- Þjónusta
- Vörur
- Vinnustaðurinn
- Um okkur
- Vottanir
Flokkunarhandbók
Þegar kemur að flokkun í fyrirtækjum og stofnunum er mikilvægt að allir starfsmenn þekki leikreglurnar svo að hámarksárangur náist í flokkun. Hér verður farið yfir flokkunarleiðbeiningar fyrir hvern og einn flokk! Athugið að flokkunarhandbókin gerir ráð fyrir að allir flokkar séu flokkaðir sérstaklega, sérsöfnun á hverju efni. Allar aðrar útfærslur þarf að útfæra með viðskiptastjóra.
Markmiðið er að hækka endurvinnsluhlutfall, þ.e að hækka hlutfall efna til endurvinnslu/endurnýtingu og minnka hlutfall efna sem er sendur í brennslu.
Við mælum með eftirfarandi vefsíðum til þess að kynna sér enn frekar upplýsingar um flokkun og hringrásarhagkerfið:
Algengustu flokkar fyrirtækja
Algengustu flokkar fyrirtækja
Bylgjupappi
Bylgjupappi er verðmætt endurvinnsluefni og því er mikilvægt að halda því aðskildu frá blönduðum pappa og pappír ef kostur er á. Sjá leiðbeiningar hér
Leiðbeiningar um flokkun á
bylgjupappa
Þeir flokkar sem mega fara með bylgjupappa
- Pappakassar
- Pizzakassar
Til athugunar við flokkun
Til að efni nýtist sem best sem endurvinnsluefni er mikilvægt að aðskilja bylgjupappa frá blönduðum pappír og pappa.
Gler
Allt gler og allar glerumbúðir. Mikilvægt er að búið sé að hreinsa alla matarafganga úr glerinu. Sjá leiðbeiningar hér
Leiðbeiningar um flokkun á
gleri
Til athugunar við flokkun
Mikilvægt er að glerið sé án matarleifa og aðskotahluta s.s. málm- eða plastlokum.
Þeir flokkar sem mega fara með hreinu gleri
- Gluggagler
- Glerumbúðir
- Krukkur (takið málmlok af)
- Blómapottar
- Glerflöskur
- Ilmvatnsglös
- Speglar
- Keramik
- Leirtau
Glær plastfilma
Glærri plastfilmu skal safnað í sérstaka troðslupoka sem gott er að geyma á grind. Sjá leiðbeiningar hér
Leiðbeiningar um flokkun á
glærri plastfilmu
Glærri plastfilmu skal safnað í sérstaka troðslupoka sem gott er að geyma á grind. Athugið að eingöngu glær plastfilma skal fara með í þessa poka.
- Glær plastfilma
Til athugunar við flokkun
Til að efni nýtist sem best sem endurvinnsluefni er mikilvægt að blanda ekki öðru plasti saman við glæra plastfilmu.
Lituð plastfilma
Litaðri plastfilmu skal safnað í sérstaka troðslupoka sem gott er að geyma á grind. Sjá leiðbeiningar hér
Leiðbeiningar um flokkun á
litaðri plastfilmu
Litaðri plastfilmu skal safnað í sérstaka troðslupoka sem gott er að geyma á grind. Athugið að eingöngu lituð plastfilma skal fara með í þessa poka.
- Lituð plastfilma
Til athugunar við flokkun
Til að efni nýtist sem best sem endurvinnsluefni er mikilvægt að blanda ekki öðru plasti saman við glæra plastfilmu.
Textíll
Sængur og sængurver, koddar og koddaver, lök, dúkar, sængurver, tuskur, sloppar og handklæði. Sjá leiðbeiningar hér
Leiðbeiningar um flokkun á textíl
Allt hreint lín má fara með á næstu grenndarstöð eða móttökustöð, ílátin eru merkt textíl.
- Sængur og sængurver
- Koddar og koddaver
- Lök
- Dúkar
- Tuskur
- Sloppar
- Handklæði
og fl.
Til athugunar við flokkun
Til að efnið nýtist sem best er mikilvægt að það sé hreint, ekki er um að ræða fatnað, hlífðarbúnað eða skó.
Matarleifar
Matarleifar, kaffifilterar, tannstönglar (ekki úr plasti), munnþurrkur og fleira. Sjá leiðbeiningar hér
Leiðbeiningar um flokkun á
matarleifum
Þeir flokkar sem mega fara með matarleifum
- Ávextir og ávaxtahýði
- Grænmeti og grænmetishýði
- Egg og eggjaskurn
- Eldaðir kjöt- og fiskafgangar
- Tepokar
- Tannstönglar úr tré
- Kaffikorgur
- Afskorin blóm
Til athugunar við flokkun
Setjið ekki plast, málma, gler eða önnur óhreinindi í lífrænan úrgang! Slíkt eyðileggur gæði moltunnar.
Matarleifarnar er unnið í metangas og einnig er unnið í jarðvegsbæti (moltu). Nauðsynlegt er að nota sérstaka niðurbrjótanlega poka. Þessir pokar fást hjá okkur og eru úr pappa og lífrænni sterkju.
Á suðvesturhorninu þarf að nota þar til gerða bréfpoka þar sem Gaja, gas- og jarðgerðarstöð Sorpu tekur ekki við matarleifum í maíspokum, slíkir pokar eru þó enn leyfðir á landsbyggðinni.
Plastpoka má alls ekki nota!
Málmumbúðir
Leiðbeiningar um flokkun á málmi
Mikilvægt er að búið sé að hreinsa alla matarafganga úr málmumbúðum. Sjá leiðbeiningar hér
Leiðbeiningar um flokkun á
málmi
- Umbúðir úr málmi
- Sprittkertabikarar
- Málmlok af krukkum
Til athugunar við flokkun
Málmur er verðmætt efni sem má endurvinna aftur og aftur með tilheyrandi umhverfislegum ávinningi. Til að efni nýtist sem best sem endurvinnsluefni er mikilvægt að skola allar matarleifar úr málmumbúðum.
Allt efni á að fara laust í tunnuna ekki í lokuðum pokum
ATH! raftæki, gaskútar og kolsýruhylki mega alls ekki fara í þennan flokk.
Pappír og pappi
Allar umbúðir úr pappa og pappír. Mikilvægt er að búið sé að hreinsa alla matarafganga úr pappaumbúðum. Sjá leiðbeiningar hér
Leiðbeiningar um flokkun á
blönduðum pappír og pappa
Þeir flokkar sem mega fara í pappírstunnuna
- Dagblöð
- Umslög og gluggaumslög
- Skrifstofupappír, hefti og bréfaklemmur mega fara með
- Bæklingar
- Bylgjupappi
- Mjólkurfernur, tappinn má fara með
- Gjafapappír
- Eggjabakkar
- Sléttur pappi s.s. morgunkornspakkar
Til athugunar við flokkun
Til að efni nýtist sem best sem endurvinnsluefni er nauðsynlegt að hafa í huga að fjarlægja aðskotahluti, til dæmis plast eða matarleifar, sem rýra endurvinnslugildi efnisins.
Allt efni skal fara laust í tunnuna.
Plastumbúðir
Allar umbúðir úr plasti. FRAUÐPLAST ER SÉRFLOKKUR!
Mikilvægt er að búið sé að hreinsa alla matarafganga úr plastumbúðunum. Sjá leiðbeiningar hér
Leiðbeiningar um flokkun á
plastumbúðum
Þeir flokkar sem mega fara með plastumbúðum
- Plastpokar
- Plastbrúsar
- Plastdósir
- Plastfilma
- Plastumbúðir
- Plastbakkar
- Plastflöskur
Til athugunar við flokkun
FRAUÐPLAST ER SÉRFLOKKUR!
Til að efni nýtist sem best sem endurvinnsluefni þurfa umbúðir að vera tómar og brúsar án vökva.
Allt efni á að fara laust í tunnuna ekki í lokuðum pokum
Hvað svo?
Allur bylgjupappi, pappír og málmar sem við söfnum fer í endurvinnslu. Pappi, pappír og plast er sent úr landi til endurvinnslu. Málmar fara til endurvinnslufyrirtækja hér á landi.
Við sendum plastfilmuna til Hollands þar sem frekari flokkun fer fram og síðan endurvinnsla aftur í plastefni. Það eru síðan margir flokkar af öðru umbúðaplasti, t.d. plastpokum, smærri plastfilmu, plastbökkum, samsettri plastfilmu (t.d. áleggsbréf), skyrdósum, stórum og litlum plastflöskum og brúsum, sem við tökum saman í einn flokk. Þetta plast er núna sent til Þýskalands og Svíþjóð þar sem það fer í nánari flokkun. Meirihluti af plastinu er endurunnið, en hluti þess er ekki nothæft til endurvinnslu, t.d. vegna óhreininda eða samsetningu umbúða. Það plast sem ekki er hæft til endurvinnslu, fer til orkuvinnslu. Þannig nýtist efnið til að búa til hita í stað annarra orkugjafa.
Úrgangsflokkar
Hér er búið að taka saman helstu upplýsingar um þá flokka endurvinnsluefna og úrgangs sem við sækjum til okkar viðskiptavina, dæmi um efni í hverjum flokk fyrir sig og tillögur að íláti til að safna saman flokkunum. Hér er miðað við flokkun á upprunarstað, þ.e að hver og einn flokkur eigi sér ílát.
Bylgjupappi
ÚrgangsflokkarBylgjupappi er verðmætt endurvinnsluefni og því er mikilvægt að halda því aðskildu frá blönduðum pappa og pappír ef kostur er á. Bylgjupappinn má vera áprentaður og límbönd eða hefti mega fylgja. Þó er nauðsynlegt að fjarlægja aðra aðskotahluti, t.d. plast eða matarleifar, sem geta rýrt endurvinnslugildi pappans. Bylgjupappi er fluttur til Hollands til endurvinnslu og hann nýist til að búa til nýjar vörur úr pappa.
Ílát undir bylgjupappa
Ef um mikið magn af bylgjupappa er að ræða er pressugámur heppilegastur en hann pressar pappann jafn óðum til að búa til meira pláss. Ef um minna magn er að ræða mælum við með framhlaðningsgámum.
Sjá allar stærðir og gerðir af pressugámum og framhlaðningsgámum
Timbur - hreint
Timbur er eitt af þeim efnum sem mikið fellur til af á byggingarsvæðum. Mikilvægt er að aðgreina í upphafi hvort timbrið sé litað eða ólitað en endurvinnsluferlið er mismunandi eftir því hvort á við. Ólitað timbur er kurlað niður og verður að timburkurli sem selt er til frekari nota til að mynda við gerð göngustíga og víðar.
Dæmi um hreinan timburúrgang
- fúgavarið timbur sem er ekki með þekjandi fúgavörn
- timbur með glæru lakki
- ómálað timbur úr framkvæmdum
- timbur sem er ekki plasthúðað
- mótakrossviður
- mótatimbur
- tjörusoðinn krossviður
- tjörusoðið timbur
- dokaborð
- gagnvarinn viður
- gegnheilt parket
- húsgögn úr hreinu timbri
- krossviður
- límtré
- mDF
- masónít
- pallaefni
- spónaplötur
- timburlurkar
- trétex
- viðarparket
Ílát undir hreint timbur
Opnir krókgámar henta best þegar safna á saman timbri. Krókgámarnir okkar koma í stærðum 7-30m3. Við eigum einnig mikið úrval af lokuðum krókgámum, það er snyrtilegra á byggingarsvæðum og þá þarf ekki að neta gámana.
Sjá dæmi um stærðir og gerðir krókgáma
Timbur - litað
Timbur er eitt af þeim efnum sem mikið fellur til af á byggingarsvæðum. Mikilvægt er að aðgreina í upphafi hvort timbrið sé litað eða ólitað en endurvinnsluferlið er mismunandi eftir því hvort á við. Litað timbur er urðað.
Dæmi um úrgang úr lituðu timbri
- málað timbur
- timbur með þekjandi viðarvörn
- parket úr lökkuðu eða lituðu timbri
- plasthúðað timbur
- hdf og mdf
- masónít
- trétex
- harmonikkuhurðir
- innréttingar út lituðu eða lökkuðu timbri án festinga
- kerfisloft úr lituðu timbri
- sökkullistar úr lituðu timbri
- límtré og plasthúðaðir sólbekkir
- annað litað timbur
Ílát undir litað timbur
Opnir krókgámar henta best þegar safna á saman timbri. Krókgámarnir okkar koma í stærðum 7-30m3. Við eigum einnig mikið úrval af lokuðum krókgámum, það er snyrtilegra á byggingarsvæðum og þá þarf ekki að neta gámana.
Sjá dæmi um stærðir og gerðir krókgáma
Steinefni
Langstærsti hluti byggingarúrgangs er óvirkur úrgangur á borð við steypu, flísar, gler og önnur steinefni. Til að minnka magn í þessum flokki er til dæmis hægt að endurnota meira af honum á verkstað í fyllingar. Mikilvægt er að halda steinefnum flokkuðum frá öðrum úrgangi sem fellur til á byggingarsvæðum.
Dæmi um steinefnaúrgang
- gler í glerveggjum
- flísar með eða án flísalíms
- speglar
- salerni
- vaskar
- steypuklumpar
- hellur
- möl (grús)
- gluggagler
- uppgröftur
- postulín
- keramik
- flísar
- steinar
- rúður
- múrsteinar
- grjót
Ílát undir steinefni
Opnir krókgámar henta best við söfnun á steinefnum. Krókgámarnir undir steinefni koma í stærðum 3-9 m3.
Sjá dæmi um stærðir og gerðir krókgáma
Brotamálmar
Mjög víða er að finna ýmsa málmhluti sem hafa lokið hlutverki sínu og nýtast best sem endurunnin málmur í nýja hluti. Til þess að svo megi verða þarf að koma þeim í endurvinnslu.
Dæmi um úrgang úr brotamálmi
- álrimlaloft ásamt festingum
- kerfisveggir úr málmum
- rimlagluggatjöld úr áli
- lamir skrár, húnar og annar málmur
- álleiðarar
- burðarstoðir úr málmi
- festingar úr málmi
- málmfestingar
- stálhandrið ásamt festingum
- rafmagnsrennur úr málmi
Ílát undir brotamálma
Opnir krókgámar henta best við söfnun á brotamálmum. Krókgámarnir okkar koma í stærðum 7-30m3. Við eigum einnig mikið úrval af lokuðum krókgámum, það er snyrtilegra á byggingarsvæðum og þá þarf ekki að neta gámana.
Sjá dæmi um stærðir og gerðir krókgáma
Spilliefni
Mikilvægt er að koma spilliefnum í réttan farveg og tryggja þannig að þau berist ekki út í umhverfið, enda geta þau verið skaðleg.
Dæmi um spilliefnaúrgang
- flúorperur
- ljósaperur
- ljósabúnaður, startarar (conductor)
- olíumálning
- asbest úr eldri húsum
Asbest og vörur sem innihalda asbest voru notaðar sem eldvarnarefni, hitaeinangrun, hljóðeinangrun og fleira í mörgum byggingum sem voru byggðar fyrir 1980. Asbesti má aldrei blanda saman við aðra úrgangsflokka!
Ílát undir spilliefni
Spilliefnakör henta best við söfnun á úrgangi sem flokkast sem spilliefni. Tvær stærðir af körum eru í boði, 400 ltr og 600 ltr
Textíll
Þegar þarf að henda fatnaði, líni, tuskum og öðru úr textíl er mikilvægt að safna því saman á einn stað og koma því þannig til endurnýtingar eða endurvinnslu. Terra hefur unnið í samstarfi við Rauða Krossinn en þá sinnir Terra söfnun og útvegar viðeigandi ílát og Rauða Krossinn sér um móttöku og að koma efninu í endurvinnslu.
Ílát undir textíl
Hægt er að fá tunnur í stærðum 120ltr - 1100 ltr í nokkrum litum. Einnig er hægt að fá tunnur sem hægt er að læsa.
Hér má sjá dæmi um fleiri tunnur
Gróft plast (annað en umbúðaplast)
Umbúðaplast ber úrvinnslugjald og því er annað gjald fyrir annað plast sem fellur til. Þessu plasti er einnig komið til endurvinnslu eftir fremsta megni.
Dæmi um úrgang úr plasti án úrvinnslugjalds
- vatns- og frárennslisrör
- ídráttarbarkar og rör
- rimlagluggatjöld úr plasti
- plastfestingar og listar
- frauðplast
- plastbakkar
- plasthjálmar
- plexi gler
- rafmagnsrennur úr plasti
Ílát undir plast án úrvinnslugjalds
Opnir krókgámar henta vel þegar mikið magn af plasti er samankomið á einn stað. Krókgámarnir okkar koma í stærðum 7-30m3. Við eigum einnig mikið úrval af lokuðum krókgámum, það er snyrtilegra á byggingarsvæðum og þá þarf ekki að neta gámana. Einnig er hægt að leigja kör ef plastið er ekki í miklu magni.
Sjá dæmi um stærðir og gerðir krókgáma
Gifs
Úrgangur sem fellur til úr gifsi þarf að halda aðskildum frá öðrum úrgangi. Gifs má ekki urða ásamt lífrænum úrgangi vegna efnasambanda (H2S) sem losna frá því við slíkar aðstæður.
Ílát undir gifsúrgang
Opnir krókgámar henta best þegar safna á saman gifsi. Krókgámarnir okkar koma í stærðum 7-30m3. Við eigum einnig mikið úrval af lokuðum krókgámum, það er snyrtilegra á byggingarsvæðum og þá þarf ekki að neta gámana.
Sjá dæmi um stærðir og gerðir krókgáma
Blandaður pappi og pappír
Blanda má öðrum pappa en bylgjupappa saman við pappír og safna í sama ílát. Blandaður pappi og pappír er flokkaður á starfstöð Terra og efnið sent út til Hollands til endurvinnslu.
Dæmi um blandaðan pappa og pappír
- dagblöð
- tímarit
- umslög
- gluggaumslög
- fernur
- pappa mál
- aðrar umbúðir úr pappa
Ílát undir blandaðan pappa og pappír
Hægt er að fá tunnur í stærðum 120 ltr - 1100 ltr. í nokkrum litum. Einnig er hægt að fá tunnur sem hægt er að læsa.
Hér má sjá dæmi um fleiri tunnur
Matarleifar
Matarleifar skal ávallt haldið aðskildum frá öðrum úrgangi. Þannig er hægt að jarðgera hann og búa til moltu og stuðla þannig að notkun hringrásarhagkerfisins.
Dæmi um matarleifar
- afskurður frá ávöxtum og grænmeti
- eldaðir kjöt- og fiskafgangar
- kaffikorgur og tepokar
- eldhúsbréf
Ílát undir matarleifar
Tunnur henta best til söfnunar á matarleifum. Innihaldið er fljótt að verða þungt og mikilvægt er að tæma það reglulega til að koma í veg fyrir að lykt fari að myndast.
Skilagjaldskyldar umbúðir
Mikil verðmæti eru fólgin í því að koma drykkjarumbúðum til endurvinnslu. Ál er hægt að endurvinna aftur og aftur án þess að efniseiginleikar þess rýrast og árlegt útflutningsverðmæti nemur um 200 millj.kr. skv. tölum frá Endurvinnslunni hf.
Terra býður upp á ílát sem henta til söfnunar á skilagjaldskyldum umbúðum sem enda síðan hjá Endurvinnslunni hf sem sér um að koma þeim til endurvinnslu.
Dæmi um skilagjaldskyldar umbúðir
- glerflöskur fyrir áfengi
- glerflöskur fyrir bjór
- glerflöskur fyrir ávaxtasafa
- glerflöskur fyrir gosdrykki
- glerflöskur fyrir orkudrykki
- plastflöskur fyrir ávaxtasafa
- plastflöskur fyrir gosdrykki
- plastflöskur fyrir orkudrykki
- plastflöskur fyrir vatn
- plastflöskur fyrir áfengi
- áldósir fyrir gosdrykki
- áldósir fyrir orkudrykki
- áldósir fyrir bjór
Ílát undir skilagjaldskyldar umbúðir
Hægt er að fá tunnur í stærðum 120 ltr - 1100 ltr. í nokkrum litum. Einnig er hægt að fá tunnur sem hægt er að læsa.
Hér má sjá dæmi um fleiri tunnur
Jarðvegur / uppgröftur
Jarðvegur er jarðlag eða setlag úr steindum og lífrænum efni og er eitt mest notaða byggingarefnið í heiminum í dag. Fyrir utan það að vera notað gríðarlega mikið til grundunar mannvirkja, er það einnig mikið notað í steypu.
Ílát undir jarðvegsúrgang
Opnir krókgámar henta best undir jarðefnaúrgang. Við eigum einnig mikið úrval af lokuðum krókgámum, það er snyrtilegra á byggingarsvæðum og þá þarf ekki að neta gámana. Einnig er hægt að leigja kör ef plastið er ekki í miklu magni.
Sjá dæmi um stærðir og gerðir krókgáma
Jarðvegur / múrbrot - Bolalda
Í Bolöldu er heimilt að losa endurnýtanlegt, óvirkt jarðefni svo sem mold, möl og grjót. Einnig má losa steinsteypubrot sem búið er að klippa af öll útistandandi járn og hreinsa af öðrum efnum svo sem einangrun, pappa og klæðningu. Ekki er heimilt að losa lífrænan úrgang eins og húsdýraskít og landbúnaðarhrat, eins og það er orðað í starfsleyfi.
Dæmi um úrgang sem má fara í Bolöldu
- Mold
- Steypuklumpar án útistandandi járns
- Hellur
- Möl (grús)
- Gler (má vera hluti farmsins)
- Uppgröftur með þökum (aðeins í mjög takmörkuðu magni)
Alls ekki tré, rótarkerfi eða annar lífrænn úrgangur.
Athugið: Þessi samsetning er ekki í boði á öllu landinu
Ílát undir úrgang í Bolöldu
Opnir krókgámar henta best undir jarðvegs- og múrbrotsúrgang. Við eigum einnig mikið úrval af lokuðum krókgámum, það er snyrtilegra á byggingarsvæðum og þá þarf ekki að neta gámana. Einnig er hægt að leigja kör ef plastið er ekki í miklu magni.
Sjá dæmi um stærðir og gerðir krókgáma
Veiðarfæri
Veiðarfæraúrgangur frá Íslandi er nú fluttur til endurvinnslu í Litháen og Danmörku. Góður árangur hefur náðst með því fyrirkomulagi og framleiðslan fer að stærstum hluta í raf- og bílaiðnað í Þýskalandi, meðal annars til framleiðslu á plastíhlutum í bifreiðar.
Á vef SFS má nálgast nýjustu upplýsingar um móttökustöðvar fyrir úrelt veiðarfæri til endurvinnslu. Ekki er hægt að tryggja að aðrir geti komið veiðarfæraúrgangi til endurvinnslu.
Dæmi um veiðarfæraúrgang
- Botnvarpa
- Dragnót
- Fiskinet
- Flotvarpa
- Handfæri
- Hringnót
- Lína
- Ljóstur
- Þríförkur
- Öngull
Ílát undir veiðarfæri
Opnir krókgámar henta undir veiðarfæraúrgang.
Sjá dæmi um stærðir og gerðir krókgáma
Terra umhverfisþjónusta og byggingariðnaðurinn
Vistspor byggingariðnaðarins er stórt og undirstrikar mikilvægi umhverfisvænni lausna í iðnaðinum. Hlutverk Terra umhverfisþjónustu í þessu samhengi er að aðstoða fyrirtæki að ná sínum markmiðum í söfnun og flokkun úrgangs og veitir fyrirtækjum sérsniðnar lausnir fyrir byggingariðnaðinn, flokkunarleiðbeiningar og aðstoð til fyrirtækja við að ná sínum markmiðum.
Við gerum okkur grein fyrir að úrgangsefni eru ólík eftir því í hvaða fasa verkefnið er, hvort sem það er niðurrif, byggingarframkvæmd eða jarðvinna og sníðum við þjónustuna að þeim þörfum með fyrirtækinu.
BREEAM staðall
Bream (Building Research Establishment Environmental Assessment Method) er fyrsta vistvottunarkerfið fyrir byggingar og skipulag sem tekið var í notkun á Íslandi og á uppruna sinn frá Bretlandi. Kerfin skapa viðmiðunarramma um það hvað teljist vistvænt mannvirki/skipulag og stuðlar að sjálfbærri þróun innan byggingariðnaðarins. Vistvottunarkerfi eru þróuð með það í huga að draga úr efnisnotkun og neikvæðum umhverfisáhrifum á öllum stigum vistferils bygginga. Skv BREEAM staðlinum þarf að flokka úrgang í eftirtalda 8 flokka; Málmar og brotajárn, timbur, plast, pappír/pappi, steinefni, spilliefni og rafbúnaður. Einnig má hlutfalls almenns sorps ekki vera hærra en 11%. Einnig leggur staðallinn mikið upp úr að úrgangur sé geymdur á þann veg að tryggt sé að hann fjúki ekki né mengi jarðveg.
Hér er hægt að lesa um kröfur BREAAM þegar kemur að byggingarefni og úrgangi
