Tilgangur og umfang

Stefnan tekur til allrar starfsemi Terra og er sett til þess að marka skýra stefnu í þjónustu- og gæðamálum og sem leiðarljós í daglegum rekstri félagsins. Starfsfólk skal virða hana í öllum störfum sínum fyrir félagið. Stefnan tekur mið af sjálfbærnistefnu félagsins ásamt því að uppfylla kröfur í lögum, reglum og reglugerðum.

Hér má finna Þjónustu- og gæðastefnu Terra.

Tilgangur og umfang

Stefnan tekur til allrar starfsemi Terra og er sett til þess að marka skýra stefnu í umhverfismálum og sem leiðarljós í daglegum rekstri. Starfsfólk skal virða hana í öllum störfum sínum fyrir félagið. Stefnan tekur mið af sjálfbærnistefnu félagsins ásamt því að uppfylla kröfur í lögum, reglum og reglugerðum.



Hér má finna Umhverfisstefnu Terra.

Tilgangur og umfang

Stefnan tekur til allra sem starfa fyrir Terra og er sett til þess að marka skýra stefnu í vinnuverndar og öryggismálum og sem leiðarljós í daglegum rekstri. Starfsfólk, undirverktakar, aðrir þjónustuaðilar skulu virða hana í öllum störfum sínum fyrir félagið. Stefnan tekur mið af sjálfbærnistefnu félagsins ásamt því að uppfylla kröfur í lögum, reglum og reglugerðum.

Stefna

Komum heil heim
Terra leggur ríka áherslu á bæði líkamlega og andlega heilsu starfsfólks. Félagið vinnur að því að byggja upp virka öryggis- og heilsuvitund til að lágmarka líkur á slysum, tjónum og fjarvistum vegna veikinda.

Unnið er að stöðugum umbótum með reglulegu eftirliti með vinnuverndar- og öryggismálum með því að skrá atvik og ófullnægjandi aðstæður, greina orsakir og framkvæma umbætur.

Starfsfólkið vinnur saman sem ein heild og styður við hvort annað. Við viljum öll koma heil heim og minnum hvort annað á mikilvægi þess að fylgja öryggisreglum félagsins.

Vinnustaðurinn



Terra gerir kröfu til þeirra sem sinna stjórnunar- og leiðtogahlutverki um að sýna gott fordæmi þegar kemur að heilsu-, öryggis- og vinnuverndarmálum og hvetji starfsfólk sitt til að huga vel að þessum atriðum. Ábyrgðin er skýr og starfsfólk veit og finnur að heilsa þeirra og öryggi hefur ávallt forgang.

Með upplýsingagjöf, reglulegu samtali, þjálfun og fræðslu eflir Terra heilsu-, vinnuverndar- og öryggisvitund hjá starfsfólki til að skapa það vinnuumhverfi sem félagið vill vera stolt af.

Aðbúnaður starfsfólks miðar að því að viðhalda góðri heilsu, vellíðan og að fyllsta öryggis sé gætt.

Fólkið

Einelti, kynferðisleg eða kynbundin áreitni og ofbeldi, er undir engum kringumstæðum umborin. Terra fylgir viðbragðsáætlun gegn einelti og annarri áreitni sem er aðgengileg öllu starfsfólki.

Áhætta er metin í allri starfseminni og áhættur í hverju verki eru ávallt undir stjórn. Hvert starf er áhættumetið með starfsfólki sem vinnur starfið. Ekkert verk er svo mikilvægt að hætta megi öryggi fólks eða búnaðar. Það er alltaf leitað að öruggari leið.

Öll vímuefna- og áfengisneysla á vinnutíma og neysluhléum er stranglega bönnuð sem og neysla hugbreytandi efna sem fer fram það nálægt vinnutíma að ætla má að áhrifa þeirra gæti við vinnugetu þegar viðkomandi starfsmaður mætir til vinnu.

Öll sem starfa fyrir Terra eru ábyrg fyrir eigin heilsu og öryggi, tala fyrir auknu öryggi og heilsu samstarfsfólks og leitast við að koma auga á, meta og stjórna áhættum í vinnuumhverfinu.

Ábyrgð 

Stjórnendur skulu sýna gott fordæmi og bera ábyrgð á að skapa aðstæður og vinnuumhverfi til að hrinda stefnu þessari í framkvæmd. Allt starfsfólk skal kynna sér efni stefnunnar og framfylgja henni. Forstjóri ber heildarábyrgð á stefnunni og framkvæmdastjórn í heild skal tryggja eftirfylgni stefnunnar ásamt gæða-, umhverfis- og öryggisstjóra og mannauðsstjóra.

Tilgangur og umfang

Stefnan tekur til allrar starfsemi Terra og er sett til þess að marka skýra stefnu í umhverfismálum og sem leiðarljós í daglegum rekstri. Starfsfólk skal virða hana í öllum störfum sínum fyrir félagið. Stefnan tekur mið af sjálfbærnistefnu félagsins ásamt því að uppfylla kröfur í lögum, reglum og reglugerðum.



Hér má finna Umhverfisstefnu Terra.

Við tryggjum að Terra umhverfisþjónustu hf. og dótturfélög búi yfir hæfu, áhugasömu og kraftmiklu starfsfólki til að leysa verkefni fyrirtækisins á hverjum tíma.

Tilgangur og umfang

Stefnan tekur til allra starfsemi Terra og er sett til þess að marka okkur skýra stefnu í mannauðsmálum og sem leiðarljós í okkar daglegum rekstri. Starfsfólk skal virða hana í öllum störfum sínum fyrir félagið. Stefnan tekur mið af sjálfbærnistefnu félagsins ásamt því að uppfylla viðeigandi kröfur í lögum, reglugerðum og reglum. 

Hér má finna Mannauðsstefnu Terra.pdf

Tilgangur og umfang

Stefnan tekur til allra starfsemi Terra og er sett til þess að marka okkur skýra stefnu í mannauðsmálum og sem leiðarljós í okkar daglegum rekstri. Starfsfólk skal virða hana í öllum störfum sínum fyrir félagið. Stefnan tekur mið af sjálfbærnistefnu félagsins ásamt því að uppfylla viðeigandi kröfur í lögum, reglugerðum og reglum.

Stefna

Stefna okkar í mannauðsmálum er að skapa jákvætt og heilbrigt vinnuumhverfi þar sem starfsfólk er hvatt til að viðhalda gleðinni, vera uppbyggilegt, lausnamiðað, huga að hvort öðru en á sama tíma taka ábyrgð á eigin frammistöðu.

Við viljum að ferðalagið hjá okkur sé gefandi, skemmtilegt og starfsfólk vaxi hjá okkur sem einstaklingar. Við viljum að samstarf okkar byggist á gagnkvæmu trausti og virðingu.

Hjá okkur erum við öll jöfn og öll höfum við jöfn tækifæri innan fyrirtækisins. Við viljum að starfsfólk upplifi sig sem mikilvægan hluta af heildinni. Við viljum að starfsfólk okkar hjálpist að og vinni saman sem lið og styðji hvort annað við að ná sameiginlegum árangri.

Í okkar starfsumhverfi er jafnvægi milli vinnu og einkalífs og lagt er upp með gagnkvæman sveigjanleika. Við tökum vel á móti nýju starfsfólki og veitum því góða fræðslu og þjálfun.

Stjórnun til fyrirmyndar

Við gerum þá kröfu til þeirra sem sinna stjórnunar- og leiðtogahlutverki að þau sýni gott fordæmi og komi fram af virðingu. Stjórnendur og leiðtogar stuðla að valdeflingu, eru hvetjandi, byggja upp traust og öfluga liðsheild. Stjórnendur og leiðtogar halda starfsfólki sínu vel upplýstu og veita þeim reglulega uppbyggilega endurgjöf um hlutverk, árangur og markmið í starfi.

Ráðningar og móttaka starfsfólks

Við vöndum okkur við hverja ráðningu og erum fagleg í því ferli. Við upplýsum og mátum gildi og stefnu félagsins við umsækjendur. Við leggjum áherslu á jákvætt hugarfar og liðshugsun við ráðningu. Við leitumst eftir að hafa starfsfólk með fjölbreyttan bakgrunn þegar litið er til kyns, aldurs, menntunar og reynslu, auk þess sem litið er til kynjahlutfalls í þann hóp sem ráðið er í með jafnrétti í huga. Við tökum öll vel á móti nýju starfsfólki og veitum því góða leiðsögn í nýtt starf, með fræðslu, upplýsingum og viðeigandi búnaði sem til þarf.

Fræðsla, þjálfun og starfsþróun

Við tryggjum að starfsfólk okkar fái viðeigandi fræðslu og þjálfun í hvert starf. Við bjóðum upp á fjölbreytta fræðslu og þjálfun sem tekur mið af stefnu félagsins, fyrirliggjandi kröfum og innri reglum félagsins.

Við sköpum menningu sem leggur áherslu á vaxtar hugarfar. Við viljum valdefla okkar starfsfólk og hvetja það með fræðslu og þjálfun á sama tíma að það taki ábyrgð á eigin þekkingu og hæfni.

Við leitum leiða að verða við óskum starfsfólks þegar kemur að starfsþróun. Við lítum til starfsfólks okkar þegar ný tækifæri opnast og vinnum út frá áhuga, hæfni og styrkleika hvers og eins.

Starfsumhverfið

Við erum vinnustaður með fjölbreytt verkefni og ólíkar þarfir sem við mætum með góðum aðbúnaði og aðstöðu fyrir okkar starfsfólk. Við erum fjölskylduvænn vinnustaður sem einkennist af gagnkvæmum sveigjanleika, þar sem við leitumst við að láta þarfir einkalífsins og vinnustaðarins fara saman.

Við sköpum og viðhöldum menningu sem einkennist af trausti þar sem starfsfólk fær umboð til athafna og tekur ábyrgð á eigin frammistöðu.

Jöfn tækifæri fyrir alla

Hjá okkur erum við öll jöfn. Við tryggjum jöfn tækifæri og kjör til starfsfólks okkar án tillits til kyns, kynvitundar, kynhneigðar, uppruna, þjóðernis, litarhafts, aldurs, fötlunar, trúar eða annarra stöðu í takt við jafnréttis- og jafnlaunastefnu og jafnréttisáætlun sem byggist á lögum um jafna stöðu og jafnan rétt kynjanna.

Lögð er áhersla á að skapa góðan vinnustað þar sem jafningja- og jafnréttis er gætt og starfsfólk nýtur virðingar og mismunandi sjónarmið fá að njóta sín. Sjá nánar jafnréttis- og jafnlaunastefnu, jafnréttisáætlun og heilsu- og öryggisstefnu.

Það verður að vera gaman

Við leggjum upp úr því að hafa léttleika í fyrirrúmi og skapa jákvæða menningu. Við hvetjum starfsfólkið okkar að sjá jákvæðu og spaugilegu hliðarnar. Saman sköpum við fjörugt og skemmtilegt félagslíf meðal annars með fjölbreyttri dagskrá starfsmannafélags Terra. Við fögnum litlum sem stórum sigrum og hvetjum hvort annað áfram til góðra verka.

Starfslok

Við skiljum vel við fólkið okkar þegar kemur að starfslokum með virðingu að leiðarljósi. Við mælum og könnum ástæðu starfsloka. Þegar við kveðjum fólkið okkar höfum við hagsmuni þeirra og Terra að leiðarljósi og leitumst eftir að þeir hagsmunir fari saman.

Ábyrgð

Stjórnendur skulu sýna gott fordæmi og bera ábyrgð á að skapa aðstæður og vinnuumhverfi til að hrinda stefnu þessari í framkvæmd. Allt starfsfólk skal kynna sér efni stefnunnar og framfylgja henni. Forstjóri ber heildarábyrgð á stefnunni og framkvæmdastjórn í heild skal tryggja eftirfylgni stefnunnar ásamt mannauðsstjóra.

tefna þessi öðlast gildi við undirritun.

Samþykkt af forstjóra Terra þann 1. febrúar 2024

Við viljum stuðla að sjálfbærni.



https://www.terra.is/static/files/Public/sjalfbaernistefna-terra-umhverfisthjonustu.pdf

Hlutverk okkar hjá Terra umhverfisþjónustu hf. er að koma efnum sem flæða í gegn hjá okkur í réttan farveg og sem mestu aftur í hringrásina á umhverfisvænan hátt. Þannig viljum við stuðla að sjálfbærara samfélagi ásamt því að bæta umgengni við jörðina, veita starfsfólki okkar heilbrigt og öruggt starfsumhverfi og styðja við viðskiptavini okkar að ná sem mestum árangri í umhverfisvænni úrgangsstjórnun. Við viljum auk þess vera til fyrirmyndar þegar kemur að góðum stjórnarháttum og hafa þannig jákvæð áhrif á okkar hagaðila og virðiskeðju.

Stefna þessi tekur til starfsemi Terra og er sett til þess að marka skýra stefnu í skattamálum á samstæðugrunni og sem leiðarljós í daglegum rekstri. Terra gerir sér grein fyrir mikilvægi þess hvernig skattgreiðslur hafa áhrif á samfélag og þróun þess á þeim svæðum þar sem samstæðan starfar. Stefnan er hluti af langtímaáætlun félagsins og tekur mið af sjálfbærnistefnu þess ásamt því að uppfylla kröfur í lögum, reglum og reglugerðum. 

Tilgangur og umfang

Stefna þessi tekur til starfsemi Terra og er sett til þess að marka skýra stefnu í skattamálum á samstæðugrunni og sem leiðarljós í daglegum rekstri. Terra gerir sér grein fyrir mikilvægi þess hvernig skattgreiðslur hafa áhrif á samfélag og þróun þess á þeim svæðum þar sem samstæðan starfar. Stefnan er hluti af langtímaáætlun félagsins og tekur mið af sjálfbærnistefnu þess ásamt því að uppfylla kröfur í lögum, reglum og reglugerðum.

Stefna

Terra hagar skattamálum sínum í samræmi við lög og reglur, ásamt bæði venjum og alþjóðlegum leiðbeiningum, og tekur ekki þátt í starfsemi eða athöfnum þar sem grundvallarviðmið um sanngjarna og réttláta skattlagningu eru virt að vettugi.

Terra greiðir skatta á réttum tíma en greiðsla skatta á ábyrgan hátt er hluti af því að reka fyrirtæki af heilindum og undirstrikar sjálfbærniskuldbindingar okkar.

Félög í samstæðu Terra eru öll með skattalegt lögheimili á Íslandi. Í viðskiptum við tengda aðila er meginreglum um armslengdar kjör fylgt og skattar greiddir þar sem verðmætin verða til.

Þegar til greina kemur að nota skattaívilnanir er nálgun okkar að slík ívilnun sé nýtt að svo miklu leyti sem starfsemi okkar er viðskiptadrifin en ekki rekin af skattasjónarmiðum.

Við höfum stefnu þessa að leiðarljósi þegar við göngum til samninga við verktaka og birgja.

Við viljum eiga í góðu samstarfi við skattyfirvöld og að til staðar séu opin og góð samskipti til að tryggja að þekking og verklag séu með sem besta móti og traust ríki á milli aðila.

Við birtum stefnu þessa á vefsíðu Terra og eru viðeigandi upplýsingar um skattamál samstæðunnar og skattgreiðslur að finna í ársreikningi félagsins. Terra hefur metnað í að taka fleiri skref í uppgjöri er kemur að sjálfbærnimálum og mun félagið halda áfram þeirri vegferð.

Framkvæmd og eftirfylgni

Skattastefna þessi nær til stjórna og starfsfólks samstæðu Terra og skulu þau virða hana í störfum sínum fyrir samstæðuna. Terra hefur verklag og innra eftirlit sem miðar að því að tryggja fylgni við stefnu þessa.

Í samræmi við stefnu okkar og reglur um vernd uppljóstrara er til staðar verklag og kerfi sem tryggir farveg ábendinga, kvartana eða áhyggjum varðandi hegðun eða gjörðir sem ganga gegn viðmiðum okkar og stefnu í skattamálum.

Forstjóri hefur það hlutverk að hrinda stefnu þessari í framkvæmd og hún kynnt fyrir stjórnendum og starfsfólki. Framkvæmdastjórn og stjórnendur félagsins skulu sýna gott fordæmi og skapa aðstæður og vinnuumhverfi til að hrinda stefnu þessari í framkvæmd. Allt starfsfólk skal kynna sér efni stefnunnar og framfylgja henni.

Stefna þessi öðlast gildi við undirritun.

Samþykkt af stjórn Terra þann 17. desember 2024 

Hér má finna skattastefnu Terra