- Fyrirtæki
- Heimili
- Um Terra
Skrifstofuhúsnæði
-
Söludeild notaðra bíla hjá Benna
Frá sumrinu 2019 hefur Bílabúð Benna rekið söludeild sína fyrir notaða bíla í þessu 27 fermetra Contimade húsi.
-
Landamærastöð Faxaflóahafna við Skarfabakka
Sumarið 2019 settu Faxaflóahafnir upp landamærastöð við Skarfabakka. Um er að ræða 124 fermetra hús samsett úr Contimade einingum þar sem tekið er á móti farþegum sem koma með skemmtiferðaskipum. Þar er að finna aðstöðu fyrir farþega og starfsmenn, sérstakt rými fyrir móttöku farangurs og aðstöðu fyrir skoðun skilríkja svo eitthvað sé nefnt.
-
Aðstaða fyrir bílaleigu Akureyrar
Í þessu 18 fermetra húsi frá Contimade hefur Bílaleiga Akureyrar þjónustað farþega skemmtiferðaskipa við höfnina á Skarfabakka síðan um vorið 2019.
-
Háskóli Íslands - Team Spark
Síðan 2009 hafa verkfræðinemar við háskóla Íslands hannað og smíðað eins manns rafmagnskappakstursbíla undir nafninu Team Spark. Liðið keppir svo í árlegri alþjóðlegri hönnunar- og kappaksturskeppni, Formula Student. Árið 2018 setti háskólinn upp aðstöðu frá Hafnarbakka sem nýtt er til hönnunar og smíða fyrir liðið. Um er að ræða 54 fermetra hús sem samanstendur af tveimur 3 x 9 fm húseiningum frá Contimade í Tékklandi.
-
Árborg - skólastofur fyrir Vallaskóla
Haustið 2018 voru settar upp þrjár skólastofur fyrir Vallaskóla á Selfossi. Hver skólastofa var sett saman úr tveimur húseiningum frá Contimade sem voru 30 fermetrar hvor. Enn fremur var settur upp 33 metra langur gangur sem er 2,4 metrar á breidd sem tengir skólastofuna við aðalbyggingu. Þarna var hægt að setja upp aðstöðu með mjög stuttum fyrirvara til að leysa aðkallandi vanda.
-
Leikskólinn Fagrabrekka á Seltjarnarnesi
Haustið 2018 var sett upp leikskólaaðstaða á Seltjarnarnesi. Hún var sett saman úr þrettán húseiningum af mismunandi stærðum frá Contimade, alls rúmlega 300 fermetrar með skrifstofuaðstöðu. Þarna var hægt að setja upp aðstöðu með mjög stuttum fyrirvara sem nýtist uns byggingu nýs leikskóla verður lokið.
-
Landsspítalinn Fossvogi
Síðla árs 2016 setti Landsspítalinn upp þriggja hæða byggingu samsetta úr Contimade húseiningum í Fossvogi. Tilgangur hússins er að nýta það sem skrifstofur fyrir lækna sem áður höfðu skrifstofur í aðalbyggingunni. Þar með var unnt að nýta betur rými aðalbyggingar fyrir rannsóknir, sjúklinga og annað. Þetta leysti vandamál sem hafði verið mjög aðkallandi fyrir stofnunina og læknar hafa lýst yfir ánægju með þessa lausn.
-
Landsspítalinn Hringbraut
Í ársbyrjun 2015 tók Landsspítalinn í notkun þriggja hæða byggingu samsetta úr Contimade húseiningum við Hringbraut. Tilgangur hússins er að nýta það sem skrifstofur fyrir lækna sem áður höfðu skrifstofur í aðalbyggingunni. Þar með var unnt að nýta betur rými aðalbyggingar fyrir rannsóknir, sjúklinga og annað. Þetta leysti vandamál sem hafði verið mjög aðkallandi fyrir stofnunina og læknar hafa lýst yfir ánægju með þessa lausn.
-
Eimskip - verkefni
Við höfum unnið margvísleg verkefni fyrir Eimskip. Má þar nefna reiðhjólageymslu, búningsklefa, reykhús, skrifstofur að ógleymdri aðstöðu til kennslu og/eða fyrirlestra.
Hér gefur að líta myndband með þrívíddar "konsept" teikningu af sambærilegri kennslustofu, samsettri úr húseiningum frá okkur: -
Akureyri Whale Watching
Aðstaða Akureyri Whale Watching er að mestu byggð upp með húseiningum frá Terra Einingum. Þetta verkefni sýnir vel hvernig mögulegt er að breyta útliti húsa með ýmis konar klæðningum. AWW á hrós skilið fyrir smekklegan frágang.
-
Þorvaldseyri - gestamóttaka
Vorið 2017 settu Ólafur og Guðný á Þorvaldseyri upp aðstöðu til að taka á móti ferðamönnum sem koma við til að sjá kvikmyndina um náttúruhamfarir á svæðinu. Um er að ræða gang, salerni fyrir fatlaða, fimm klefa unisex salerni ásamt íbúð fyrir starfsmann. Í þetta voru notaðar þrjár húseiningar frá Contimade.
-
Veðurradarstöð á Teigsbjargi
Á Teigsbjargi sem er hluti af Miðfelli á Fljótsdalsheiði hefur þessi veðurradarstöð staðið síðan 2011. Hér er um að ræða sérsmíðaðan einangraðan og heilsoðinn 20 feta stálgám. Einangrun í veggjum og lofti er 12 sentimetrar en í gólfi 15 sentimetrar. Á gámnum er sérstök stálhurð með þremur læsingum til að ná 100% þéttingu á hurðinni. Það er nauðsynlegt þar sem gámurinn er settur upp á svæði þar sem allra veðra er von auk möguleika á öskufoki. PVC klæðning var sett á timburgólfið til að auðvelda þrif og auka gæði gámsins. Gámurinn var svo málaður með þykkri málningu (210 my).
-
Fjölskyldu- og Húsdýragarðurinn
Í Fjölskyldu- og húsdýragarðinum var sett upp starfsmannaaðstaða í fimm húsum frá Contimade.
-
Flugfélagið Ernir
Skrifstofuaðstaða Flugfélagsins Ernir er 252 fermetrar og er samsett úr tíu húseiningum frá Contimade. Gert er ráð fyrir að önnur hæð verði sett ofan á síðar.
-
Terra Berghellu
Höfuðstöðvar Terra í Berghellu eru meira og minna settar saman úr húseiningum frá Contimade. Þær eru alls 642 fermetrar og í þær fóru 25 húseiningar af mismunandi stærðum. Við bætist svo staðbyggður matsalur upp á sirka 100 fermetra. Í skrifstofuhluta byggingarinnar voru nýttir glerfrontar sem áður prýddu skrifstofur Samtaka iðnaðarins á Hallveigarstíg í Reykjavík, sjá myndir.
-
Terra / Terra Einingar - fundarherbergi og sýningaraðstaða
Þessar húseiningar voru nýttar sem fundaraðstaða fyrir Terra og Terra Einingar í nokkur ár. Einnig bauð húsnæðið upp á aðstöðu til að sýna ýmis ílát.
-
Terra við Hlíðarveg Akureyri
Þann 12. júlí 2012 opnaði Terra Norðurland höfuðstöðvar við Hlíðarvelli á Akureyri. Þar er skrifstofubygging upp á 312 fermetra á tveimur hæðum. Í hana voru notaðar 20 húseiningar frá Contimade sem áður höfðu hýst lögreglustöðina í Leifsstöð.
-
Gufunesbær - frístundamiðstöð
Sumarið 2018 setti Terra Einingar upp 162 fermetra frístundamiðstöð í Gufunesbæ. Hún var samsett úr sex húseiningum sem voru 27 fermetrar hver. Húsið býður upp á fyrirtaks aðstöðu eins og sjá má á meðfylgjandi myndum.
-
Heilsustofnun Suðurlands
Aðalskrifstofur Heilbrigðisstofnunar Suðurlands eru staðsettar við spítalann á Selfossi. Þær eru í 300 fermetra húsi samsettu úr 10 húseiningum frá Contimade sem eru 30 fermetrar hver.
