Gámar, tunnur og kör

Djúpgámar

Einn af fjölmörgum kostum djúpgámanna er sá að þeir ýta undir aukna flokkun sorps í heimahúsum en þeir eru þá nokkrir á sama stað þannig að íbúar geta sett flokkað rusl í réttan gám. Þetta verður til þess að fleiri tegundir endurvinnsluefna eru flokkaðar frá almennu sorpi.

Þar að auki er mikið pláss í þessum gámum án þess þó að það sjáist mikið í þá. Stærsti hluti gámsins, sem getur verið 1,2 til fimm rúmmetrar, er neðanjarðar og einungis efsti hluti hans er sýnilegur og þar er hólf þar sem þú getur flokkað ruslið. Efsti hluti gámsins er álíka stór og hefðbundin ruslatunna og flokkunartunnur. 

Sjá fleiri gerðir djúpgáma

Krókgámar

Krókgámarnir okkar eru í stærðum 7–30 m3 og fást bæði opnir og lokaðir. Gámarnir henta vel við framkvæmdir og þar sem stendur til að blanda nokkrum efnisflokkum saman í einn gám. 

Sjá allar stærðir krókgáma

Geymslugámar

Við eigum á lager eða útvegum með stuttum fyrirvara margs konar gáma til kaups eða leigu. Bjóðum einnig afnot af geymslusvæði okkar við Hringhellu 6 í Hafnarfirði gegn vægri leigu. 

Geymslugámur (skipagámur) er hagkvæm og einföld lausn á ýmsum geymsluvandamálum, hvort sem þú ert bóndi, verktaki, fiskverkandi, flutningabílstjóri o.s.frv. Einnig getur gámur verið hentug lausn til geymslu á búslóðum. Við sendum og sækjum gáma hvert á land sem er. Með því að fella gám að umhverfinu getur hann hentað sem geymsla við sumarbústað, golfvelli eða aðra staði.

Nánar um geymslugáma