Grenndargámar Terra í Grímsnes- og Grafningshreppi bjóða nú upp á úrvals þjónustu. Á hverri stöð verður hægt losa sig við heimilisúrgang í sjö flokka; plast, pappa, málm, gler, lífrænt, blandað og skilaskyldar umbúðir - þetta eru allt dýrmæt efni sem Terra kemur síðan í endurvinnslu.

Terra  sér um sorphirðu í sveitarfélaginu og hefur gert frá árinu 2009. Við flokkun sorps í Grímsnes- og Grafningshreppi er notast við fjögurra tunnu kerfi. Á hverju heimili er ein tunna fyrir almennt sorp, ein tunna fyrir lífrænan úrgang, ein fyrir pappa og pappír og ein tunna fyrir plast. 

Nánast öll heimili á Suðurlandi eru nú með lífræna flokkun. Í Grímsnes- og Grafningshreppi búa um 500 íbúar sem allir flokka í lágmark fjóra flokka á heimilum sínum, lífrænan úrgang í brúntunnu, plast í græntunnu, pappa í blátunnu og annan úrgang í grátunnu. Á sama tíma hafa íbúar verið hvattir til að safna málmum og gleri á heimilum sínum og fara með í þar til gerð ílát á Gámastöðina Seyðishólum. Í sveitarfélaginu eru einnig tæplega 3000 frístundahús sem mörg hver eru notuð allan ársins hring. 

Til þess að koma til móts við eigendur frístundahúsa og gera þeim auðveldara fyrir að flokka heimilisúrgang hefur sveitarfélagið hrundið af stað metnaðarfullu grenndarstöðvaverkefni í samstarfi við Terra. Nú eru starfræktar grenndarstöðvar á fimm stöðum í sveitarfélaginu og á hverri stöð verður hægt losa sig við heimilisúrgang í sjö flokka; plast, pappa, málm, gler, lífrænt, blandað og skilaskyldar umbúðir.  Á þessum grenndarstöðvum verður einnig notast við lita kóða fyrir úrganginn líkt og á heimilunum. Við þessa breytingu verða flokkunarmöguleikarnir fyrir frístundahús með því besta sem þekkist á landsvísu og er Grímsnes- og Grafningshreppur fyrsta sveitarfélagið á landinu sem setur upp slíka flokkunargáma. Við hönnun var horft til litamerkinga á bæði tunnum og gámum sem auðveldar notendum enn frekar að muna hvaða úrgangur fer hvert, úrgangurinn er tengdur við litinn sem gerir upplifunina og notkunina betri, jákvæðari og eftirminnilegri. Með þessum aðgerðum er vonast til þess að flokkun í frístundahúsum muni aukast sem gerir það kleift að senda stærri hluta úrgangsins til endurvinnslu. Þannig er hægt að leggjum meira af mörkum til verndar náttúru og umhverfis. Aukin flokkun er auk þess hagkvæm fyrir alla og skilar sér í lægri kostnaði við sorphirðu og sorpeyðingu fyrir alla fasteignaeigendur í sveitarfélaginu.