársins 2020 sem Samtök atvinnulífsins veita. Terra er hringrásarfyrirtæki sem hefur haft umhverfismál í fararbroddi í starfsemi sinni í gegnum tíðina. Terra hefur metnað fyrir því að skilja ekkert eftir og vill hvetja og auðvelda Íslendingum að takast á við þá áskorun með því að flokka og endurvinna betur. Að skilja ekkert eftir er þýðing á hugtakinu „Zero Waste“ og lýsir vel markmiðum okkar í endurvinnslu og meðhöndlun úrgangs.

„Þessi verðlaun eru mikil viðurkenning fyrir okkar starf og góð hvatning fyrir starfsfólk Terra. En við höfum metnað til að gera enn betur. Með nýjum markmiðum, nýjum stafrænum leiðum, grænum fjárfestingum og íslensku hugviti viljum við stíga mikilvæg og græn skref inn í framtíðina, innleiða hringrásarhagkerfi og efla mikið flokkun og endurvinnslu. Þetta viljum við gera í samvinnu við fólkið í landinu, stjórnvöld og íslensk fyrirtæki, til að draga úr mengun og gróðurhúsaáhrifum og skapa um leið hagkvæmara og betra þjóðfélag.

Ég skora á okkur öll að taka umhverfis- og endurvinnslumál föstum tökum og gefa þeim það vægi sem þau þarfnast. Vörur eru framleiddar til að anna eftirspurn. Ef við sem búum þessa jörð förum að hugsa og framkvæma með það að leiðarljósi að varan sem við notum sé hluti af hringrásarhagkerfinu, að það sé búið við hönnun að gera ráð fyrir því hvað gert er við vöruna að loknum líftíma hennar, þá getum við breytt miklu. Ísland er ekki stórt land en öll skref í þessa átt eru til bóta. Við skiptum því máli. Skiljum jörðina eftir á betri stað en við tókum við henni.“
Gunnar Bragason, forstjóri Terra.

Ljósmyndina tók Birgir Ísleifur Gunnarsson

Fróði flokkari kominn í fulla virkni

Mon, 12 Oct 2020 10:49:00 GMT

Stór fjárfesting sem færir flokkun og endurvinnslu á Íslandi á annað stig.

Í vor fjárfestum við hjá Terra í nýjum sjálfvirkum flokkara sem mun vera einn sá fullkomnasti á Norðurlöndum. Þetta er ný tækni í flokkun og endurvinnslu; vél sem notar stafræna tækni, ljósmyndaminni og fleira. Þessi nýja vél, sem við köllum Fróða, er stór fjárfesting sem færir flokkun og endurvinnslu á Íslandi á annað stig. Hægt er að flokka endurvinnsluefni mun nákvæmar og betur en áður sem er í takt við kröfur endurvinnslufyrirtækja. Nú er í fyrsta sinn á Íslandi hægt að flokka plast eftir efniseiginleikum sem getur stutt við íslenska plastendurvinnslu, og fyrstu skrefin í þá átt hafa verið tekin. Við erum að hefja mjög spennandi samstarf með öðrum íslenskum fyrirtækjum í efla íslenska plastendurvinnslu og minnka þar með mengun og stíga um leið spennandi skref í áttina að hringrásarhagkerfi – þar sem við lítum á úrganginn sem verðmæti, sem við endurnýtum aftur og aftur.

Tyggjóið burt

Mon, 21 Sep 2020 11:48:00 GMT

Gámar í öllum regnbogans litum

Wed, 12 Aug 2020 14:04:00 GMT

Í samstarfi við Orkuna útbjó Terra sérstaka bleika söfnunargáma sem eru í samræmi við lit, stíl og stefnu fyrirtækisins. Þetta er í fyrsta sinn í sögu Terra að gámar eru sérstaklega málaðir bleikir og það er gaman að sjá hversu vel þeir koma út. Það er sannarlega gaman að breyta aðeins út af venjunni og prófa eitthvað nýtt; fallegir litir gera ekkert annað en að fegra umhverfið. Takk Orkan fyrir skemmtilega hvatningu og hugmynd! Gámar í þínum lit.

Ein fullkomnasta flokkunarvél á Norðurlöndum

Fri, 19 Jun 2020 08:45:00 GMT

https://www.si.is/media/_eplica-uppsetning/Timarit-SI_Nyskopun_vefutgafa.pdf

Met slegið í plokki

Wed, 29 Apr 2020 10:33:00 GMT

Tæp fjögur tonn (3760 kg) af rusli söfnuðust í gáma Terra á höfuðborgarsvæðinu. Aldrei áður hafa plokkarar verið jafn öflugir. Gera má ráð fyrir því að heildarmagn sem tínt var til um allt land sé mun meira; sveitarfélög sóttu stóra hauga af rusli, félög, fyrirtæki og einstaklingar komu miklu magni af rusli til skila. Sérfræðingar meðal plokkara áætla að jafnvel 10 til 15 tonn af rusli hafi verið plokkað og safnað saman síðast liðinn laugardag, 25. apríl, Dag umhverfisins.

Terra þakkar plokkurum, Krónunni og Sorpu fyrir gott samstarf og öllum þeim sem lögðu hönd á plóg til þess að gera þetta að stærsta plokkdegi sögunnar. Til hamingju allir plokkarar!

Skiljum ekkert eftir.

Línsöfnun Terra og Rauða krossins

Mon, 27 Apr 2020 09:10:00 GMT

Terra og Rauði krossinn kynna með stolti samstarf um að safna líni og textíl frá fyrirtækjum til endurvinnslu. Þetta eru rúmföt, handklæði og ýmis konar vefnaðarvörur sem hafa oft og tíðum verið utan gátta á Íslandi þegar kemur að flokkun og endurvinnslu. Þetta eru dýrmæt endurvinnsluefni sem eiga sér verðugt framhaldslíf og Terra mun sjá um söfnunina.

Við hjá Terra erum stolt af því að taka þátt í þessu brýna og mikilvæga hringrásarverkefni með Rauða krossinum og hvetjum öll fyrirtæki sem vinna mikið með lín og vefnaðarvörur að leggja þessu verkefni lið.

Vertu með okkur í liði – lín á réttan stað

Línsöfnun Rauða krossins og Terra er frábær leið til að stuðla að bættri endurvinnslu og umhverfisvernd. Með því að vera með okkur í liði og koma öllu líni á réttan stað og styrkir þú neyðaraðstoð Rauða krossi bæði hérlendis og erlendis.

Stóri plokkdagurinn á degi Umhverfisins

Tue, 21 Apr 2020 14:36:00 GMT

Félagsskapurinn Plokk á Íslandi blæs til Stóra plokkdagsins á laugardaginn kemur, á Degi umhverfisins. Þetta er þriðja árið sem hópurinn skipuleggur þetta umhverfisátak undir sínum merkjum. Vegna samkomubanns og óvissutíma var hópurinn á báðum áttum hvort réttlætanlegt væri að boða til hátíðarinnar þetta árið en eftir samráð og leiðbeiningar frá Víði Reynissyni, yfirlögregluþjóni hjá embætti ríkislögreglustjóra, var ákveðið að láta slag standa.

Í ár vilja plokkarar landsins beina plokktöngum sínum að heilbrigðisstofnunum landsins, sjúkrahúsum, heilsugæslustöðvum og dvalar- og hjúkrunarheimilum, og sýna þannig þakklæti sitt í verki, enda hefur starfsfólk og stjórnendur þessara heilbrigðisstofnanna verið undir miklu álagi svo vikum skiptir. Svavar Hávarðsson, einn af öflugustu plokkurum landsins, bar þessa hugmynd upp innan hópsins og var henni afar vel tekið.
Hugmyndin er táknræn. Það er ekki svo að í kringum heilbrigðisstofnanir landsins sé rusl að finna í meiri mæli en annars staðar, en með því að taka þátt í plokki í kringum heilbrigðisstofnanir getum við, fólkið í landinu, látið þakklæti okkar í ljós með þessum táknræna hætti.
Terra og Krónan aðstoða plokkara
En það verður plokkað á fleiri stöðum og hægt að stofna viðburði á samfélagsmiðlum, tengja þá við Plokk á Íslandi, fá merkingar frá Plokk á Íslandi og hvetja fólk til þátttöku bæði heima í hverfi og við næstu stóru umferðarmannvirki allt eftir tíma og getu.

Terra og verslunarkeðjan Krónan munu í sameiningu bjóða íbúum höfuðborgarsvæðisins að koma með óflokkað plokk í gáma frá Terra sem staðsettir eru á eftirfarandi

Krónuverslunum á höfuðborgarsvæðinu:

Krónan í Mosfellsbæ, Háholti 13-15.
Krónan á Granda, Fiskislóð 15-21 í Reykjavík.
Krónan á Höfða, í Húsgagnahöllinni í Reykjavík.
Krónan í Kórahverfi, Kópavogi.
Krónan í Flatahrauni, Hafnarfirði

Þessi þjónusta er miðuð við fjölskyldu- og einstaklingsplokk. Fyrir hópa eða hverfi sem ætla að skipuleggja víðtækara plokk er bent á að hafa samband við sveitarfélagið sitt og tilkynna hvar sækja megi afraksturinn á mánudag nema hóparnir séu í aðstöðu til að koma plokkinu í Sorpu eða aðra viðeigandi safnstaði.
Nánast öll sveitarfélög landsins taka þátt með einum eða öðrum hætti og hægt er að nálgast upplýsingar á heimasíðum þeirra og samfélagsmiðlum.
Tvær plokkvaktir
Deginum skiptum við upp í tvær plokkvaktir. Sú fyrri byrjar klukkan 10:00 að morgni og sú síðari klukkan 13:00. Öllum er frjálst að taka þátt í hluta skipulagðra aðgerða eða deginum öllum, allt eftir því hvað hentar hverjum og einum. Hægt er að nálgast frekari upplýsingar inn á PLOKK Á ÍSLANDI á Facebook og á samfélagsmiðlum eða heimasíðum sveitarfélaganna.
Nokkrir af virkustu plokkurum landsins munu standa vaktina við heilbrigðisstofnanir og aðstoða byrjendur við að koma sér af stað. Hægt er að fá nánari upplýsingar á facebook-síðunni Plokk á Íslandi.

Almennt um Stóra plokkdaginn

Stóri plokkdagurinn verður haldin á Degi umhverfisins 25. apríl næstkomandi og er það von skipuleggjenda að sem flest sveitarfélög hvetji íbúa sína til þátttöku og auðveldi hann með hverskyns aðkomu og aðstoð.
Að plokka gefur fólki tækifæri til að sameina útiveru og hreyfingu sem og að sýna umhverfinu og samfélaginu kærleik í verki. Það er tilvalið í samkomubanni þar sem auðvelt er að virða tveggja metra regluna. Að plokka fegrar umhverfi okkar og náttúru en víða er mikið af plasti og öðru rusli eftir stormasaman vetur.

PLOKKTRIXIN Í BÓKINNI

1. Finna sér svæði til að plokka á og hvetja fjölskylduna til að taka þátt.
2. Stofna viðburð eða tengja sig inn á stofnaðan viðburð.
3. Útvega sér ruslapoka, hanska og plokktöng.
4. Klæða sig eftir aðstæðum.
5. Virða samkomubannið og gæta að tveggja metra reglunni.
6. Koma afrakstrinum á viðeigandi stofnun.
7. Hringja eða senda tölvupóst á sveitarfélagið sitt og láta sækja ef magnið er mikið.
8. Gæta fyllstu varúðar og brýna fyrir börnum að láta nálar og aðra hættulega hluti vera, en tilkynna til foreldra eða umsjónarmanna svo mögulegt sé að fjarlægja þá.
Plokktímabilið 2020 er formlega hafið. Samkomubann er alveg upplagt til að taka á því í plokkinu.

# skiljumekkerteftir

Terra á meðal fyrirtækja sem fá undanþágu frá samkomubanni

Wed, 01 Apr 2020 09:27:00 GMT

Fyrirtæki sem teljast „kerfislega og efnahagslega mikilvæg“ hafa fengið undanþágu frá takmörkunum samkomubanns fyrir starfsemi sína. Stjórnvöld hafa birt lista yfir þau fyrirtæki sem hafa fengið undanþágu frá samkomubanni svo unnt sé að halda starfsemi þeirra órofinni. Svandís Svavarsdóttir heilbrigðisráðherra veitir slíka undanþágu eftir samráð við sóttvarnalækni, almannavarnadeild ríkislögreglustjóra og Matvælastofnun. Undanþágan tekur til fyrirtækja í stóriðju, sjávarútvegi, matvælaframleiðslu og annarri mikilvægri starfsemi.

Fyrirtæki sem starfar á grundvelli undanþágu er meðal annars Terra í Hafnarfirði. Við erum stolt af þessari viðurkenningu og munum sinna skyldum okkar að fullu.

Í tilkynningu frá stjórnarráðinu segir að margar umsóknir hafi borist um undanþágur en að flestum þeirra sé hafnað. „Undanþágur eru því aðeins veittar að afar brýnir hagsmunir liggi að baki sem varði velferð almennings og þjóðarhag. Viðmiðin sem horft er til miðast við að um sé að ræða „samfélagslega ómissandi innviði sem mega ekki stöðvast vegna lífsbjargandi starfsemi; starfsemi fyrirtækja sem telst kerfislega og efnahagslega mikilvæg."

Flokkarinn mættur

Tue, 10 Mar 2020 15:02:00 GMT

Uppsetning sjálfvirks flokkara í Berghellu hefst eftir tvær vikur, þann 23. mars næstkomandi. Fyrsti gámurinn með tæki innanborðs kom á svæðið í dag. Íslendingar, Danir og Tékkar munu vinna við uppsetningu á næstu vikum og gert er ráð fyrir því að nýi flokkarinn verði kominn í gagnið fyrir páska.

Sjálfvirki flokkarinn okkar, eða Fróði flokkari, eins og við kjósum að kalla hann, er ein fullkomnasta flokkunarvél á Norðurlöndum sem notar ljósgeislagreiningu og ljósmyndaminni til þess að flokka úrgang með mun nákvæmari og fullkomnari hætti en áður hefur verið gert. Þetta færir í raun flokkun og endurvinnslu á annað stig á Íslandi. Við vonumst til þess að geta skilað til baka dýrmætum efnum í íslenska hringrásarhagkerfið.

Gleðileg Jól

Mon, 23 Dec 2019 10:25:00 GMT

Við óskum viðskiptavinum okkar og landsmönnum öllum gleðilegra jóla og farsældar á komandi ári. Þökkum samskiptin á árinu sem er að líða, sérstaklega viðtökurnar við nýju nafni og ásýnd fyrirtækisins.

Íbúafundir á Vestfjörðum

Thu, 07 Nov 2019 12:27:00 GMT

Á þriðjudag 11. nóvember og miðvikudag 12. nóvember fara fram íbúafundir á Ísafirði, Suðureyri, Þingeyri og Flateyri um sorphirðu og söfnun endurvinnsluefna. Arngrímur Sverrisson, rekstrarstjóri Terra, Líf Lárusdóttir, markaðsstjóri Terra og Gunnar Árnason, rekstrarstjóri Terra á Vestfjörðum, verða með myndræna kynningu um starfsemi þeirra, hvaða efni falla undir hvaða flokk og hvað verður síðan um efnin okkar. Farið verður yfir hvers vegna er mikilvægt að skola endurvinnsluefnin, hvað á heima í lífrænu tunnunni og svo gefst tími fyrir spurningar frá fundargestum. Á staðnum verður einnig Ralf Trylla, umhverfisfulltrúi Ísafjarðar.

Við hvetjum áhugasama til að mæta á svæðið.

Þriðjudagur 12. nóvember

17:30-18:30: Fundarsalur á 4. hæð í Stjórnsýsluhúsinu á Ísafirði
20:00-21:00: Félagsheimilið á Suðureyri

Miðvikudagur 13. nóvember

17:00-18:00: Blábankinn á Þingeyri

20:00-21:00: Félagsbær á Flateyri

Hvar enda þín raftæki?

Thu, 17 Oct 2019 10:14:00 GMT

Þann 14. október og dagana í kring er dagur alþjóðlegs átaks í söfnun raftækja. Átakið er sett af stað að frumkvæði WEEE Forum og er dagurinn nú haldinn í annað sinn til þess að vekja athygli á endurvinnslu raftækjaúrgangs og hvetja neytendur til að skila raftækjum. Þátttakendur í ár eru í um 40 löndum víðs vegar um heim. WEEE-forum eru alþjóðleg samtök aðila sem fara með framleiðendaábyrgð vegna raf- og rafeindatækjaúrgangs. Úrvinnslusjóður er í samtökunum og hefur staðið fyrir átakinu hér á landi.

Terra umhverfisþjónusta safnar og tekur við raftækjaúrgangi og kemur honum í réttan farveg. Í ónýtum og úreltum raftækjum leynast bæði verðmæti sem ekki er gott að fari forgörðum og spilliefni sem við viljum ekki fá út í umhverfið. Staðreyndin er hins vegar sú að smærri raftæki eiga það til að lenda í almennu rusli vegna smæðar sinnar og vegna þess að ekki hafa allir hugann við eða hugmynd um hvað er rétt í þessum efnum. Það er einnig líklegt að slík tæki leynist í skúffum og skápum landsmanna, engum til gagns.

Hvað er raftækjaúrgangur?
Undir raftækjaúrgang flokkast allskyns tæki og tól, þar á meðal lítil tæki sem ganga fyrir rafhlöðum.

Í þennan flokk getum við fellt:

farsíma
tónhlöður
fjarstýringar
litlar myndavélar
rafmagnstannbursta
vekjaraklukkur
úr
rafrettur
handfrjálsar tölvumýs
bluetooth-búnað
hitamæla (t.d. kjöthitamæla)
veglykla
bílskúrshurðaopnara
vasaljós
reiknivélar

... og margt fleira.

Terra Efnaeyðing hefur á boðstólum sérstaka margnota kassa til söfnunar á rafhlöðum á heimilum. Það er líka kjörið að henda smáraftækjum með rafhlöðum í kassann.

Sama á við um „Rafhlöðutunnuna“ sem við hugsum meira fyrir fyrirtæki þar sem mikið fellur til af rafhlöðum og fyrir sérstaka söfnunarstaði. Svoleiðis tunnur eru t.d. á bensínstöðvum N1 og Skeljungs, 10-11, Hagkaup, Elko, BYKO, Húsasmiðjunni og Bauhaus. Í þessar tunnur er tilvalið að losa heimiliskassann en það er einnig hægt að gera á endurvinnslustöðvum Sorpu og á söfnunarstöðum sveitarfélaga um land allt.

Smáu raftækin eru send til endurvinnsluaðila í Svíþjóð. Þar eru aðgreindir og endurheimtir málmar og plast og allt nýtanlegt efni fer síðan inn í framleiðsluhringrásina

Höfundur greinar er Jón H. Steingrímsson framkvæmdastjóri Terra Efnaeyðingar.

Við erum Terra

Mon, 07 Oct 2019 13:24:00 GMT

Gámaþjónustan, Gámaþjónusta Norðurlands, Efnamóttakan og Hafnarbakki skipta um nafn í dag og munu héðan í frá verða Terra.

Terra er latneskt heiti jarðargyðjunnar og eitt af nöfnum plánetunnar sem er heimkynni okkar allra og á vel við, enda snýr allt okkar starf að bættri umgengni við jörðina.

Nýtt merki félagsins byggir á hringformi sem vísar til jarðarinnar, en einnig birtist í merkinu spírað fræ, tákn sjálfbærni og endurnýjunar til framtíðar.

Terra skilgreinir sig sem fyrirtæki í umhverfisþjónustu, býður upp á lausnir til söfnunar og flokkunar á úrgangi og endurvinnsluefnum, og sér um að koma þessum efnum í réttan farveg. Terra starfar um land allt.

Terra vinnur að því með viðskiptavinum félagsins að flokka sem mest og hvetur jafnframt til minni notkunar á umbúðum og efnum sem þarfnast sérstakrar meðhöndlunar. Markmið Terra er að skilja ekkert eftir.

3 nýjir bílar afhentir

Tue, 09 Jul 2019 13:06:00 GMT

Þrír nýjir bílar voru afhentir í vikunni, allt Scania Krókbílar. Tveir af þessum þremur fara í notkun á höfuðborgarsvæðinu, en sá þriðji fer til Terra Norðurland.
Myndin er frá afhendingu á bílunum f.v. Gunnar Bragason fyrrverandi forstjóri Terra, Bjarni Arnarsson framkvæmdarstjóri sölusviðs Kletts, Ómar Arnar Ómarsson krókbílstjóri Terra, Guðni Butt Davíðsson krókbílstjóri Terra, Hannes Örn Ólafsson þjónustustjóri Terra og Snorri Sigurðsson fyrrverandi verkstæðisformaður Terra.

Hvar enda smáraftækin þín?

Thu, 07 Mar 2019 10:10:00 GMT

Efnamóttakan hf. hefur meðal annars það hlutverk að safna og taka á móti raftækjaúrgangi og koma honum í réttan farveg. Undir raftækjaúrgang flokkast mikið af tækjum og tólum sem finna má víða á heimilum um allt landið. Þegar kemur að því að losa sig við ónothæf raftæki þá er venjan að fara með þau á gámasvæði í hverju sveitarfélagi enda enginn leið að koma þeim fyrir í tunnum fyrir utan heimilin. Öðru máli gegnir hins vegar með smáraftækin, sem einnig leynast víða og eiga það til að blandast saman með almennu rusli. Mest hætta er á að þessi raftæki „lendi“ með almennu rusli vegna smæðar sinnar og vegna þess að ekki hafa allir hugann við eða hugmynd um hvað er rétt í þessum efnum.

Með smáraftækjum er helst átt við lítil raftæki sem knúin eru rafhlöðu og eru kannski ekki stærri en svo að falla vel í lófa manns. Í þennan flokk getum við fellt:

Farsíma
Hlaðvarpa (Ipod)
Fjarstýringar
Litlar myndavélar
Rafmagnstannbursta
Litlar vekjaraklukkur
Úr
Tölvumýs (handfrjálsar)
Annar handfrjáls (bluetooth) búnaður
Hitamælar (t.d. kjöthitamælar)
Veglykla
Vasaljós
Reiknivélar
.... og margt fleira.

Með því að setja þessi raftæki og önnur hliðstæð í almennt rusl er ekki einasta verið að koma í veg fyrir eðlilega og sjálfsagða endurvinnslu á þessum hluta raftækja heldur er í mörgum tilvikum verið að henda rafhlöðunni sem tækið geymir sömu leið með tilheyrandi mengun fyrir bæði jarðveg og haf. Það er líka líklegt að sum tæki á þessum lista liggi í skúffum og skápum landsmanna, engum til gagns, sérstaklega farsímar.

Til margra ára höfum við hjá Efnamóttökunni haft á boðstólum sérstakar öskjur eða -kassa fyrir heimilin til söfnunar á rafhlöðum. Undanfarin ár höfum við sérstaklega bent fólki á og hvatt það til að setja einnig í þessa kassa smáraftækin með rafhlöðunni í. Einnig er kassinn þannig merktur eins og sjá má á meðfylgjandi mynd. Sama á við um „Rafhlöðutunnuna“ sem hugsuð er meira fyrir fyrirtæki þar sem mikið fellur til af rafhlöðum og fyrir sérstaka söfnunarstaði.

Þannig er tekið á móti innihaldi rafhlöðukassanna (sem eru margnota!) í þessar tunnur á mörgum stöðum á höfuðborgarsvæðinu eins og eins og bensínstöðvum N1 og Skeljungs, 10-11, Hagkaupum, Elko, BYKO, Húsasmiðjunni og Bauhaus auk þess sem hægt er að skila því á endurvinnslustöðvum Sorpu og á söfnunarstöðum sveitarfélaga um land allt.

Þegar við móttökum síðan kassana og tunnurnar flokkum við í sundum tæki og rafhlöður og komum hvorutveggju í tilhlýðilega meðhöndlun og endurvinnslu. Rafhlöðurnar fara til Frakklands þar sem þær eru flokkaðar eftir efni í kolarafhlöður, nikkel-kadmium, liþíum, nikkel-metal hydride og kvikasilfur. Síðan fer hver flokkur í tætingu, hreinsun og bræðslu eftir efni sínu þar sem málmahluti rafhlöðunnar er endurheimtur og síðan komið aftur inn í hringrásina.

Um smáu raftækin gildir það sama. Þau enda um þessar mundir hjá endurvinnsluaðila í Svíþjóð. Þar eru aðgreindir og endurheimtir málmar eftir tegundum sem og plast og hver straumur fer síðan inn í framleiðsluhringrásina aftur.

Jón H. Steingrímsson framkvæmdastjóri Efnamóttökunnar hf. skrifaði greinina en meginefni hennar birtist þann 13. október 2018 i tilefni af átaksdegi um endurvinnslu raftækja.

Terra - Skiljum ekkert eftir

Terra endurnýjar samstarf við Hringiðu

Terra opnar fyrir umsóknir í umhverfis- og nýsköpunarstyrktarsjóð

Umhverfisfyrirtæki Terra á landsbyggðinni

Umhverfisverðlaun Terra á höfuðborgarsvæðinu

Þjónustuvefur Terra hlýtur tilnefningu

Terra verður á Verk og Vit

Blind svæði

Fjölnota kveikjarar

Góð umhirða við grenndargáma

Flokkum flugeldasorp

Verðbreytingar

Opnunartími Terra yfir hátíðirnar

Flokkun tengd jólunum

Smáköku gleðitíminn er genginn í garð

Hættur sem fylgja því að yfirfylla úrgangsílát!

Nýr og öflugri Þjónustuvefur Terra er kominn í loftið

Terra opnar fyrir umsóknir um styrki

Alþjóðlegi rafrusldagurinn 2025 – mikilvægi hráefna í hringrásarhagkerfi

Terra vann útboð fyrir Norðurþing og Tjörneshrepp

Dagur íslenskrar náttúru – sameiginleg ábyrgð okkar allra

Matarleifar eru auðlind

Mikilvægi þess að huga að aðkomu söfnunaríláta við heimili og fyrirtæki

Hvernig náum við árangursríkri flokkun úrgangs!

Verðbreytingar

Mikilvægt er að flokka nikótínvörur rétt

Flokkun úrgangs – gott fyrir hjartað, heimilið og jörðina

Terra endurmerkir ílát með nýjum límmiðum

Mikilvægi þess að flokka rétt!

Verðbreytingar

ÍA og Terra sameina krafta sína til að bæta flokkun á Norðurálsmótinu

Er slysahætta í kringum sorpílátið heima hjá þér? / Aðgengi og öryggi í kringum sorpílát

Eldur í óflokkuðum úrgangi á útisvæði hjá Terra í Berghellu

Líftími hjóla

Takk fyrir að flokka rafrettur

Breyting á verðskrá og innheimtuaðferð í Vestmannaeyjum

Opnunartími Terra yfir páskana

Lítil rafhlaða getur kveikt stóran eld

Ábyrgð í öryggismálum er okkar allra

Alþjóðlegi endurvinnsludagurinn er 18.mars

Helstu kostir djúpgáma

Árangursrík flokkun: Skrefin að sjálfbærari starfsemi!

PCC BakkiSilicon hlýtur umhverfisverðlaun Terra á landsbyggðinni 2024

Íslandshótel hlýtur umhverfisverðlaun Terra 2024 á höfuðborgarsvæðinu

Terra er vinnustaður í fremstu röð!

Saman náum við árangri!

Terra er áframhaldandi bakhjarl Hringiðu.

Hvernig á að flokka flugeldaúrgang?

Verðbreytingar

Hvað á að gera við lifandi jólatré eftir jólahátíðina?

Opnunartími Terra yfir hátíðirnar

Flokkum og endurvinnum raftæki stór og smá!

Nýr þjónustusamningur í Vestmannaeyjum

Frábært samstarf við Nespresso á Íslandi

Terra er framúrskarandi!

Hættur sem fylgja því að yfirfylla úrgangsílát!

Alþjóðlegur dagur raf- og rafeindatækjaúrgangs

Skiljum ekkert eftir!

Terra áfram með úrgangshirðu á Seltjarnarnesi

Matarleifar eru auðlind

Betri árangur í úrgangsmálum!

Terra innleiðir nýtt úrgangshirðukerfi á Akureyri

Terra aðili að UN Global Compact

Verðbreytingar

Saman gegn matarsóun

Endurvinnslutunnan sótt á næstu dögum hjá Akureyringum

Terra hættir að bjóða upp á þjónustu varðandi þurrsalerni

Úrgangsþríhyrningurinn

Djúpgámar á Akureyri

Terra skrifar undir samning við Garðabæ og Mosfellsbæ

Úrgangsþjónusta við Akraneskaupstað næstu 6 árin

Mikilvægt skref í orkuskiptum í þungaflutningum

Hollráð - Nikótínvörur

Betra samfélag ef við stuðlum öll að sjálfbærni

Opnunartímar - rauðir dagar í apríl og maí

Terra á stórsýningunni Verk og Vit

Norðurorka hlýtur Umhverfisverðlaun Terra 2023 á landsbyggðinni

Opnunartími Terra um páskana

Heimsókn frá nemum í Setbergsskóla

IKEA hlýtur Umhverfisverðlaun Terra 2023

Nýr og öflugri Þjónustuvefur Terra er kominn í loftið

Terra endurmerkir ílát með nýjum límmiðum

Eldur kviknaði í stálgrindarhúsi Terra umhverfisþjónustu