Fyrirtækið

Terra leggur ríka áherslu á að auðvelda Íslendingum að skilja ekkert eftir; endurnýta, flokka og meðhöndla endurvinnsluefni og annan úrgang með ábyrgum hætti. Að skilja ekkert eftir er þýðing á Zero Waste sem er alþjóðlegt átak um að bæta umgengni við jörðina með því að draga úr mengun og minnka sóun. Terra hefur einsett sér að aðstoða fyrirtæki og heimili í þessum efnum, hvetja til minni notkunar á umbúðum og einfalda flokkun.

Fyrirtækið hefur starfað við flokkun og söfnun endurvinnslu efna frá árinu 1984 og vinnur með fyrirtækjum, sveitarfélögum og einstaklingum í endurvinnslu og umhverfisvænni úrgangsstjórnun með áherslu á að koma öllum þeim efnum sem falla til í viðeigandi farveg og aftur inn í hringrásarhagkerfið.

Þjónustu- og gæðastefna

Umhverfisstefna

Vinnuverndar- og öryggisstefna

Tilgangur og umfang

Stefnan tekur til allra sem starfa fyrir Terra og er sett til þess að marka skýra stefnu í vinnuverndar og öryggismálum og sem leiðarljós í daglegum rekstri. Starfsfólk, undirverktakar, aðrir þjónustuaðilar skulu virða hana í öllum störfum sínum fyrir félagið. Stefnan tekur mið af sjálfbærnistefnu félagsins ásamt því að uppfylla kröfur í lögum, reglum og reglugerðum.

Stefna

Komum heil heim
Terra leggur ríka áherslu á bæði líkamlega og andlega heilsu starfsfólks. Félagið vinnur að því að byggja upp virka öryggis- og heilsuvitund til að lágmarka líkur á slysum, tjónum og fjarvistum vegna veikinda.

Unnið er að stöðugum umbótum með reglulegu eftirliti með vinnuverndar- og öryggismálum með því að skrá atvik og ófullnægjandi aðstæður, greina orsakir og framkvæma umbætur.

Starfsfólkið vinnur saman sem ein heild og styður við hvort annað. Við viljum öll koma heil heim og minnum hvort annað á mikilvægi þess að fylgja öryggisreglum félagsins.

Vinnustaðurinn

Terra gerir kröfu til þeirra sem sinna stjórnunar- og leiðtogahlutverki um að sýna gott fordæmi þegar kemur að heilsu-, öryggis- og vinnuverndarmálum og hvetji starfsfólk sitt til að huga vel að þessum atriðum. Ábyrgðin er skýr og starfsfólk veit og finnur að heilsa þeirra og öryggi hefur ávallt forgang.

Með upplýsingagjöf, reglulegu samtali, þjálfun og fræðslu eflir Terra heilsu-, vinnuverndar- og öryggisvitund hjá starfsfólki til að skapa það vinnuumhverfi sem félagið vill vera stolt af.

Aðbúnaður starfsfólks miðar að því að viðhalda góðri heilsu, vellíðan og að fyllsta öryggis sé gætt.

Fólkið

Einelti, kynferðisleg eða kynbundin áreitni og ofbeldi, er undir engum kringumstæðum umborin. Terra fylgir viðbragðsáætlun gegn einelti og annarri áreitni sem er aðgengileg öllu starfsfólki.

Áhætta er metin í allri starfseminni og áhættur í hverju verki eru ávallt undir stjórn. Hvert starf er áhættumetið með starfsfólki sem vinnur starfið. Ekkert verk er svo mikilvægt að hætta megi öryggi fólks eða búnaðar. Það er alltaf leitað að öruggari leið.

Öll vímuefna- og áfengisneysla á vinnutíma og neysluhléum er stranglega bönnuð sem og neysla hugbreytandi efna sem fer fram það nálægt vinnutíma að ætla má að áhrifa þeirra gæti við vinnugetu þegar viðkomandi starfsmaður mætir til vinnu.

Öll sem starfa fyrir Terra eru ábyrg fyrir eigin heilsu og öryggi, tala fyrir auknu öryggi og heilsu samstarfsfólks og leitast við að koma auga á, meta og stjórna áhættum í vinnuumhverfinu.

Ábyrgð 

Stjórnendur skulu sýna gott fordæmi og bera ábyrgð á að skapa aðstæður og vinnuumhverfi til að hrinda stefnu þessari í framkvæmd. Allt starfsfólk skal kynna sér efni stefnunnar og framfylgja henni. Forstjóri ber heildarábyrgð á stefnunni og framkvæmdastjórn í heild skal tryggja eftirfylgni stefnunnar ásamt gæða-, umhverfis- og öryggisstjóra og mannauðsstjóra.

Viinnuverndar- og öryggisstefna.pdf

Jafnréttis- og jafnlaunastefna Terra

Tilgangur

Tilgangur jafnréttis- og jafnlaunastefnu Terra er að stuðla að jafnrétti og tryggja jöfn laun og kjör fyrir sömu eða jafnverðmæt störf í samræmi við lög um jafna stöðu og jafnan rétt kynjanna nr. 150/2020.

Terra leggur áherslu á jafnrétti, virðingu og fjölbreytileika á vinnustaðnum og að allt starfsfólk njóti sömu tækifæra, óháð kyni, kynvitund, kynhneigð, aldri, þjóðerni, uppruna, fötlun, trú, fjölskylduaðstæðum eða öðrum persónubundnum þáttum.

Stefnan nær til alls starfsfólks fyrirtækisins og er stjórnendum og starfsfólki gert að fylgja henni. Markmið Terra er að skapa vinnuumhverfi þar sem jafnrétti er haft að leiðarljósi og að fyrirtækið sé eftirsóttur vinnustaður fyrir fjölbreyttan hóp starfsfólks.

Launaákvarðanir og jafnræði

Stefna fyrirtækisins er að launaákvarðanir byggjast á málefnalegum forsendum og að allt starfsfólk njóti jafnra launa fyrir sömu eða jafnverðmæt störf, óháð kyni eða öðrum persónubundnum þáttum.

Við launaákvörðun er stuðst við flokkun starfa, starfslýsingu, umfang og eðli starfs, ábyrgð, hæfni, frammistöðu í starfi og starfsreynslu. Allir stjórnendur Terra skuldbinda sig til að framfylgja stefnunni og bera sameiginlega ábyrgð á að viðhalda stöðugum umbótum á öllum þáttum jafnréttis- og jafnlaunastefnunnar.

Terra leggur jafnframt áherslu á að tryggja jafnræði í ráðningum, starfsþróun, fræðslu og framgangi í starfi þannig að starfsfólk hafi jöfn tækifæri til að þróast og vaxa í starfi.

Framfylgd og umbætur

Til að framfylgja stefnunni skuldbindur Terra sig til að:

Starfrækja jafnlaunakerfi sem byggir á jafnlaunastaðlinum ÍST 85:2012 og skjalfesta, innleiða og viðhalda því í samræmi við kröfur staðalsins.
Framkvæma launagreiningu að minnsta kosti einu sinni á ári þar sem borin eru saman jafnverðmæt störf og kannað hvort mælist munur á launum eftir kynjum.
Kynna helstu niðurstöður launagreiningar fyrir starfsfólki fyrirtækisins.
Bregðast við og vinna markvisst að umbótum ef stefnunni hefur ekki verið fylgt eftir.
Setja fram markmið um stöðugar umbætur í jafnréttis- og jafnlaunamálum og fylgjast með árangri þeirra.
Fylgja viðeigandi lögum, reglum og öðrum kröfum sem í gildi eru á hverjum tíma.
Kynna stefnuna fyrir starfsfólki fyrirtækisins og hafa hana aðgengilega á innri vef.
Birta stefnuna á vefsíðu fyrirtækisins.

Ábyrgð og endurskoðun

Forstjóri Terra ber ábyrgð á stefnunni og að henni sé framfylgt.

Mannauðsstjóri Terra ber ábyrgð á innleiðingu, eftirfylgni, skjalfestingu og viðhaldi jafnlaunakerfisins í samræmi við kröfur jafnlaunastaðalsins ÍST 85:2012.

Mannauðstjóri skal sjá til þess að stefnu þessari sé viðhaldið og hún endurskoðuð reglulega og uppfærð eftir þörfum.

Samþykkt af forstjóra Terra 9. apríl 2026

Jafnréttis- og jafnlaunastefna.pdf

Mannauðstefna

Við tryggjum að Terra umhverfisþjónustu hf. og dótturfélög búi yfir hæfu, áhugasömu og kraftmiklu starfsfólki til að leysa verkefni fyrirtækisins á hverjum tíma.

Tilgangur og umfang

Stefnan tekur til allra starfsemi Terra og er sett til þess að marka okkur skýra stefnu í mannauðsmálum og sem leiðarljós í okkar daglegum rekstri. Starfsfólk skal virða hana í öllum störfum sínum fyrir félagið. Stefnan tekur mið af sjálfbærnistefnu félagsins ásamt því að uppfylla viðeigandi kröfur í lögum, reglugerðum og reglum.

Hér má finna Mannauðsstefnu Terra

Sjálfbærnistefna

Við viljum stuðla að sjálfbærni.

SHlutverk okkar hjá Terra umhverfisþjónustu hf. er að koma efnum sem flæða í gegn hjá okkur í réttan farveg og sem mestu aftur í hringrásina á umhverfisvænan hátt. Þannig viljum við stuðla að sjálfbærara samfélagi ásamt því að bæta umgengni við jörðina, veita starfsfólki okkar heilbrigt og öruggt starfsumhverfi og styðja við viðskiptavini okkar að ná sem mestum árangri í umhverfisvænni úrgangsstjórnun. Við viljum auk þess vera til fyrirmyndar þegar kemur að góðum stjórnarháttum og hafa þannig jákvæð áhrif á okkar hagaðila og virðiskeðju.

Hér má finna Sjálfbærnistefnu Terra

Skattastefna

Stefna þessi tekur til starfsemi Terra og er sett til þess að marka skýra stefnu í skattamálum á samstæðugrunni og sem leiðarljós í daglegum rekstri. Terra gerir sér grein fyrir mikilvægi þess hvernig skattgreiðslur hafa áhrif á samfélag og þróun þess á þeim svæðum þar sem samstæðan starfar. Stefnan er hluti af langtímaáætlun félagsins og tekur mið af sjálfbærnistefnu þess ásamt því að uppfylla kröfur í lögum, reglum og reglugerðum.

Hér má finna skattastefnu Terra

Siðareglur

Siðareglur þessar gilda um stjórn, stjórnendur og starfsfólk félagsins, á samstæðugrunni.

Stjórn Terra umhverfisþjónustu hf. telur mikilvægt að starfsemi og viðskipti félagsins séu stunduð af heilindum og að orðspor hagaðila sem og okkar sé í heiðri haft. Tilgangur siðareglna þessara er að veita stjórn, stjórnendum og starfsfólki Terra umhverfisþjónustu og dótturfélaga (hér eftir sameiginlega vísað til sem „félagið“ eða „við“) og annarra sem starfa eða koma fram undir merkjum félagsins almennar leiðbeiningar þegar kemur að því að gæta siðferðislegrar ábyrgðar. Þær eru hluti af þeim anda sem félagið vill að sé ríkjandi í störfum þess. Þær eru ekki tæmandi, heldur leiðbeinandi og hvetjandi.

Hér má finna siðareglur Terra

Siðareglur birgja

Siðareglur þessar gilda um birgja, þ.e. fyrirtæki eða einstaklingar sem Terra greiðir fyrir vöru, þjónustu eða verk. Siðareglur þessar eru settar með stoð í sjálfbærnistefnu Terra með markmið í umhverfis-, félagslegum- og stjórnarháttum, ásamt því að styðja við Heimsmarkmið Sameinuðu þjóðanna um sjálfbæra þróun. Terra hefur þar með skuldbundið sig til þess að starfa í samræmi við grundvallarviðmið sem snúa m.a. að umhverfismálum, mannréttindum og aðgerðum gegn spillingu.

Hér má finna siðareglur birgja Terra

Hafðu samband

5352500

Terra

- skiljum ekkert eftir

Starfsstöðvar

Tengiliðir

- Höfuðborgarsvæðið

Anna Jóna Kjartansdóttir

Arngrímur Sverrisson

Bókhald

Davíð Þór Jónsson

Egill Árni Sigurjónsson

Elísabet Magnúsdóttir

Erna Björk Häsler

Geir Sigurður Gíslason

Gísli Þór Arnarsson

Gróa Björg Baldvinsdóttir

Gunnar Jósef Friðriksson

Hildur Emilsdóttir

Hildur Ýr Þórðardóttir

Hlynur Viðar Birgisson

Hrefna María Pálsdóttir

Ingvar Vigur Halldórsson

Innheimtudeild

Jóhann Gunnarsson

Jón Garðar Hreinsson

Jón H Steingrímsson

Jónas Þorkelsson

Karl F. Thorarensen

Logi L. Hilmarsson

Mannauður

Orri Freyr Brynjarsson

Pétur Gísli Jónsson

Rakel Bærings Halldórsdóttir

Sara Anna Klimaszewska

Sigurrós Björg Rix

Sigrún Hjaltested

Valgeir Baldursson

Valgerður Sigrúnar Vigfúsdóttir

Valtýr Rúnar Gunnlaugsson

Þorfinnur Kristinn Árnason

Valgeir Baldursson

Valgerður Sigrúnar Vigfúsdóttir

- Vesturland

Jóhannes Geir Guðnason

Anna Jóna Kjartansdóttir

Anna Jóna Kjartansdóttir

Anna Jóna Kjartansdóttir

- Norðvesturland

Guðmundur Guðbrandsson

Helgi Pálsson

Valgeir Baldursson

Valgerður Sigrúnar Vigfúsdóttir

- Norðurland

Andrea Ólafsdóttir

Helgi Pálsson

Kristbjörn Viðar Baldursson

Anna Jóna Kjartansdóttir

- Vestmannaeyjar

Daníel Edward Jónsson

Anna Jóna Kjartansdóttir

Anna Jóna Kjartansdóttir

Anna Jóna Kjartansdóttir

- Austurland

Áslaug Kolbrún Stefánsdóttir

Jóhann Óskar Guðmundsson

Jón Trausti Guðjónsson

Anna Jóna Kjartansdóttir

Anna Jóna Kjartansdóttir

Arngrímur Sverrisson

Bókhald

Davíð Þór Jónsson

Egill Árni Sigurjónsson

Elísabet Magnúsdóttir

Erna Björk Häsler

Geir Sigurður Gíslason

Gísli Þór Arnarsson

Gróa Björg Baldvinsdóttir

Gunnar Jósef Friðriksson

Hildur Emilsdóttir