Molta

Moltan er blanda af þeim lífræna úrgangi sem við söfnum hjá fyrirtækjum og stofnunum, hrossataði og trjáúrgangi sem búið er að fara í gegnum hitameðferð. Terra hefur fengið mat Umhverfisstofnunar um að sá úrgangur sem endurnýttur er í jarðgerð fyrirtækisins telst ekki lengur úrgangur og flokkast sem vara. Þannig komum við þeim lífræna úrgangi aftur inní hringrásina í formi jarðvegsbætis, í stað þess að hann endi í urðun. 

Moltan þykir kraftmikill jarðvegsbætir sem gott er að blanda annarri mold í hlutföllunum 1/3 (1 hluti molta 2 hlutar mold) eða dreifa moltunni yfir beð og grasflatir í þunnu lagi.

Panta Moltu

Timburkurl

Timburkurl er afrakstur innlendrar endurvinnslu en það er tætt úr því timbri sem berst til okkar. Kurlið þykir vinsælt í runna- og blómabeð í görðum, í stíga á útivistarsvæðum og sem undirburður í gripahúsum. Kurlið er heimkeyrt á höfuðborgarsvæðinu.

Um er að ræða timburkurl en ekki trjákurl. 

Einnig er hægt að nálgast kurlið hjá okkur í Berghellu 1, en þá er keyrt framhjá byggingu merktri skrifstofu, inn um hlið og lagt við vigtarskúr. Kurlið er afhent í vigtarskúrnum þar sem einnig er tekið á móti greiðslu vegna afhendingar.

Panta Timburkurl