Línsöfnun Terra og Rauða krossins

Terra og Rauði krossinn kynna með stolti samstarf um að safna líni og textíl frá fyrirtækjum til endurvinnslu. Þetta eru rúmföt, handklæði og ýmis konar vefnaðarvörur sem hafa oft og tíðum verið utan gátta á Íslandi þegar kemur að flokkun og endurvinnslu. Þetta eru dýrmæt endurvinnsluefni sem eiga sér verðugt framhaldslíf og Terra mun sjá um söfnunina.

Við hjá Terra erum stolt af því að taka þátt í þessu brýna og mikilvæga hringrásarverkefni með Rauða krossinum og hvetjum öll fyrirtæki sem vinna mikið með lín og vefnaðarvörur að leggja þessu verkefni lið.

Vertu með okkur í liði – lín á réttan stað

Línsöfnun Rauða krossins og Terra er frábær leið til að stuðla að bættri endurvinnslu og umhverfisvernd. Með því að vera með okkur í liði og koma öllu líni á réttan stað og styrkir þú neyðaraðstoð Rauða krossi bæði hérlendis og erlendis.

.
Rauði krossinn
Lesa meira
IKEA hefur stórbætt flokkun sína í samstarfi við Terra

IKEA hefur sinnt umhverfismálum vel allt frá stofnun fyrirtækisins fyrir rúmum sjötíu árum og er oft talað um að umhverfisvernd sé hluti af erfðaefni þess. Stofnandinn, Ingvar Kamprad, var nýtinn og hagsýnn maður frá Suður-Svíþjóð, þar sem vinnusemi, nýtni og elja hafa löngum verið í hávegum höfð. Þessi gildi hafa fylgt IKEA, sem hefur sett sér formlega umhverfisstefnu með metnaðarfullum markmiðum til ársins 2030 og kallast hún People and Planet Positive. Eitt stærsta markmiðið er að stuðla að hringrás á öllum sviðum starfseminnar og lágmarka þannig rusl eins og framast er unnt. IKEA á Íslandi fylgir að sjálfsögðu stefnunni og sinnir auk þess staðbundnum verkefnum á sviði umhverfisverndar og samfélagsábyrgðar.

Einn afar mikilvægur liður í umhverfismálum hvers fyrirtækis er flokkun og úrvinnsla úrgangs frá fyrirtækinu. Þótt markmið allra í dag hljóti að vera að draga úr sorpi hvar sem því verður við komið, þá er enn óhjákvæmilegt að hjá stórfyrirtæki falli til gríðarlegt magn úrgangs sem þarf þá að flokka eins vel og hægt er. IKEA hefur stórbætt flokkun sína í samstarfi við Terra og eitt hliðarverkefnanna hefur verið að taka þann lífræna úrgang sem fellur til á veitingastaðnum og í mötuneyti starfsmanna og endurnýta hann. Undanfarin misseri hefur Terra sótt lífrænan úrgang til IKEA og unnið úr honum moltu. Fullunnin molta er svo sett í gám sem stendur úti á bílastæði verslunarinnar þar sem öllum er frjálst að fá ókeypis moltu. Þannig er á virkan hátt verið að finna leiðir til að lágmarka urðun á sorpi og búa til verðmæti á sama tíma. Til fyrirmyndar!

.
IKEA
Lesa meira